مجلس الشعب :اقرار تعديلات قانون المرور: 20 عاما اقصى عمر لسيارات الاجرة وصندوق اسود ل

**جمال** · 02-06-2008 03:41 PM

انتم ليه بتقدرو البلاء قبل وقوعه
الكلام على الاجرة فقط و ماحدش جاب سيرة الملاكى
القرار سليم و ممتاز ( بشرط تعويض ملاك السيارات القديمة )
خلينا نركب تاكسيات نظيفة و حديثة زى باقى العالم

**ahmed1981** · 02-06-2008 04:00 PM

المشاركة الأصلية كتبت بواسطة goldenfish7

ووافق المجلس على اعطاء مهلة لتوفيق الاوضاع ثلاث سنوات ورفضت الحكومة اقتراح المعارضة باتاحة سيارات اجرة معفاة من الجمارك بدلا من التى مر على صنعها عشرين عاما.
فيهم خير

واتفق المجلس على النص على وجود حوافز مالية مناسبة لاصحاب هذه السيارات

هنا مربط الفرس
ما هي هذه الحوافز المالية ؟؟؟؟؟؟؟؟؟؟؟؟؟؟؟
لأنه لو لم تكن على المستوى المطلوب ستصبح هذه المادة من القانون غير دستورية وسيوقف العمل بها بعد أول قضية بعدم الدستورية

**ابوشريف** · 02-06-2008 04:17 PM

قانون جيد لو اتطبق دون استثناءات

انا شايف احسن بند فى القانون الجديد ده هو رقم 7

كان يبقى افضل لو وافقو على استبدال الاجره بسيارات جديده دون أخذ جمارك عليها

**Amr_Moh** · 02-06-2008 05:10 PM

ya3ni el tok tok 7yesra7 fel shaware3???

**M_HaFeZ** · 02-06-2008 05:25 PM

طيب العربيات ال 7 راكب اللى بين المحافظات (البيجو يعنى) ممكن يبيعها وتجيب مبلغ مش بطال فى حدود 40 الف حسب الحاله
بس الفكره بقى هيبجيب ايه مكانها ؟؟؟ فى ايه عربيات ستيشن واجن متاحه فى مصر ؟؟ ولا هيجيب وقتها افانزا ولا بيجو 307 Sw ؟؟؟ فى ايه غير اللى ممكن تكون وقتها اللوجان بس

طيب وبالنسبه لصفائح ال***** اللى اسمها ميكروباصات الترامكو والميكروباصات القديمه نفس الكلام ولا ايه ؟

**Mohamed-Saoud** · 02-06-2008 05:28 PM

طيب وبالنسبه لصفائح ال***** اللى اسمها ميكروباصات الترامكو والميكروباصات القديمه نفس الكلام ولا ايه ؟

ya3ni el tok tok 7yesra7 fel shaware3???

نفس السؤالين عايز أعرف ايجابتهم؟؟؟

**bee** · 02-06-2008 05:42 PM

كلام في مضمونه جميل .. بس لو اتطبق صح
وبالنسبة للتاكسي ..
لكل قانون كالعادة (ضحاياه)
يعني لو واحد على قد حاله .. ومعاه تاكسي بيجو سبعينات :)
تفتكروا هيجيب تاكسي قسط منين ؟؟؟
مش معنى اننا بنشوف جشع التاكسيات نقول انهم بيكسبوا قد كده .. منجمعش
فيه ناس عندها اولاد كتير وده مصدر رزقه الوحيد
وفيه الي فعلا ربنا ميسرها معاه وجشععععععععع :)

المهم ان القانون يراعي الحالة الاجتماعية .. يعني لازم يكون فيه تسهيلات في السداد على 10 سنين مثلاً وتحول السيارة لملاكي وتباع وساعتها يقدر يدفعه مقدم .. مجرد رأي أو اقتراح
وفي النهاية اتمنى نكون بلد بقه

تحياتي

**ahmed_su** · 02-06-2008 11:19 PM

المهم ان القانون يراعي الحالة الاجتماعية

**Matrixawy** · 03-06-2008 01:49 AM

وزارة الداخلية اوشكت على الانتهاء من انشاء مصنع كبس سيارات فى مدينة 6 اكتوبر و تم انشائة خصيصا لاعدام السيارات المذكورة فى القانون الجديد و هذا المصنع مشابه تماما لما نراه فى الافلام الاجنبى
السيارة تدخل فيه تتكبس و تطلع عبارة عن سبيكة حديد و يستلمها بعد كدة عز و يسيحها فى مصنعه و بالهنا و الشفى و يبيع و يصدر كمان و يتحرق صاحبها بعد كدة فى اقساط سيارة جديدة و لا هيعرف يطول اى تسهيلات.
و اللى سمعته ان سواقين الميكروباص الفولكس اللى شغالين فيصل و الهرم مش هيسكتوا لو العربيات اتسحبت منهم او مترخصتش و معظمهم بلطجية و ناوين يولعوا الدنيا بسبب الموضوع دة و اتذكر منذ سنوات ان عبد الرحيم شحاتة ايام ما كان محافظ الجيزة حاول يمنع تراخيص الفولكس قاموا بهدلوا الدنيا و اغلقوا الشوارع و ولعوا الاطارات فيها و محدش عرف يروح شغله بسببهم و بسبب قلة المواصلات اللى حدثت نتيجة توقفهم عن العمل و بعد كدة المحافظ خاف منهم و رجع فى قراره فورا اما بتوع التكاتيك سحبوا منهم حوالى 200 توكتوك منذ شهور قليلة فقاموا بمظاهرات فى ميدان الجيزة و حاصروا مرور فيصل و كانوا هيولعوا فيها و اضطرت الداخلية تسلمهم التكاتيك تانى علشان تمتص غضبهم يعنى الموضوع مش سهل ابدا تطبيقه و الايام اللى جاية شكلها اسود اكتر من الاسود اللى احنا فيه و ربنا يستر .