الموضوع: ســـؤال للأخوة الأطباء ؟

بالنسبة لموضوع الولادة ده
لا يعرف الا من حضر وقت العملية فقط لان كل عملية ولادة وليها ظروفها

بالنسبة للعيادة
معظم الاتفاقات بتبقى نسبة وبتصل الى 50% للطبيب
لكن لو عندك معمل تحاليل واشعة النسبة دي بتقل ويبقى لاالدكتور ليه نسبة في الاشعة والتحاليل اللي بيكتبها وليه نسبة طبعا لو جهزت عمليات

تكلفة العيادة تختلف حسب التخصص وحسب درجة تجهيزها
مثلا عيادة باطنة او اطفال او جلدية ممكن ما تتكلفش حاجة اكتر من مكتب صغير وكرسيين وسرير كشف وسماعة ودمتم
وممكن تجيب جهاز رسم قلب وجهاز تحليل سكر فتبدا التكلفة بالزيادة
نفس الكلام بالنسبة لعيادة الجراحة ممكن ما تجيبش ادوات او الات جراحية بس لو هتبتدى عايز تعمل عمليات صغيرة كان تفتح خراج او تشيل ضافر هتبتدى تجيب الات والتكلفة تزيد

بالنسبة لتخصصي الطبيب بياخد الثلث وده لان بنحتاج اجهزه غالية فى الشغل وصاحب المكان بيتكلف عشررات الالاف ان لم يكن مئات
تخصصات تانية ممكن من اربعين لخمسين فى المية حسب الاتفاق

بالنسبة للولادة القيصرية احيانا ممكن الطبيب يقدم اثباتات على ان الحالة احتاجت تدخل جراحى كان يكون الحوض ضيق مثلا او راس العيل كبيره ولكن احيانا يكون السبب فعلا لا دليل عليه كان يكون الطلق. ضعيف او حصل تسارع شديد فى دقات قلب الجنين مما ينذر بوجوب الولاده الفوريه خوفا على حياته
على فكرة الولادة القيصرية ليست شرا مستطيرا وايضا ليست مغرية للاطباء لانها ممكن تقلب بغم فالطبيب بيعملها لو مضطر
بعض الاطباء لو حس ان الولادة الطبيعية ممكن تعمل مشكله بيقلبها قيصرية فورا وصدقنى انا شايف ان ده صح وياما شفت بلاوي كان يمكن تجنبها لو الولاده كانت قيصرية (انا تخصصى مش نسا على فكرة)