بخصوص الاوكتين واضاااافات البنزين .. واشياااء اخرى

سلام الله عليكم جميعا وحشتوووني وطال الاشتيااااق :)
امبارح وانا بمون من محطة شل اللي في شارع رابعه العدويه للي جاي من مسجد النوري .. لاقيت عامل المحطه عارض عليا علبه اسمها تقريبا ديلوكس 44 تمنها 54 جنيه وبيقوللي مهمه جدا للمحرك .. وقلتله ضيفها وبعد كده جابلي علبه تانيه تمنها 16 جنيه وقاللي دي حتخللي اوكتين البنزين 98 بدل 95 وده شيئ جميل جدا للمحرك .. وحطتها برضو ..
السؤال بقى ؟؟ فين السؤااااال ؟؟؟ :) هههههههه
قبل السؤال انا عاوز اقول ان فعلا حسيت ان اداء العربيه بقى احلى والصوت بقى انعم .. وخايف ان ده يكون تأثير بالإيحااااااء :)
سؤالي للخبرااااء .. ايه ( الحااااجات ) اللي ( سقوها ) للعربيه دي بالظبط ؟؟
ولو مفيده .. احطها كل أد ايه ؟؟ .. وشوية معلوماااات كده عن افضل انواعها والتحابيش اللي انتوا عارفينها :)
جزى الله كل من رد عليا الفردوس الاعلى من الجنة .. الموضوع فعلا مهم ليا جدا ..

طب ممكن تصورلنا العلب عشان نشوف شكلها و نقللك هيا بتعمل ايه...لأن فيه كذا اضافة للبنزين

و نفسي أشوف الديفندر الجديد:)

اقتباس:

---

المشاركة الأصلية كتبت بواسطة NaderNabil

طب ممكن تصورلنا العلب عشان نشوف شكلها و نقللك هيا بتعمل ايه...لأن فيه كذا اضافة للبنزين

و نفسي أشوف الديفندر الجديد:)

---

حياك الله نادر بك .. العلب هو بعد ما ملاها وراني انها فاضيه وبعدين تخلص منها في صندوق الفوارغ .. والديفندرات اوعدكم اني حنزل موضوع مخصوص فيه صور ليها من كل زاويه .. ان شااااء الله :thumbsup:

نصيحة يا تيمور باشا

بلاش تسمع كلام العمال بتوع البنزينة

لو عاوز تضيف اى حاجة, اسأل على فايدتها الاول, و احسن الانواع بعد كده اشتريها

لكن بتوع البنزينة دول ناس جهلة, و بيفتوا

يعنى العربية لما كانت زيرو, كان عاوز يبيع لى منظف الرشاشات, اقول له دى عربية زيرو, يقولى ما هى كانت مركونة

قلت له مش عاوز حاجة, و قفلت الشباك

اقتباس:

---

المشاركة الأصلية كتبت بواسطة معاذ الشرباصى

نصيحة يا تيمور باشا

بلاش تسمع كلام العمال بتوع البنزينة

لو عاوز تضيف اى حاجة, اسأل على فايدتها الاول, و احسن الانواع بعد كده اشتريها

لكن بتوع البنزينة دول ناس جهلة, و بيفتوا

يعنى العربية لما كانت زيرو, كان عاوز يبيع لى منظف الرشاشات, اقول له دى عربية زيرو, يقولى ما هى كانت مركونة

قلت له مش عاوز حاجة, و قفلت الشباك

---

حياك الله بالجنه استاذي معااذ بك ..
حاضر والله .. اوعدك مش حشتري حاجه الا اذا كانت من ثقااااات مثلك ودي فعلا غلطه ومش حتتكرر ..
ولكم مني جميعا كل الحب والود والاحترااااااام ..

ممكن يكون حطلك octane booster
و فعلا متسمعش كلام بتوع محطة البنزين لأن معظمهم إن لم يكن كلهم لا يفقه البتنجان عن البطيخ

اقتباس:

---

المشاركة الأصلية كتبت بواسطة dehumanizer

ممكن يكون حطلك octane booster
و فعلا متسمعش كلام بتوع محطة البنزين لأن معظمهم إن لم يكن كلهم لا يفقه البتنجان عن البطيخ

---

على فكره انا في اول خروجه حرورح لولاد الحلال دول واقللهم انتوا حطيتوا ايه بالظبط :) .. هههههههه
لا بجد .. وحكتب هنا بالتفصيل العلبتين دول .. لكن انا رأيي زي ماهو ان العربيه اتحسنت