ممكن يا جماعة حد يفهمنى اية الفرق بين باور الدركسيون الزيت وباور الدركسيون الكهرباء واية عيوب الدركسيون الكهرباء وهل ممكن يؤدى إلى حوادث ربنا يسلم طريقكم جميعاً
ملحوظة انا بتكلم على اول فئة في الالنترا 2010
وما هى عيوب الالنترا 2010 اول فئة اتوماتيك
عرض للطباعة
ممكن يا جماعة حد يفهمنى اية الفرق بين باور الدركسيون الزيت وباور الدركسيون الكهرباء واية عيوب الدركسيون الكهرباء وهل ممكن يؤدى إلى حوادث ربنا يسلم طريقكم جميعاً
ملحوظة انا بتكلم على اول فئة في الالنترا 2010
وما هى عيوب الالنترا 2010 اول فئة اتوماتيك
بص يا باشا. الباور الزيت بيكون أتقل من الكهربا وده بيدي احساس بالثبات وسهوله في المناورات والغرز. عيبه انه محتاج صيانه وتغيير زيت الباور. اما الكهربا مالهوش صيانه. ميزة الكهربا انه مريح جدا في داخل المدينه خاصة وانت بتركن.
موضوع ان الدركسيون الكهربا ممكن يسبب حوادث ده خرافه اخترعها المصريين ههههههههه
انا كنت بسوق وبجري بيها عادي وبالصدفه بكلم واحد بيقولي اني لو مشيت على طوبه العربيه هتتقلب عشان دركسيون كهربا ههههههه. خرافات بقى :)
انا عربيتي اول فئه اوتوماتيك 2010 لحسن الحظ فهقولك خلاصة 4 سنين معايا.
العربيه كويسه بس عيبها ان مافهاش abs وكمان السوست بتاعتها خفيفه بمجرد ان حد يركب ورا العربيه بتهبط وتحك في المطبات. عيب غبي بصراحه يخلي الواحد يقفل من العربيه.
انما هي جرايه وبتسحب كويس وتكييف كويس احسن من الياباني في نظري لأني جربت الاتنين. تكييف اللانسر والياريس والالنترا.
وشوف حضرتك محتاج تستفسر عن ايه تاني وانا تحت امرك
بمناسبة التكيف بقي يا محمود
أنا عاوز منك خدمة / عاوزك تقعقد في الكنبة الخلفية وتشغل التكيف وتشوف هوا التكيف هيوصك علي سرعة 1 ولا 2 ولا كام
عشان انا عندي تكيف تاتش وسرعة المروحة ع الأخر ومش جايب هوا ورا للكنبة الخلفية خالص
ياريت متنسانيش
انا ورا مفيش هوا خالص بيوصل مع اني سامع صوت البلاور علي أخرها شكل التلاجة عندي مسدودة وعاوزة تنضيف
ربنا يخليك يا استاذ محمود ويبارك لك في عربيتك وفي حياتك وفي اسرتك جميعاً بإذن الله
واشكرك على التوضيح الوافي اللى حضرتك وضحته وفعلا انا سالت اصحابى بردة انهارد اكدوا ان دة تهريج واحد معاه 2007 واخر معاه 2008 وقالوا انهم مبسوطين مين العربية معادا مشكلة التحميل عدد 2 شخص وراء على الكنبة العربية تغوص في المطبات ودى مشكلة بتخليهم يضايقوا جدا بس واحد قالى ان كل العربيات الجديدة كدة
وياريت حضرتك تقولى حدود سعر العربية النترا 2010 اوتو اول فئة - 45000 كم
انا عايز اسال عن تركيب انذا نوع كويس وياريت يكون فية فصل كهرباءوسعره كام وكمان سنسور بارك وشكرا مقدما لحضرتك
اكون شاكر ليك
او ممكن الفريون محتاج يتشحن. شوف حد بتاع تكييف كويس يكشف على الموضوع ده.
امين يارب ويا باشا احنا تحت أمرك في أي استفسار.
هو فعلا موضوع ان العربيه تهبط لما حد يركب ورا دي مشكلة عربيات كتير زي الهيونداي والكيا وحتى الميتسوبيشي بس بدرجة أخف وشوفتها في بعض العربيات الفرنساوي. بس ملحوظه قوي في الهيونداي/كيا.
بالنسبه لتسعير العربيه الي قدام حضرتك انا مش عارف ممكن تعمل كام. بس انا شايف ان سعر المستعمل زاد الفتره الي فاتت والطلب على الالنترا الشكل ده تحديدا بقى عالي.
بالنسبه للإنذار. انا ركبت من شهرين نوع اسمها سباي ب250 جنيه وبيزيد عليهم 20 أو 25 جنيه عشان تضيف خاصية فصل طرمبة البنزين وبيجربها بعد ما بيركب. الكلام ده عملته في سبير كار.
اما بالنسبه للباركينج سينسور انا ماركبتش بس برضه الناس بتشكر في ماركة سباي. وعامة ممكن تلاقي انواع بتبتدي من 150 جنيه
+1
[QUOTE=mahmoud_afifi;3875170614]او ممكن الفريون محتاج يتشحن. شوف حد بتاع تكييف كويس يكشف على الموضوع ده.
بالنسبه للإنذار. انا ركبت من شهرين نوع اسمها سباي ب250 جنيه وبيزيد عليهم 20 أو 25 جنيه عشان تضيف خاصية فصل طرمبة البنزين وبيجربها بعد ما بيركب. الكلام ده عملته في سبير كار.
اما بالنسبه للباركينج سينسور انا ماركبتش بس برضه الناس بتشكر في ماركة سباي. وعامة ممكن تلاقي انواع بتبتدي من 150 جنيه
ربنا يسهل ان شاء الله ممكن اروح اركبهم لانهم مهمييييييييييييين جدا للعربية والف شكر يا باشا
بالنسبة للانذار أنا مركب سباي 2 واي وده كنت جايبه من سنة ب 375 جنيه من التوفيقية وفي ميزات حلوة جدا كفاية اني ببقي في الشغل والريموت أبو شاشة في جيبي لاقط شبكة بينه وبين العربية يوضحلك أي حاجة بتحصل في العربية لو اتفتحت مثلا ده غير ان في فصل ماتور ولو انت سايق العربية وطلع عليك حرامي خد العربية ومشي تقوم دايس علي ززار في الريموت لمدة ثانيتين تفصل كهربا ع الحرامي وهو ماشي
وفي مميزات تانية كتير بس علي فكرة الانذار ده في منه انواع بشاحن وانواع لأ فانت هات ابو شاحن عشان الريموت