يا ريت حد يأكد المعلومه (لكن سواقته تكون زي سواقتي)
لكن 250 يبقي يا سواقة عنيفه يا إما العربيه فيها حاجه
بالمناسبه العربيه عامله كام كيلو و أيه أخبار الصيانات
حضرتك 320كم فى الصفيحة غريبة فعلا بس يمكن حضرتك مابتعديش 80كم/ساعة فى المشى العادى والقرص على 90كم/ساعة مثلا!!
أصل دى السرعات اللى ممكن يكون فيها الإستهلاك الأمثل
وبعدين ده موتور 1600
يعنى مثلا العربية البولو كانت 1000 سى سى ومكتوب فى الكتالوج إنها ممكن تعمل 420 كم / 20 لتر !!
طبعا ماشفتش الموضوع ده غير لما سافرت مره وكنت ماشى 80 - 90 كم / ساعة وفعلا عملت 380 كم / 20 لتر بالعافية
حضرتك قربت شويه هو طريقة سواقتي 90% منها هاديه و بالتالي إستخدام فرامل قليل و طلعتي حساسه شويتين بالإضافه للصيانه بتبقي في ميعادها و التفويل بيبقي بالليل و علي قدر المستطاع بأتلاشي الأماكن الزحمه و الأوقات الزحمه و مش شرط أبقي مثبت 90 ممكن أعديها لكن مبعديش 120 في الطبيعي ... لكن ده لا يمنع إن بيبقي فيه أوقات بيبقي فيها شوية شقاوه و حرق لزوم تفويق الموتور و صحصحته
و بالماتريكس كذلك كنت بعمل كيلومتر كويس بالصفيحه كان من240_270 و مكنش رقم ثابت لأن موتور الماتريكس (فيرنا_إلنترا2005_كوبيه_..) و الفتيس بحالات ساعات بيبقي موفر و ساعات بيبقي غول بنزين و طبعا دا متعوض في الإلنترا بسبب cvvt