رابطة مالكي الElantra من 2007 الى 2011

**hamada6050** · 24-03-2014 10:17 AM

يا رجالة هو مافيش تفاعل مع سؤالى ليه ده احنا اسرة مع بعضينا :)

**MAHMOUD MOHAMD** · 25-03-2014 01:54 AM

المشاركة الأصلية كتبت بواسطة shady mohammed

و الميكانيكي بيغير مياه التبريد بتاع الردياتير و هو بيحط المياه الحمرا كان بيطلع رغاوي كتير و يشيلها و يرجع يزود و لما سألته قالي عادي
هل ده فعلا عادي ولا فيه تنفيس في وش السلندر ؟
شكرا مقدما

عادى هوا بس بيفضى الهوا اللى بيدخل فى دوره الميه وهوا بيغير الميه

**MAHMOUD MOHAMD** · 25-03-2014 01:56 AM

المشاركة الأصلية كتبت بواسطة hamada6050

السلام عليكم يا شباب
ان شاء الله السبت القادم هغير زيت للعربية " النترا 2007 82000 كيلو " عايز احط زيت فالفولين لانى سمعت ان اداءه كويس
بس محتار احط انهى نوع ولزوجة ايه ؟؟؟ فممكن حد يساعدنى ؟

انا نفس الشى عربيتى 83 الف بحطلها دلوقتى شل اصفر 15w50
فدور فى نفس الرينج

**MAHMOUD MOHAMD** · 25-03-2014 02:00 AM

المشاركة الأصلية كتبت بواسطة m_zizo620

السلام عليكم و رحمه اللهمحتاج مساعدتكم انا معايا عربيه النترا ٢٠١٠ و الحمد لله لحد ٦٠ الف كانت كويسه جدا بعد كده ابتديت اسمع صوت مع التكييف زي زنه جامده في صيانه ٦٠ سالتهم على الصوت و قالوا هيكشفوا عليه و كانت المفاجاه اتقالي ان الكومبرسور بايظ و محتاج يتغير و هيتكلف حوالي ٩٠٠٠ جنيه الكومبرسور بمصنعيه التركيب و للاسف كان الضمان خلص لاني خلصت التلات سنين قبل ٦٠ الف طبعا معملتش حاجه و قولت استحمل الزنه و خلاص و كان الشتا داخل فمش محتاج التكييف بعد كده الجو مره كان حر اشغل التكييف ميشتغلش كنت رايح صيانه ٦٥ الف قولت اشوف ماله قالولي بقي المره دي ان الشجره كلها بتاعت مواسير التكييف هنغيرها و ده لان في تسريب في حته منه فيها خرطوم طولها تقديبا ١٠ سم بس لازم اغير الشجره كلها لانها بتيجي على بعضها و سعرها ٢٠٠٠ جنيه و صعقت لتاني مره و ده بالنسبه للتكييف ارجو من الساده الاعضاء الافاده
المشكله التانيه
في مره كنت ماشي و فرملت فجاه و مشفتش ان كان في طوب خبط في جمب العجله بعد كده مشيت بس حسيت ان الدريكسيون اتعوج وانا ماشي عدل بيكون معوج المهم قولت دي اكيد الزوايا رحت اضبطها عند حد برجلي امها لحد ما واحد صاحبي وداني ورشه و عدل الدريكسيون و ضبطها بنسبه كبيره بس بعد كده ظهرت مشكله جديده و هي ان العربيه بقت بتعوم شويه كده بعد سرعه ١٢٠ مع ان ده مش طبيعتها خالص قولت يمكن الكاوتش قدم لان كان عندي فرديتن من الفابريكا فغيرت الكاوتش كله برده لقيت لسه المشكله موجوده قولت اروح للتوكيل على الاقل اعرف مالها و كانت المفاجاه بعد ما كشفوا عليها قالولي انها عايزه علبه دريكسيون و مسمارين ميزان و توصيله عمود و ان القضمه فيها حاجه بس ممكن نتغاضي عنها عشان غاليه المهم قالولي العلبه بالمسمارين بالمصنعيه حوالي ٦٠٠٠ جنيه بصراحه اكتئبت جدا و فكرت ابيع العربيه عشان اخلص من همها بعد ما كنت مبسوط بيها طول الفتره الي قبل المشاكل كمان اسعار الحاجه مبالغ فيها جدا
انا اسف جدا على التطويل بس ارجو المساعده و شكرا

كلم المهندس محمد عبد الجواد هوا هيدلك على الصح ولو تروح تعملها عنده هيجيبلك خصم على قطع الغيار اللى هيا ارخص بكتير اوى عن التوكيل وهيرجعلك العربيه زى ما كانت ان شاء الله

**hima13385** · 29-03-2014 11:45 AM

ياجماعه بعد ازنكم أنا معروض عليا النترا 2008 اتوماتيك فابريكه بالكامل بره وجوه مفهاش خدش وعامله 90 ألف كيلو والراجل صاحبها طالب 90 ألف جنيه وأنا مش غارف هل سعرها كده كويس ولا ايه ياريت الافاده ياجماعه

**shiko85** · 29-03-2014 12:58 PM

المشاركة الأصلية كتبت بواسطة hima13385

ياجماعه بعد ازنكم أنا معروض عليا النترا 2008 اتوماتيك فابريكه بالكامل بره وجوه مفهاش خدش وعامله 90 ألف كيلو والراجل صاحبها طالب 90 ألف جنيه وأنا مش غارف هل سعرها كده كويس ولا ايه ياريت الافاده ياجماعه

الفئه الكام ؟

**hima13385** · 29-03-2014 01:10 PM

المشاركة الأصلية كتبت بواسطة shiko85

الفئه الكام ؟

على ماأعتقد الفئة الاولى في الاتوماتيك

**shiko85** · 29-03-2014 02:18 PM

المشاركة الأصلية كتبت بواسطة hima13385

على ماأعتقد الفئة الاولى في الاتوماتيك

كتير 90 على 2008 اول فئه

**شريف السيد** · 30-03-2014 03:48 PM

السلام عليكم عربيتى النترا 2009 الباب الخلفى شمال اتخبط ورديتة على البارد لكن شكلة معرج ومحتاج اجيب باب استيراد كحلى علشان ما ارشش الباب لان العربية فابريكة حد معاة نمرة تاجر قطع غيار استيراد او صنايعى سمكرة ودوكو كويس لو ما للقيتش الباب وشكرا