والله ياسحس انا إللى إتشرفت بمعرفتك وكان نفسى نقعد مع بعض اكتر من كده بس ان شاء الله الجيات كتير بإذن الله
بصراحة كان يوم جميل جدا جدا جدا و تشرفت بمقابلة أعضاء المنتدي الجمال وحسيت فعلا أني أعرفهم من زمان وفعلا ناس كويسيين و أخلاق عالية جدا جدا. و تشرفت بمقابلة ا. أحمد مصطفى و هو فعلا شخصية محترمة جدا و خدوم جدا ولية كل الشكر علي المجهود الجبار الي بيعمله من أجل كل أعضاء المنتدى,وطبعا بشكر الحاج أحمد مشعل على الهدايا الجميلة و الشغل الرائع و كرم الضيافة. و المسند بقى رائع و فخم جدا. و إن شاء الله نبقى نتقابل في مرات جية ونتقابل دائما فى الخير و على خير إن شاء الله.
تسلمى يا دونزى .. عارفة .. لو كل واحد بيحب الخير لكل اللى حواليه سواء فى المنتدى او براه حتى .. وساعدوا بعض
ولو كل واحد يرستوخ شوية ويصفى نيته
ولو كل واحد يفهم الحرية صح .. وكل واحد يكن لاى حد بيتعامل معاه بتقدير ومحبة .. ولو كل واحد حب المنتدى من قلبه .. وشارك بحب وبخدمة لكل اللى معاه .. بدون مشاهدة او ردود عداونية وتخليص حق
كان حال البلد والمنتديات والناس جميعا بقوا تمام ومش محتاجين لريس او منسق قسم وكل حاجة حتكون حلوة وكويسة والله
وبعدين عنينا لقسم كيا كله .. ونفسى اخدمك فى نيسان .. وقريب حغيرلك العلامة بتاعت كيا ريو .. ايه رايك
ان شاء الله تشرفينا فى المقابلة العائلية اللى حنعملها سواء فى عيد ميلاد المنتدى او بعد عيد الميلاد المنتدى
وبتنورينا والله فى قسم نيسان دايما
تحياتى ليكى
كان يوم ظريف والله ياشباب و الواحد اتعرف علي ناس جديده ماشاء الله من خيرة شباب قسم نيسان فعلا
دايما متجمعين في الخير كده
و الحاج احمد طبعا غني عن التعريف راجل فعلا غاية في الاحترام ... ربنا يباركله
كان يوم جميييييييييييل جدا فى ضيافة الرجل المحترم الحاج أحمد مشعل بجد راجل أخلاق وذوق رفيع أنا سعيد جدا بالتعرف عليه وعلى أجمل أعضاء منتدى ف مصر بجد كانت قعده أسرية أخويه ياريت تتكرر ,
واحب اشكر جدا صديقى المجتهد أحمد مصطفى (ومنتظرين يابوحميد طلعة بحة) انته بجد إنسان محترم جدا وبتتفانى لخدمة الناس ربنا يجعله فى ميزان حسناتك ان شاء الله وألف شكر على هديتك الجميلة (الستارة) ربنا يديم المعروف ياأحمد إن شاء الله , كمان الواحد اتشرف بمقابلة الأعضاء الجمال اللى ماكانش يعرف عنهم غير اسمهم المستعار او صورهم - حسين باشا (سونة) - هيما ووالده الإنسان المحترم اللى كان محور القعدة كلها - سحس باشا - محمد فوزى - وصديقه الجميل أحمد - محمد نبيه - احمد زونج
الناس اللى الواحد اتشرف بيهم والله -
على فكرة انا أخوكم وليد (أبو أحمد) اللى كان عاملكوا دوشه وإزعاج طول المقابلة وأصغر صقر من صقور نيسان البواسل - يارب دايما نتقابل على خير
على فكرة التنجيد طلع تحفة فنية من إبداع جينز كار - ودى صورة من عربيتى بعد التركيب
[sor2]http://up13.up-images.com/up/viewimages/df506e8182.jpg[/sor2]
اتشرفنا بوجودك يا استاذ وليد حقيقى واحمد كان منورنا اصغر صقر عندنا.. بسم الله ماشاء الله ربنا يباركلك فيه ويحمهولك يارب
نورتنا يا دكتور والله .. واسف ان معرفتش اقعد معاك واتعرف عليك اكتر .. عشان زى ما انت شايف الواحد كان بيلف حوالين نفسه ازاى
وان شاء الله تشرفنا فى المقابلة الجاية باذن الله وكمان تيجى بدرى ونقعد معاك براحتنا
لان حضرتك باين عليك انسان محترم جدا وفى منتهى الذوق
وشرف حقيقى وجودك معانا
بسم الله الرحمن الرحيم
والصلاه والسلام على اشرف المرسلين
سيدنا محمد بن عبد الله وعلى أهله وصحبه وسلم تسليما طيبا طاهراً مباركاً فيه الى يوم الدين
أحبائى فى الله
انه لمن دواعى سرور ان اجد نفسى بينكم ومعكم كواحد منكم
فى البدايه
اتوجه بالشكر الى ابنى ابراهيم لآنه كان سبباً بمعرفتى بأشخاص اقل مايوصفوا به
انهم اصحاب خلق كريم ومن اصل طيب
فأنى احبكم فى الله
واتوجه بالشكر الى الاخ الفاضل / احمد بك منسق هذا القسم الجميل بأفراده الذى شعرت من
خلال التعامل بالاسره الواحده التى يتعامل افرادها البعض بكل إحترام وود وادب جم
كما اتوجه بالشكر الخالص لكل من قابتله فى مقابله يوم السبت الموافق2012/2/19 عند
الحاج / احمد مشعل او المقابله التى كانت قبل ذلك فى نفس المكان
اشخاص صدق فيهم قول الله عز وجل
أذا احب الله تعالى عبداً نادى ياجبريل انى احب فلان فأحبه فيحبه جبريل يأهل المساوات والأرض إن الله تعالى احب فلانا فأحبوه فيضع له الله تعالى القبول فى الارض
ولله تعالى وجدت محبتكم فى قلبى من اول مره.. لست مبالغاً ولكنها الحقيقه التى شعرت بها
كما شعرت بروح التعاون التى تسود بينكم فادعو الله تعالى ان يتمها بفضله ونعمته عليكم وان تستمر على هذا
احبائى فى الله
اكرر شكرى لكم كل باسمه وكلِ بشخصه على فضل كرمكم وحسن اخلاقكم ومعملاتكم الطيبه
واعذرونى ان قصرت فى شكرى لإحدً منكم فمهما بحثت فى معاجم اللغه العربيه لكمات شكر فلن اوى حقكم
واسمحوا لى ان اشكر الحاج/ احمل مشعل على طيب معاملته وحسن اخلاقه وتحمله لضيافتا طيله هذه الفتره من الوقت الطويل الذى اتمنى ان لانكون قد كنا عبئا عليه فى هذا اليوم
وقد آثرنا كثيرا بمجملاته الرقيقه الطيبه وكذا طاقم العمل الذى يعمل معه فلن نستطيع ان ننسى فضلهم علينا
اشكركم من طيب قلبى على عطر كلماتكم التى عطرتم بها شخصى وهذا من فضلكم عليا
كل الود والحب والتحيه لكم جميعاً
والد هيما
تقف كلماتي عاجزة عن وصف مدى امتناني سعادتي بهذا التجمع السعيد
واخص بالشكر الحاج احمد مشعل لكرمه الكبير واستضافته الرحبة
والأخ الفاضل احمد مصطفى لترحيبه ومجهوده الذي لمسته بنفسي
وطبعا صديقي العزيز وزميلي واخويا نادر الذي جعله الله سببا لمعرفة هذه الصحبة الفاضلة
من الآخر انا كنت بين اخواتي امبارح بجد حبيت صحبتكم جدا واستمتعت بالكلام معاكم وان شاء الله معاكم على طول هنا وبره لأن صحبة الخير ما تتعوضش
انا والله اللى اتشرفت بمعرفتكم ومعرفة الاعضاء الجدد
وبسم الله ماشاء الله الوقت عدى هوا مع احبائى لجمال وطيبة قلبهم
وعليكم السلام ورحمة الله وبركاتة
اولاً: اشكرك على كلامك الحلو اللى هو شرف ليا و لوالدى
ثانياً: انت صاحب خلق كريم وفضل علي
واهم ما فى الموضوع ان والدى قال ان الراجل الى جاب الاكل من مصعب راجل بيفهم ويحسن الاختيار ( بصراحة اه هههههههه ) لان بابا دايما وهو فى الشغل بيبعت يجيب الاكل من مصعب او بريجو
ربنا يبارك لنا فى حضرتك