رابطة مالكي الElantra من 2007 الى 2011

صباح الخير على الجميع..
الحمد لله ربنا كرمني بـ Hyundai Accent موديل 2006 أخر الشكل القديم و فيها موتور Elantra موديل 2005 أوتوماتيك 1600CC. مش عايز أتكلم عن الثبات و الأداء العالي للعربية و خصوصاً إن عملية تغيير الموتور تمت بحرفية و دقة شديدة بس فيه مشكلة واحدة هيا اللي تاعباني و الحقيقية إني لما عملت بحث موسع على النت إكتشفت إن اللي تاعبني ده أوبشن مش عيب بس هو برضة مش عاجبني.
باختصار الموضوع يتلخص في إني لما باوصل لسرعة 60كم و تحديداً بعد النقلة التالتة بيطلع عندي علامة L/B لونها أخضر و دواسة البنزين بتبقى مخنوقة و علشان أعدي المرحلة دي لازم أدوس دوسة أجمد من الطبيعي. و زي ما قلت لما دورت على النت في مواقع أجنبية عرفت إن دي حاجة إسمها Lean Burn Mode و بتحصل لما الكنترول بيلاقي إن عدد لفات الموتور بيوصل للأداء الأمثل في إستهلاك البنزين فبيشتغل لوحده يعني بشكل أوضح ده زي الـ Eco في الإلنترا الجديدة بس بيشتغل بالعافية مش باختيار صاحب العربية!
سمعت إن الحكاية دي ليها حل أو ممكن إلغاء الأوبشن ده فياريت لو حد عنده أي معلومات يفيدني لأن دي هي الحاجة الوحيييييدة اللي مضايقاني في العربية.

أنا عملت نسخة من الموضوع ده في رابطة مالكي الأكسنت بس حبيت أضيفة هنا لعل و عسى إن يكون حد من مالكي الإلنترا مر بنفس التجربة و يقدر يفيدني خصوصاً إن العربية زي ما قلت فيها موتور إلنترا 2005.

شكراً :E_braces[1]:

اقتباس:

---

المشاركة الأصلية كتبت بواسطة wessam 14

النترا 2008 اتوماتك عامله 70 كشفت على زيت الفتيس على ال 60 الف الراجل قالى تمام والعربيه الان 70 الف هل اغيره علشان لا يؤثر على شى ولا لا لانى حاسس انة الفتيس عادى مفهوش حاجة واية اهم الاشياء الاخرى يجب تغيرها مثلا بوجيهات وهل فى اشياء اخرى

---

المفروض الزيت يتغير على 40 الف

الحمد لله ربنا كرمني بـ Hyundai Accent موديل 2006 أخر الشكل القديم و فيها موتور Elantra موديل 2005 أوتوماتيك 1600CC. مش عايز أتكلم عن الثبات و الأداء العالي للعربية و خصوصاً إن عملية تغيير الموتور تمت بحرفية و دقة شديدة بس فيه مشكلة واحدة هيا اللي تاعباني و الحقيقية إني لما عملت بحث موسع على النت إكتشفت إن اللي تاعبني ده أوبشن مش عيب بس هو برضة مش عاجبني.
باختصار الموضوع يتلخص في إني لما باوصل لسرعة 60كم و تحديداً بعد النقلة التالتة بيطلع عندي علامة L/B لونها أخضر و دواسة البنزين بتبقى مخنوقة و علشان أعدي المرحلة دي لازم أدوس دوسة أجمد من الطبيعي. و زي ما قلت لما دورت على النت في مواقع أجنبية عرفت إن دي حاجة إسمها Lean Burn Mode و بتحصل لما الكنترول بيلاقي إن عدد لفات الموتور بيوصل للأداء الأمثل في إستهلاك البنزين فبيشتغل لوحده يعني بشكل أوضح ده زي الـ Eco في الإلنترا الجديدة بس بيشتغل بالعافية مش باختيار صاحب العربية!
سمعت إن الحكاية دي ليها حل أو ممكن إلغاء الأوبشن ده فياريت لو حد عنده أي معلومات يفيدني لأن دي هي الحاجة الوحيييييدة اللي مضايقاني في العربية.[/QUOTE





شكراً يا جماعة.. لقيت الحل خلاص :Ta_clap[1]:

انا معايا النترا 2007 خليجى فيها كاسيت شرايط :8941[1]::help1: و طاره مالتى فانكشن, انا نفسى اغير الكاسيت ده و اجيب حاجه فيها USB بس مش عارف هل المالتى فنكشن هيشتغل عادى ولا هيتلغى ؟؟؟ و ايه الحل ؟؟
:36_1_31:

الأخوة و الأخوات / نجوم هيونداي ألنترا HD

برجاء الدخول علي رابط الموضوع التالي و تسجيل بياناتكم
http://www.nilemotors.net/Nile/327996-hd.html

اولا السلام عليكم ورحمة الله وبركاته ثانيا انا اشتريت من 5 شهور النترا 2009 خليجى اوتوماتيك كاملة والعربية عاملة 95000 كم المهم انا بدأت الاحظ ان سحب العربية ضعف جداااا بعد ما كانت بتسحب زى الطيارة رغم بستعمل بنزين 90 او 92 دايما غير مرتين 80 لان ماكنش متوفر ال 92 او 90 وبتكسف اشد مع حد بالعربية لانى عارف اللى فيها رغم الاول كنت بسحب بيها حتى لو مع مرسيدس ما كنتش بخاف لكن دلوقتى رحم الله امرأ عرف قدر نفسه وكمان العربية بدأت تعمل اصوات من كل مكان لان الطريق هنا كله مطبات وطبعا انا ما اعرفش حاجة عن الصيانة وهى معايا من 5 اشهر بغير زيت الموتور ومن كام يوم غيرت زيت الفتيس وخلاص لا اكتر ولا اقل لانى انا من المنيا ومافيش حد بيفهم قوى فى الالنترا فياريت تنصحونى اعمل ايه وهل ممكن احل المشكلة بنفسي يعنى اشتري الحاجات اللى هتقولوا عليها وممكن اى ميكانيكى يركبها لو مافيش مشلك كبيرة انشاء الله ياريت بس تقولوا لى اعمل ايه يا فطاحلة والف شكر ليكم جميعا

أ/ محمد عادل ..

- أخبار فلتر الهواء أيه ؟
لو ماكانش أتغير غيره بالفلتر الاصلي من الوكيل أو احد الموزعين المعتمدين لأن ممكن لو الفلتر متسخ أو تم تغييره بأخر فتحاته أصغر يكتم العربية

- كمان أيه اخبار فلتر البنزين ؟ اخر مرة تم تغييره أمتي ؟
ممكن الفلتر يكون متسخ من البنزين اللي أنت أستخدمته

- لو الفلاتر نظيفة و أصلية يبقي لازم تكشف علي البوابة و الحساسات الموجودة داخلها من الممكن أنها تكون متسخة و محتاجة تنظيف بأسبراي
و دي هاتعرفها لو أنت بتشعر بتقل في دواسة البنزين لما تيجي تكبس جامد عليها

كمان ياريت تراجع مستوي زيت المحرك , لأنه لو أعلي من المستوي اللي المفروض يكون عليه ممكن يسبب تقل في المحرك و عدم أستجابة للتسارع

و بعد كل ده ممكن تستخدم منظف رشاشات علي تفويلة كاملة و تشوف النتيجة و تقول لنا

اقتباس:

---

المشاركة الأصلية كتبت بواسطة shiko85

انا معايا النترا 2007 خليجى فيها كاسيت شرايط :8941[1]::help1: و طاره مالتى فانكشن, انا نفسى اغير الكاسيت ده و اجيب حاجه فيها USB بس مش عارف هل المالتى فنكشن هيشتغل عادى ولا هيتلغى ؟؟؟ و ايه الحل ؟؟
:36_1_31:

---

سهلة لما تشترى كاسيت هتتأكد إن فى توصيلات للطارة ( Steering Wheel Control Ready )
زى ده مثلا :
http://www.jvcuae.com/product_details.asp?prodid=60

ممكن تركب لها شاشة زي دي :

http://130.com.ua/published/publicda...ntra_1_enl.jpg

اقتباس:

---

المشاركة الأصلية كتبت بواسطة samir elshahawy

أ/ محمد عادل ..

- أخبار فلتر الهواء أيه ؟
لو ماكانش أتغير غيره بالفلتر الاصلي من الوكيل أو احد الموزعين المعتمدين لأن ممكن لو الفلتر متسخ أو تم تغييره بأخر فتحاته أصغر يكتم العربية

- كمان أيه اخبار فلتر البنزين ؟ اخر مرة تم تغييره أمتي ؟
ممكن الفلتر يكون متسخ من البنزين اللي أنت أستخدمته

- لو الفلاتر نظيفة و أصلية يبقي لازم تكشف علي البوابة و الحساسات الموجودة داخلها من الممكن أنها تكون متسخة و محتاجة تنظيف بأسبراي
و دي هاتعرفها لو أنت بتشعر بتقل في دواسة البنزين لما تيجي تكبس جامد عليها

كمان ياريت تراجع مستوي زيت المحرك , لأنه لو أعلي من المستوي اللي المفروض يكون عليه ممكن يسبب تقل في المحرك و عدم أستجابة للتسارع

و بعد كل ده ممكن تستخدم منظف رشاشات علي تفويلة كاملة و تشوف النتيجة و تقول لنا

---

يا سمير باشا الف شكر على ردك التى يبدو من خبير فاهم وانا فعلا اول ما فكرت فكرت فى تنظيف البوابة والحساسات لانهم من حواللى 15000 ما تنظفوش غير طبعا قبل كدة لما كانت مع صاحبها الله اعلم بيها اما كل اللى اعرفه انه قاللى عندما اشترتها منه انه غير فلتر البنزين باختصار كدة الواحد لازم يعمل اللى حضرتك قلت عليه بس عايز اعرف الاتى :
1- بالنسبة لتغيير الفلاتر و تنظيف البوابة والحساسات هل ده محتاج ميكانيكى متخصص ولا اى ميكانيكى يركب الفلاتر وينظف البوابة والحساسات عادى ؟
2 - انا احيانا وانا ماشي بالعربية بشعر برجة كبيرة جدا لدرجة ان جسمى بيتحرك معها لان ايدى بتبقى ماسك الدريكسون ورجلى يا اما على البنزين يا اما على الفرامل والرجة بتبدأ من سرعة 60 او 80 وكل ما ادوس بنزين تزداد الرجة لكن بعد لماغيرت التيل الامامى خفت شوية ولكن مازالت موجودة العجيب ان احيانا وليس دائما ان لما بتظهر الرجة وادوس بنزين بلاقى ان عزم العربية ضعف جدا حتى لو دوست بنزين على الاخر (كيك داون) العربية مش بتستجيب الا بعد فترة مع صوت عالى فى الموتور لدرجة ان والله احيانا لما بتيجى الرجة بخاف اعدى من عربية ربع نقل لان بيبقى فيه مقابل جاى مبخاف المسافة متجبنيش لانى حاسس بضعف سحب العربية انه غير الاول لان فى الاول كنت بعمل كيك داون كانت زى الطيارة وسألت ناس كتيررررررررر عن المشكلة وكل واحد له رأى غير التانى
بتمنى من الله ان الاقى الحل عند حضرتك وعند قسم النترا الذين لايبخلون على احد بالمساعدة
الف شكررررررررر لك يا باش مهندس سمير ويارب دائما فى تألق