الحمد لله الحرامي فشل في سرقة العربية
السلام عليكم
يوم الجمعة اللي فات بعد الصلاة رحت اشوف العربية لقيت حرامي غبي كاسر الكاسيت مبهدله خالص ولقيت الشواحن والفلاشة وميدلية فضة مش موجودين قلت اروح اشوف حد يصلح الكاسيت لان الحرامي الله يسمحه سبلي الوش بتاع الكاسيت رحت حاطط المفتاح فى الكونتكت لقيت مش عايز يدخل للاخر حولت معاه منفعش رحت لواحد بتاع مفاتيح شال الكونكت وفكه وقالي ان الريش اتعوجت وعدلها والحمد لله العربية اشتغلت
النهارد الصبح نازل ادور علشان اروح الشغل لقيت ازاز العربية كأن واحد جايب الماظة وعامل دورية على شكل حرف o بس الحمد لله مكملتش شكله كدة مش هيسيب العربية انا ناوي احط العربية ان شاء الله النهاردة فى جراج علشان اخلص وربنا يسترها معايا ومعكم