السلام عليكم
حد يعرف يا جماعة نوع كويس من لقم ومفاتيح الكهرباء بس تكون ارخص شويه من البتشينو وجودتها مقاربه للبتشينو ..
عرض للطباعة
السلام عليكم
حد يعرف يا جماعة نوع كويس من لقم ومفاتيح الكهرباء بس تكون ارخص شويه من البتشينو وجودتها مقاربه للبتشينو ..
حضرتك روح سوق الكهرباء اللي خلف المطافي في العتبة ..... ح تلاقي انواع كتير
لكن انصحك خليك في بالباتشينو ..... هو غالي لكنه افضل وءأمن
كنت داخل اقول نفس الكلاماقتباس:
المشاركة الأصلية كتبت بواسطة aif
وعلى فكرة البيتشينو يعتبر رخيص برضه بالنسبة لانواع تانية كنت شفتها اسعارها اضعاف
وخد بالك في بيتشينو كتير جداااااااا مضروب
وخد بالك لو حبيت تغير البيتشينو لنوع تاني اسال عن الوش وتوافره لان ممكن تكون البرايز رخيصة لكن الوشوش غالية
على فكرة في توكيل لبيتشينو امام الشبراوي الكوربة جنب المحل الصغير بس اسعاره اغلى من العتبة بحوالي 20% لكن ده أئمن مكان تجيب منه لو مكنتش تعرف حد في العتبة
شكرا يا جماعة على ردودكم جزاؤكم الله كل خير ...
جبت نوع جيد الكهربائية شكرولى فيه اسمه فينوس هو صينى سعر الوحده 2.5 جنيه بس فعلا باين انه كويس لان البرايز لاحظت عليها حماية وفى نفس الوقت محكمة واللقم نضيفة ...
هاقولك على مفاجأه
البيتشينو ليس افضلهم .. في انواع جديدة افضل واجود من البيتشينوا
وده رأي كهربائية كتير ورشحولي نوع اسمه "فوتينا"
ولازم تنزل سوق الكهرباء الوراء مطافي العتبة عشان تشوف الاسعار
وفي نوع اسمه دومو ممتاز هو كماناقتباس:
المشاركة الأصلية كتبت بواسطة tza
انا جربت 3 انواع
بتشينو وفينوس ونوع تانى اسمه اليوس
التلاتة كويسين لكن افضلهم واغلاهم البتشينو
ضغطة المفتاح فى البتشينو سلسة واجزاء النحاس الداخلى نقية
وبالنسبة للفينوس لا انصح بالبرايز اللى عليها حماية عن تجربة شخصية
مع الوقت بتبقى مملة وممكن جدا السوست الداخلية تبوظ وتحتاج تغيرها
لو هنتكلم الاحسن فانا مهندس كهرباء و تسعير كمان و مشتريات هقول افضل الانواع على الاطلاق و ماركات عالمية :
1/ لا جراند LEGRAND
2/ بتشينو BTICINO
3/ يونيكا UNICA من شركة SCHNEIDER ELECTRIC
4/ بوش شيجر Busch Jaeger من شركة ABB
5/ جيوس GEWISS
اما باقى الانواع السابق ذكرها مع احترامى الشديد للاعضاء كلها صينى و غير مضمونة
يعنى ممكن تمشى الحال وموجودة عندنا كلنا فى البيت
بس الانواع اللى انا قلتها ممتازة و معمرة جدا و عمليه جدا و درجة الحماية فيها عالية
انصح الكل يجربهم
واى استفسار انا فى الخدمة ان شاء الله
مع احترامى للجميع مش كل الصينى وحش انا جبت لوحة سيجا ام فى شقتى وده ماركة عالمية ومشهورة حسب علمى وجدت ان البلاستيك بتاعها ضعيف وضيقة من الداخل بالرغم انها 12 خط ومش معاها البارا النحاس اللى بتركب تحت المفاتيح حتى تغليف بتاعها مش قد كدا والباب سهل الكسر .. بعد فتره كنا بنصلح الكهرباء عندنا فى البيت والدى وجبت لوحة فينوس صينى بصراحة حاجة ثانيه خالص قاعدتها صاج ومرشوش اعتقد الكتروستيك و الوش بتاعها بلاستيك متين وحتى فتحة الباب متينه وصعب الكسر وبيجى معاها البارا النحاس لدرجة ان معاها مفك تست كهرباء وتغليفها ممتاز بصراحة احسن من السيجا بكثير بالرغم انها صينى ... وبنفس سعر السيجا ام ...
خلوا بالكم يا جماعة إن المفتاح الالبتشينو (وكل الي شبهه) مش معمول عشان فتح وقفل الجهاز
ده تقفله بعد ما تقفل الجهاز وتفتحة وبعد كده تفتح الجهاز (لإن مش مصمم لقطع التيار)
السلام عليكماقتباس:
المشاركة الأصلية كتبت بواسطة م.احمد زكريا
اؤؤيد حضرتك بشده
ليه
1/ موديلات البي تتشينو المصنعه فى مصر من عام 1985 من القرن الماضى
2/ لو دخلت على بى تتشينو - الويب - هتذهل من التطور الايطالى الحاصل هناك و المقصود انه احنا متخلفين جدا فى الشكل و الحمايه و للاسف السعر.
3/ التكلفه = الوش و الللقمه و اخيرا الشاسيه - اللى بيفتح بعد شويه.
الحل
باستخدم فى شغلى لقم و اكسسوارات مصنعه فى السعوديه
المميزات
1/ السعر مقارب جدا للبى تتشينو
2/ التركيب = اللقمه و الالوش فقط - توفير الشاسيه .
3/ حمايه على البرايز - عليها لوك فى حاله سحب الفيشه من البريزه.
4/ ضمان 25 سنه.
5/ خامات انجليزيه مجمعه فى السعوديه.
6/ تشكيله كبيره من لقم الساتلايت و الديفياتورى و الديجياتورى و التكييف و القوى ز على فكره اللقم بتاعه البرايز بتقبل النظام الامريكى و الاوروبى
و المفاجاه الشفاطات السعودى ماركه الرائد - موتور انجليزى و تجميع سعودى و ارخص من المصرى.
سلك الاريال المستورد السعودى يعادل الايطالى سعرا و يفوقه جوده اضعاف
كنت اتمنى انى قرات استفسارك بدرى شويه و نزلنا افرجك
مبروك و ان شاء الله تاتى خير ما اشتريت
تحياتى...
السلام عليكماقتباس:
المشاركة الأصلية كتبت بواسطة tza
السيجا ام موش مشهوره و لا حاجه - مع احترامى للماركه طبعا -
بتتصنع فى مصر و فى مصنع ثرى برازرز - هيا ماركه مصرى معقوله بالنسبه للجوده المعتدله و الخامه الجيده جدا
انما الافضل طبعا وستنجهاوس - ا بى بى -...................الخ
و اوضح للزملاء جميعا ان العضو فى مداخلته بيسال عن السعر الجيد و المناسب موش المرتفع
تحياتى للجميع
انا متابع ياهتمام جيداقتباس:
المشاركة الأصلية كتبت بواسطة gelgel2004
انا تحت امر الزملاء جميعا بالمنتدىاقتباس:
المشاركة الأصلية كتبت بواسطة sas5
حيث اقوم برسم و تنفيذ اعمال الديكور و التشطيب لاصدقائى - كنت فى هندسه نوويه بالخارج - و لما رجعت مصر مكنش فى كليه للهندسه النوويه 1986 - قلبت تجاره و الحمد لله - بتعالج لحد دلوقتى - :angry35:
المهم
ليا بعض المداخلات بالمنتدى بهذا الخصوص
المهتم ممكن يراجع الروابط ادناه
تحياتى و دمتم بود
الروابط:-
http://www.nilemotors.net/Nile/220280-_.html
http://www.nilemotors.net/Nile/223203-a-7.html
http://www.nilemotors.net/Nile/162821-a-3.html
http://www.nilemotors.net/Nile/259873-a-2.html
http://www.nilemotors.net/Nile/259374-a.html
كنت لسه امبارح في شارع الكهرباء بجيب حاجات من جبريل بس للاسف مبيبعش مفاتيح و الحاجات الصغيره دي - لو تعرفني الاقيها فين المفاتيح و اليرايز الرائد دى ؟ و اسعارها ايه لان مفتاح الباتشينو كان ب 5 و نصف امبارحاقتباس:
المشاركة الأصلية كتبت بواسطة gelgel2004
السيجا ام احدى شركات ثرى برازر للاضاءة وهى بتستخدم مكونات من شركة GE General Electric العالمية افضل شركة جيلا فى لوح الكهرباء
++11111111اقتباس:
المشاركة الأصلية كتبت بواسطة motoxp
انضف واغلى مفاتيح كهرباء فى مصر على حد علمى لاجراند لاننا ركبناه فى قصر محمدعلى فى المنيل فى حاجة اسمه القاعة الزهبية ايام مكنت شغال فى كهربة المشروع بس اهم حاجة تكون لاجراند اصلى مش مضروب
انا شفت امبارح مفاتيح تكنو هو مش موديل في مثلا باتشينو عادي و في تكنو
او صيني عادي او صيني تكنو
عايز اعرف فرقها عن العادي ايه ؟
لاجراند لا يعلى عليها بس الفرنساوى الاصلى بصراحة وهم انا بستخدمها فى كل المشاريع
طيب هه حاجه حلوه - من اين يمكن ان ناتى بهااقتباس:
المشاركة الأصلية كتبت بواسطة motoxp
لانها لو لم تكن متوفره لاصبحت بدون قيمه
ربنا يبارك فيك يا استاذ جلجل جزاءاك الله كل خير والحمد لله على كل حال ... معلش لى سؤال منين شفاطات الرائد ده نجبها وسعرها كام ولك جزيل الشكر ..اقتباس:
المشاركة الأصلية كتبت بواسطة gelgel2004
خلى بالك ان بتشينو غيرت العلامة المائية الى علامة حرارية يعنى لما تقرب منها النار تعود كما هى منعنا للتقليد ..اقتباس:
المشاركة الأصلية كتبت بواسطة شريف
السلام عليكماقتباس:
المشاركة الأصلية كتبت بواسطة tza
تجبها من وكيل ليهم - موزع - بمصر الجديده
اسمه محمود خلوصى - 26244929 - رنا اليكتريك - و تلاقى عنده اللقم السعودى برضه
بس و انت بتشترى الشفاط اكد عليه السعودى - الرائد - لان فيه انواع تانيه مصرى و صينى و لو موش عنده ممكن يبقى يجبها من المستورد.
بلغه من طرف محمد عبد الجليل - و ان شاء الله تكرم.
محمد باشا صباح الفلاقتباس:
المشاركة الأصلية كتبت بواسطة gelgel2004
انا بارشحك المستشار الفنى للمنتدى - فمشاء الله خبراتك متنوعه فى مجال عديده
ومفيده
الف شكراقتباس:
المشاركة الأصلية كتبت بواسطة sas5
نا موافق:36_1_1[1]:اقتباس:
المشاركة الأصلية كتبت بواسطة sas5
محمد باشا - ممكن بعد اذنك تزور هذا الموضوع وتساعدنا اذا استطعت المساعدهاقتباس:
المشاركة الأصلية كتبت بواسطة gelgel2004
http://www.nilemotors.net/Nile/27496...post3874147572
ربنا يبار فيك يا استاذ محمد والف شكر على تعبك معايا جزاءاك الله كل خير ..اقتباس:
المشاركة الأصلية كتبت بواسطة gelgel2004
السلام عليكم جميعااقتباس:
المشاركة الأصلية كتبت بواسطة sas5
اسف للتاخر فى الردود و المشاركه
لظروف قهريه
اطلعت على الموضوع
و للمعلوميه
الاكوا ثيرم و الباننجر - الاثنين المانى
بس فى نوع منهم بيتصنع فى مصر تحت الاشراف و المواصفات الالمانى و احيانا بنلتزم بيه حسب الطلب لانه ارخص حاجه بسيطه
لكن شغال و كويس و مافيش فيه مشاكل
بس انا مؤمن بان الحاجه تتعمل مره و احده بس - الكهرباء و السباكه - لانها من الحاجات اللى بتضايق جدا بعد التشطيب لو ظهر فيها مشاكل.
و انا تحت امر اى من الاعضاء لو عاوز يحدد تكلفه او رسم او اقتراحات - بدون اى التزامات ماديه
تمنياتى للجميع بالتوفيق