الموضوع: رايكم ايه ؟ اجيب شاشه 50 بوصه ولا الاعضاء يصغروا صور التوقيع

حاليا عندي شاشه 19 بوصه في المحل
و14 في البيت نظرا لان جهاز البيت لا يتعدي تصفح المنتدي والماسينجرات
ما علينا بقي من جهاز البيت وخلينا في جهاز المحل
دلوقتي الشاشه 19 ما شاء الله عليها
بس وانا بتصفح موضوعات المنتدي بلاقي ناس حاطين صور باحجام مهوله في التوقيع مبوظه تنسيق الصفحه
والحل اما باني ازود الريويليوشن بتاع الشاشه واشوف الصور ومشوفش الكلام
او اقفل الموضوع لما الاقيه محتاج يتحدف شمال علشان اشوف باقيته
او اشتري شاشه 50 بوصه علشان استمتع بالصوره والكتابه وممكن الترجمه كمان
ولا حضرات الاعضاء مشكورين ممكن يصغروا صور توقيعاتهم ؟؟
بجد الموضوع ده بقي مش عاطفي خالص
وكلها صور عدادات عربيات يا متقفله يا صور عدادات وخلاص
او صور عربيات
ياللي ما حد حط صورته كبيره علشان الواحد يشوف تفاصيل وشه ويعرفه لما يشوفه
هههههههههههههههه
فياتري انا بس الي بعاني من الموضوع ده ولا فيه حد غيري ملاحظ وعنده نفس المشكله
دا بجانب ان ممكن الصفحه متكملش فتح لو النت بطئ علي ما تحمل الصوره الكريمه المذكوره اعلاه

المشاركة الأصلية كتبت بواسطة dreamo

المنتدى هنا ارحم من غيره بكتير

دة في منتديات .. التوقيع فيها بيكون افلام وصور بتلعب وعيال بتجري ورا بعض

والموضوع نفسه نص سطر

ودي غالباً بتكون المنتديات المغربيه والاردنيه .. مش عارف ايه غيتهم في الصور الحجم الكبير والكلام القليل

عموما في منتديات مانعه الصور تتحط في التوقيع من اساسه ..

انا مره شوفت منتدي التوقيعات فيه كل ما تعدي عليها بالماوس تشغل اغنيه او شعر
واحيانا بتشتغل لوحدها
كانت بتعملي هسهس ومعرفش الصوت طالع منين واقعد ادور علي الاغاني دي انا مشغلها فين علي الجهاز
لحد ما اكتشفت الموضوع ده ههههههههههه
بس اغلبها بيكون منتديات تافهه ملهاش اول من اخر