الموضوع: لوجان اوتوماتيك ولا جين2 ... معلهش وضحوولي

طبعا ال 2 مش هيتقارنو ببعض
الفكرة كلها ان اللوجان هتديك اداء على اد فلوسها وكل ماتزيد الفلوس كل مالمتعة والاداء يزيد سواء جين2 او اي عربية تانية
شوف حضرتك لو تحب توفر شوية وانت اولى بالفلوس دي
اللوجان حلوة بس المشكلة ان الاوتو لسة متجربش علشان تعرف الاداء

مقارنة غلط ، اللوجان ممكن تتقارن مع الساجا والساجا تكسب.

اهو ده اصعب مقارنه ممكن ارد عليها لان بين عربيتن بحبهم جدا وشركتين احترمهم جدا
وشركتين مظلومين من المستهلك المصرى بروتن ورينوا

شوف انا منذ صبايا وانا مغرم بالجين توا عربيه شبابيه بكل ماتعنيه الكلمه وكل يوم يحسنوها ويخلوها احلى واحلى
عربيه ثباتها رائع وماتورها قوى جبار زي كل مواتير بروتن والبركه فى المسه السحريه لخبراء لوتاس لسيارة السباق

لكن المشكله ان العربيه بقة ب 93 الف دلوقتى اتوماتيك يعنى تكمل الفين وتركب برسونا وتكسب الشنطه والفخامه
تلقى نفسك دافع 95 الف ساعتها هينط عليك ميت عفريت يقولك معاك 95 الف وتجيب بروتن وقدامك اوبترا بتوافر قطع غيارها وانتشارها ونجاحها واليوقك هات نسان صنى ولا كمل وهات اكسنت ار بي او كيا ريو الجديده

وهى دى مشكلة جين تو دلوقتى انها دخلة فى فئه سعريه المنافسه فيها مش بترحم وبرقم اى حد بيفكر كتير قبل ميدفعه فى حين كانت ممتازه لما كانت فى رنج ال 80 الف

الخلاصه لو انته شاب الجين تو حلوه لو عيله عيب الجين تو انها الكنبه الوره ديقه ففكر فى البرسونا او اى عربيه تانيه من النا قولتهم دول ده طبعا لو الفلوس مش فاقه معانا

لكن لو الفلوس هتيجى بالسلف والدين والاقساط يبقى نصيحتى لو عيله لوجان جميله على اد فلوسنا ومبسوطين لو شاب سنديروا زي الفل والحمد لله لان الموضوع مش محتاج انك تدان علشانه لانك مش بتدان علشان تركب يبانى ولا المانى فى الاول والاخر كلهم عربيات فيها عيوب ومزاى وكمان اسعار اعادة بيعهم مش عاليه فميعتبرشى فلوسك استثمار

برغم ان الجين تو زيادده 2 ارباج مش 1 و abs وتقفيل بلدها ولا مغربيى ولا مصرى

لكن يعبها ان توكيلها سيء فى حين رينوا توكيلها جيد جدا

واقولك حاجه بروتن مش عربيه تقارنها بعربيات تانيه وتشوف مين احسن وتجيبه بروتن زي الاهلى لازم تعشقه وتدافع عنه حتى الموت وتبقى فخور انك بروتنى وتمشى على الطريق تسايق العربيات لمجرد اثبات ان بروتن اجدر من غيرها
فا هنا الامر متروك

من الاخر لو معايه تمن الجين تو ومفيش حاجه قدامى احلى مها اجبها لكن لو مش معايه هجيب السانديروا او الوجان لان الفرق ميستهلشى انى استلف او اقسط واتبهدل

وربنا يوفقك لى فى مصلحتك
وتحياتى
محمد رسمي