الموضوع: شكر خاص للحاج احمد مشعل ..صور وتجارب الاعضاء مع العرض المجانى من جينز كار (مخدع+هاند)

شكر جماعى
من القلب وخاص للحاج احمد مشعل
من صقور نيسان

على
الكرم الذي فاق كل الحدود والذي ميز الحاج احمد وجعل له مكانة كبيرة في قلوبنا

فاصالة ابن البلد تغلب عليه في معاملاته

وتشعر وكانك تتعامل مع اخ وصديق تعرفه من زمن وهذا يندر ان نجده في ايامنا

قدم الحاج احمد مشعل
اقوى العروض لصقور نيسان
تقديرا له لاسرة قسم نيسان واعضائه الناشطين
والمشاركين والمحبين لبعضهم البعض


:: فقدم لنا عرض مجانى ::

تنجيد المخدع سفنج وجلد بخياطة تطريرز دبل

+

جلد هاند ميد للهاند بريك

+

غير الهدايا الجميلة اللى قدمها لينا


بارك الله فيك

وجزاك الله خيرا عنا جميعا


طبعا اليوم كان جميل جدا بحضور صقور نيسان جميعا
سواء من الاعضاء الناشطين فى القسم والاعضاء القدامى
والاعضاء المنضمين حديثا
وكان شرف لينا وجودهم معانا لاول مرة
ولمسنا منهم حبا وتقديرا لقسم نيسان


اتشرفت بلقائى للاستاذ نادر وصديقه محمد
وباحمد مصطفى زميلى واخويا فى نفس مكان شغلى
ودكتور محمد فواد ودكتور محمد
واتشرفت جدا باستاذ حمدى والد زميلنا العضو النشط هيما

واتشرفت بحضور كل الاعضاء القدامى للقسم
اللى نورونا اليوم ده
وكنت سعيد بوجودهم معانا

وشكر خاص
لحسين جمال ومحمد فوزى

على اللفتة الطيبة والجميلة والواجب اللى قدموه للاعضاء
( اليوستفندى + الشمعدان الشكولاتة )

بصراحة ماشوفتش اطيب من قلوبهم
وبصراحة بعتز بصداقتى بيهم جدا

وشكر خاص
للاخونا العضو الكريم بسام حافظ
على الهدية التقديرية المقدمة منه للحاج احمد مشعل
نيابتاً عن اسرة قسم نيسان
وهى عبارة عن (مج سحرى ) بلوجو قسم نيسان

وكان يوم ولا اروع منه من كل الاحداث الجميلة
وكل الروح المميزة بين الاعضاء بعضهم البعض

ومتجمعين فى الخير دايما

واتركم مع صور اليوم
-------

السلام عليكم ورحمة الله
كيفيكم ايتها الصقووووور الظريفة :))
متجمعين في الخير دايما يارب
ماشاء الله لا قوة الا بالله ...... كان يوم جميييييييل ومقابلة ظريفة جدا
وكنت فرحان اوي بلمتكم كلكم .... ربنا يديم بينا المعروف يارب العالمين
والف مبارك علي الهاندبريك والمخدع ..... وعقبال كلكم لما تعملوا فرش العربية كله ان شاءالله
-------------------------------------
وجزاك الله عنا خيرا ياحبيبي يابو حميد ..... ومجمعنا في الخير ديما
ربنا يجعله في ميزان حسناتك يارب العالمين و يرزقك الذرية الصالحة ويقر بيها عينك في الدنيا والاخرة يارب العالمين

القعده كانت ظريفة جدا ماشاء الله وسمعنا كلام طيب جدا جدا جدا من ا/حمدي والد ابراهيم (hema) ماشاء الله تفكيره طيب ومن الناس اللي فطرتها طيبه ...ربنا يباركله في اهله وفي ماله وفي ذريته و يجعله سبب في تغيير سلوك ومفاهيم الامة بأمر الله ..
اتشرفت امبارح بمعرفة نادر وهايستلم النهارده او بكرة ان شاء الله وبصديقه ...وسبحان الله قدرا معاه صني وخد العرض بالهدايا برده
واتشرفت بسامح sameh007 و محمد عفيفي و منشستراوي وصديقه و زنجر باشا وابنه القمر قمر ماشاء الله لا قوة الا بالله ربنا يباركله فيه يارب العالمين.
,والف الف شكر يابسام علي الهدية الظريفة ديه ...... متجيش الا من حد فاهم الاصول والله ... ورفعت راس مصر بلدنا :)))
واحلوت القعدة بقي لما ضربنا النص فرخة بالرز والبطاطس في الجو الرائع بتاع بليل :))
حبيي محمد فوزي (ابو رقية) جابلنا كتاكيتووووو بني :))) ...... ربنا يجزيه عنا خيرا يارب العالمين ويباركله في رقيه ويرزقه برها يارب العالمين

واخيرا الحاج احمد ...... يعني الف الف شكر علي الاستضافة اللي تفوق الوصف ديه
انا لو روحت عند قرايبي مش هايضفوني كده ماشاء الله
و كفاية تعب نور ويوسف والشيخ محمد اليوم ده ........ يعني جزاك الله عنا خيرا
وانا فخور بحضرتك جدا جدا جدا وربنا يجعله كله في ميزان حسناتك
ويباركلك في مالك ورزقك واهلك بالخير كله يارب العالمين
تقبلوا مروري
واقعدوا بالعافيـــــــة :))
اخوكم / حسين جمال

المشاركة الأصلية كتبت بواسطة ahmed.tv

واتشرفت جدا باستاذ حمدى والد زميلنا العضو النشط هيما

انا والله اللى اتشرفت بمعرفتكم ومعرفة الاعضاء الجدد

وبسم الله ماشاء الله الوقت عدى هوا مع احبائى لجمال وطيبة قلبهم

المشاركة الأصلية كتبت بواسطة sonasteel

السلام عليكم ورحمة الله

القعده كانت ظريفة جدا ماشاء الله وسمعنا كلام طيب جدا جدا جدا من ا/حمدي والد ابراهيم (hema) ماشاء الله تفكيره طيب ومن الناس اللي فطرتها طيبه ...ربنا يباركله في اهله وفي ماله وفي ذريته و يجعله سبب في تغيير سلوك ومفاهيم الامة بأمر الله ..

وعليكم السلام ورحمة الله وبركاتة

اولاً: اشكرك على كلامك الحلو اللى هو شرف ليا و لوالدى

ثانياً: انت صاحب خلق كريم وفضل علي

واهم ما فى الموضوع ان والدى قال ان الراجل الى جاب الاكل من مصعب راجل بيفهم ويحسن الاختيار ( بصراحة اه هههههههه ) لان بابا دايما وهو فى الشغل بيبعت يجيب الاكل من مصعب او بريجو

ربنا يبارك لنا فى حضرتك

المشاركة الأصلية كتبت بواسطة bassamhafez

السلام عليكم يا صقور

ما شاء الله اليوم كان فوق الفظيع بصراحه والناس ما شاء الله ناس جميله ومحترمه والواحد لما بيقابلهم بيحمد ربنا ان لسه في ناس محترمه الواحد ممكن يتعامل معاها واللي صعب الواحد يلاقيهم بسهوله في وسط الفوضى الاخلاقيه السائده

والف شكر للراجل اللي ما فيش كلام يوفيه حقه (الحاج احمد)

وشكرا يا حسين على واجب اليوسفى الجامد ده

وشكرا محمد فوزي على الكتاكيتوا اللي بحبه جدا وكان بقالي كتير ما كلتش منه

وبراحه الغدا كان جامد جدا واحيي حسين على اختيار المكان لا انا كنت عايز اجيب مؤمن وخلاص بس هو قالي هاناكل من مصعب اللي اول مرة اجربه وبصراحه اكله تمام والدرس المستفاد هنا (لا تناقش حسين في اختيار مكان الاكل عشان هو اكتر واحد عارف ايه اللي يسد وايه اي كلام)

واخيرا احمد مصطفى حبيبي مجمع الناس على الخير دايما ان شاء الله ربنا يبارك فيك يا ابوحميد

وان شاء الله دايما متجمعين في الخير

كنت منورنا يا بيسو .. وشوية صور فى الجون .. واليوم كان رائع فعلا .. وطلع ولا انه مقابلة عامة وكبيرة من مقابلات القسم المتميزة

المشاركة الأصلية كتبت بواسطة ahmed_rahem

انتوا كدة بتحصرونى انى معرفتش اجى ،
انا بقالى من يوم الخميس بنقفل فى الميزانية وشغالين جمعة وسبت (وفية ناس باتت فى الشركة) وانا كنت ناوى ازوع ساعة قبل الشغل أنما الشغل بيحكم. وبشكر الحاج أحمد على عروضة الرائعة وشغلة فوق الوصف. وكمان بشكر عبد الفتاح مشعل على تليفونة باليل واهتمامة بالسؤال علشان مجيتش.

والسلام ختام

تتعوض يا بوحميد .. وان شاء الله التجمع التانى تكون معانا باذن الله
ولفتة جميلة جداااااا من عبد الفتاح انه اتصل بيك .. بصراحة ناس قمة فى الذوق والاخلاق والتقدير والمحبة الكبيرة اللى بيشلوها للعملاء

المشاركة الأصلية كتبت بواسطة tiger76

بصراحة كان يوم جميل جدا و انا اللى اتشرفت بمقابلتك و مقابلة باقى الأعضاء
و حسيت اننا أصدقاء من فترة طويلة مش أول مرة نتقابل و دة بسبب المقابلة الحلوة منكم و روح الإخوة اللى كانت موجودة بين الكل
و طبعا مش هتكلم عن أخلاق و طيبة الحاج أحمد مشعل اللى كان مخلينا كلنا نحس اننا فى بيتنا مش ضيوف عنده:018a1d~146:
و إن شاء الله مش هافوت مقابلة أبدا

أه على فكرة علشان لو حد ماخدش بالوا انا نادر

هو انت نادر يا راجل .. اخيرا كشفت عن اسمك .. وانا اقول مين ده اللى بيدخل بقاله فترة وبينكش فى القسم ومتابع
طبعا كنا سعداء بوجودك حقيقى يا نادر والله
وهى دى روح المقابلات فى قسمنا الغالى
وهو ده كرم الحاج احمد مشعل مع عملائه .. دايما بيحسسنا اننا اصحاب مكان مش ضيوف
فبارك الله فى ماله وذريته وعمله يارب العالمين ويجيزه عنا خيرا باذن الله

المشاركة الأصلية كتبت بواسطة togo

والله بجد كانت مقابله جميله جدا والواحد قابل ناس كتيييييير نفسه يشوفهم من زمان ومكنتش عاوز اروح كمان خصوصا مع الحاج احمد اللي بجد بجد انسان خلوق ولا اروع من كد انا عندي في التيدا عملي الهاند بريك وعشان المخدع عندي جلد وجديد وصادفت اني فتحت الشنطه قاللي خلاص هعملك الارضيه بتاعة الشنطه واول حاجه اتعملت في العربيه وبصراحه انا مكنتش متوقع عملها بجلد ايطالي بيتشال ويتحط عشان سهولة الفتح والنظافه بصراحه جزاه الله عنا كل خير وان شاء الله هرفع الصور على بالليل واحب اشكر عمده القسم احمد بيه على تعبه وسهره لخدمة اعضاء نيسان والاقسام التانيه برده

يا حبى عشان عيون الناس والاعضاء المحترمين اللى زيك واللى بيقدروا الاعضاء عندنا لازم نخدمهم بعنينا .. وبعدين انت بقيت من الاعضاء القدامى يامحمد .. وواجب الواحد يخدمكم بعنيه
وكمان الحاج احمد بصراحة مش بيتاخر على حد ابدا .. ولما عرف انك مش حتعمل الكنسول فقالى لازم نعمل للراجل المحترم ده حاجة تانية عشان نقدر زيارته عندنا .. وفعلا الحاج احمد كان اهل ليها
الراجل ده اسطورة فى الكرم والمحبة بجد

المشاركة الأصلية كتبت بواسطة sonasteel

السلام عليكم ورحمة الله

كيفيكم ايتها الصقووووور الظريفة :))
متجمعين في الخير دايما يارب
ماشاء الله لا قوة الا بالله ...... كان يوم جميييييييل ومقابلة ظريفة جدا
وكنت فرحان اوي بلمتكم كلكم .... ربنا يديم بينا المعروف يارب العالمين
والف مبارك علي الهاندبريك والمخدع ..... وعقبال كلكم لما تعملوا فرش العربية كله ان شاءالله
-------------------------------------
وجزاك الله عنا خيرا ياحبيبي يابو حميد ..... ومجمعنا في الخير ديما
ربنا يجعله في ميزان حسناتك يارب العالمين و يرزقك الذرية الصالحة ويقر بيها عينك في الدنيا والاخرة يارب العالمين

القعده كانت ظريفة جدا ماشاء الله وسمعنا كلام طيب جدا جدا جدا من ا/حمدي والد ابراهيم (hema) ماشاء الله تفكيره طيب ومن الناس اللي فطرتها طيبه ...ربنا يباركله في اهله وفي ماله وفي ذريته و يجعله سبب في تغيير سلوك ومفاهيم الامة بأمر الله ..
اتشرفت امبارح بمعرفة نادر وهايستلم النهارده او بكرة ان شاء الله وبصديقه ...وسبحان الله قدرا معاه صني وخد العرض بالهدايا برده
واتشرفت بسامح sameh007 و محمد عفيفي و منشستراوي وصديقه و زنجر باشا وابنه القمر قمر ماشاء الله لا قوة الا بالله ربنا يباركله فيه يارب العالمين.
,والف الف شكر يابسام علي الهدية الظريفة ديه ...... متجيش الا من حد فاهم الاصول والله ... ورفعت راس مصر بلدنا :)))
واحلوت القعدة بقي لما ضربنا النص فرخة بالرز والبطاطس في الجو الرائع بتاع بليل :))
حبيي محمد فوزي (ابو رقية) جابلنا كتاكيتووووو بني :))) ...... ربنا يجزيه عنا خيرا يارب العالمين ويباركله في رقيه ويرزقه برها يارب العالمين

واخيرا الحاج احمد ...... يعني الف الف شكر علي الاستضافة اللي تفوق الوصف ديه
انا لو روحت عند قرايبي مش هايضفوني كده ماشاء الله
و كفاية تعب نور ويوسف والشيخ محمد اليوم ده ........ يعني جزاك الله عنا خيرا
وانا فخور بحضرتك جدا جدا جدا وربنا يجعله كله في ميزان حسناتك
ويباركلك في مالك ورزقك واهلك بالخير كله يارب العالمين
تقبلوا مروري
واقعدوا بالعافيـــــــة :))
اخوكم / حسين جمال

انت بقة مشكلةةةةةةةةةةةةة يا حسين .. وحشنى كتير .. مش حشوفك ولا ايه
تسلم ايدك على واجب الاستفندى الجامد
وتسلم ايدك على اختراع مكان الاكل اللى قولتلنا عليه واكلنا منه .. فعلا محدش يتناقش معاك فى الاكل ابدا .. استاذ .. وحظبطك قريب باذن الله
بصراحة يا حسين بجد بكون سعيد جدا ومبسوط كل ما بشوفك .. ربنا عوضنى خير باخ زيك متعوضش فى الزمن ده ابدااااااااااااااااااا ..
ربنا يديم بينا المحبة والود دايما على طول

المشاركة الأصلية كتبت بواسطة midorody

انا والله امبارح كنت فى مصر فى ش مصطفى النحاس قريب من الحاج احمد ,,,, عند النساجون كدة
بس كان عندى مقبله والمدير خنقنى فا قرفت ومشيت
بس بعد اللى شوفته انا نادم على عدم الحضور لان صحبتكم الجميله كانت هتنسينى قرفى
وشكرا ليكم على كل ما تقدموة وشكر خاص للحاج احمد حبيب الملايين
د/ محمد شوقى 01141629389

تتعوض يا دكتور .. وكان نفسنا تكون معانا .. وان شاء الله نشوفك على خير فى اقرب فرصة وتقضى يوم معانا بالكامل

المشاركة الأصلية كتبت بواسطة mff_629

السلام عليكم و رحمة الله و بركاته
شكر خاص جدا لأستاذ أحمد مشعل و ربنا يجزيه خيرا على ما فعله معنا
و شكرا لـ يوسف مشعل الولد الشقي اللي غلب بسام حافظ في العربية
شكرا جزيلا لكل الأعضاء المتميزين دائما
و شكرا لكبيرنا و عمدتنا و حبيبنا أحمد مصطفى
و عن تحربة المسند فهي رائعة جدا و خاصة للراكب اللي بيرجع الكرسي للخلف أما أنا فبحب الكرسي يبقى طالع لقدام و عشان انا قصير فيدوب كوعي لامس المسند
بس هو شكله فوق الرائع و بيخللي الواحد عارف يركن على المسند بأيده لو عايز يتعدل .... مش زي زمان كنت بتحس إن المسند هايتكسر
و الهاند بريك بقى كلبوظ و يملى ايدك و انت ماسكه و ديه حاجة مهمة و جميلة
كان يوم رائع و مسلي و مختلف
ربنا يباركلنا في الصحبة الحلوة و يديم علينا كلنا نعمة المحبة و التواصل

وجودك معانا فى كل مقابلة بيعطيها اصالة وحب وود يا محمد بجد .. وبكون سعيد جداااااا بوجودك معانا وحرصك على عدم تفويت اى مقابلة بنكون فيها وبتيجى عشان تشوفنا
وانا عارف انك كنت جى مش عشان تعمل حاجة .. بصراحة انت من الناس اللى متتعوضش يا محمد .. وتسلم على واجب الكتاكيتو الجامد ده