انا ممكن اروح امسك السبارك ومشيهالك في حتى مكسرة فيدو كده 4 دقايق وتبقى زي الفل
احنا بنكتلم على عدد كبير من المرات
المهم سيبك من انها كويسة ولا وحشة في الاخر دي 4*4 والتانية 2wd
وكل واحد واحتياجو
والله المستعان
عرض للطباعة
تقرير رائع .. شكرا ياباشا
هو ما اعتقدش فى اى صانع سياره ممكن يصممها علشان تمشى كل يوم فى الطرق و الجبال اللى الداستر دى مشيت فيها. يعنى الفيديو بيبين امكانيات العربيه و الله اعلم العربيه حصل فيها ايه بعد البهدله دى (اقل واجب هيحتاج يربط عفشه :) ) و احنا فى مصر الشوارع مكسره و مليانه حفر و بلاعات بس ما وصلتش يعنى زى الفيديو و اللى ممكن يبقوا محتاجينها فعلا المهندسين المدنيين مثلا اللى بينزلوا مواقع لان الطرق بتبقى مش ممهده و ممكن يمشوا فى رمل و زلط و حاجات بتبهدل العفشه بتاعه اى عربيه لكن فى الاستخدام اليومي و العادى داخل المدينه و ممكن كمان فى السفر القاشقاى تبقى انسب و مش محتاجه جر رباعى فى حاجه و الافضليه بتكون لوسائل الامان و الكماليات و الاتوماتيك علشان الزحمه و خاصه كمان ان عفشتها مالتى لينك و مش كفته يعنى و موتورها حلو و بتجرى
تقرير محترم من شخص محترم
بس طبعا عمرنا ما حنثبت على رائ ثابت وذوق ثابت
يعنى على سبيل الميثال .. اعضاء كتير اتكلموا على موضوع السقف البانوراما فى تقرير كتير فى القسم عندنا فى القسم وقت ما عملنا تيست دريف .. وقالو ان مش مهم ابدا وشكله عادى .. وكان ممكن يدوروا على حاجات اخرى اهم تتحط فى العربية وهكذا
انا عن نفسى بقول العربية دى من ناحية الميكانيكا مش ناقصة حاجة
لكن انا متفق معاك فى الكماليات محتاجة شوية .. بس كل حاجة لو اتحطت حتعلى فى سعر العربية
زى اللى محتاجاه .. الكروز كنترول .. نيفجيتور .. كفرات اشارات .. بلوتوث .. دول اهم حاجة
بس تابعونا وحتسمعوا اخبار حلوة وحصرية فى العربية دى قريب جدا
وعندنا الجديد دايما ومش حتلاقوا الاخبار دى حتى عند الموزعين المعتمدين كمان !!!
اما بقا بخصوص الداستر .. بصراحة زى ما وضحوا الاعضاء منهم وليد واسامة وكان فى عضو تانى
قالوا ان فعلا العربية حسب ما انت محتاج .. اللى محتاج عربية مدينة وطرق سفر ممهدة وعالية عشان المطبات وماتورها يابانى وتقفيل محترم وكماليات معقولة نسبيا .. يبقا القاشقاى
اللى بيروحوا مواقع شغل كتير ومحتاج الدفع الرباعى وبيحب المانيول .. يبقا الداستر
وبخصوص الاكس تريل .. فى ناس سمعت كتير لما بروح مراكز الخدمة لنيسان بيقولوا ان فى ناس بتشتكى منها مش مسائلة السعر بس .. العربية العفشة بتعتها سيئة وتقفليها مش كويس
الاكس تريل اللى بتنزل بره مصر حاجة تانية خااااااااص
عشان كدا الداستر .. اللى بره انا ممكن اضمنها .. لكن اللى بتنزل مصر مش حقولكم بتتقفل هنا بردوا مش حثق فيها لان مضمنش اللى بيجى مصر والمواصفات المطلوبة لينا والشرق الاوسط اخبارها ايه
لان بيحصل فيها تغيير
حتى القاشقاى .. اللى كانت زمان من سنة فى معرض الفورميلا اللى موجودة فى العرض وجاية من انجلترا كان تقفيلها مختلف عن اللى نزل هنا بعد كدا .. ودى اخدت بالى منها انا وحسين
ومع ذلك اللى نزل مصر وبمواصفات خاصة لينا كان مستوى التقفيل فيه محترم مش وحش ..
فعشان كدا صعب اركب داستر .. وطبعا دى وجهة نظرى
بصراحة تقرير ممتاز جدا ..