ياعبااااااااااقرة

**Hesham94** · 19-02-2012 12:01 PM

انا عايز اعرف حاجة لو سمحتم

كل ابايكرز اللى هنا اتعلموا يسوقوا لوحدهم كدا؟؟؟؟!!!!!

يعنى اتفرجوا على فيديوهات على اليوتيوب وبعد كدا نزلوا يسوقوا

انا دورت فى المواضيع كل اما حد يسال على حد يعلمه يقوله هات مكنة صينى واتعلم عليها وبيعها!!!!

طب انا واحد ميزانيتى ماتسمحش انى اجيب صينى وابيعه تانى

وكل اما اسال حد مابيدنيش اجابة كافيه

وشوفت فيديوهات على اليوتيوب يااامه وفى حاجات كتيير مافهمتهااش

ومفيش حد بيعلم حد

امال حضراتكم اتعلمتوا ازااااااااااى!!!!!!!!!!!!
انا حتتجنن ! !! !

**tamertamer** · 19-02-2012 02:01 PM

بص انا اصراحة اتعلمت لوحدى
يعنى من وانا صغير موتوسكلات صغيرة دة بيديك فكرة عن الاتزان وكدة
واول مكنة كبيرة كانت جاوة ختها سنة سنة من غير محد يعرف حاجة بس طبعا مش صح خالص
واول مكنة حقيقية كانت 400 فير كنت ماسك فى الدركسيون جامد والتنك بعد 5 دقايق خلاص الدنيا عادى وتوالت الاحداث
بس ومالة لما تأجر موتوسكل صينى كلها كام 50 ج فى ناس بتأجر صينى ويابانى اجر اتعلم واشترى ناس كتير عملت كدة

**corabica** · 19-02-2012 02:34 PM

انا عن نفسي اتعلمت اسوق عربيات الاول و بعدين سوقت الموتوسيكل

بس انا بحب البايكس اكتر

**OSaMa.GHaMrY** · 19-02-2012 03:09 PM

بص انا بردو محدش علمنى
الفكره انك تكون فاهم موضوع الغيارات
ولو بتسوق عربيه هيساعدك طبعا انا كان عندى المعلومات نظرى من عالنت و
اول مره جربت اسوق كانت مكنه صينى وسوقتها على طول من غير اى تعليمات والحمد لله مشي بيها زى الفل
تانى مره سوقت ال سي بي 400 بتاعتى وبردو زى الفل ومشيت بيها على طول
فالفكره انك تكون دماغك شغاله وعندك فكره كويسه عن الغيارات واستخدام الادبرياج والفرامل وكده

**Hesham94** · 19-02-2012 03:42 PM

انا معايه عجلة تعتبر جزء من حياتى بقالها معاية 8 سنين بستخدمها يوميا بدون مبالغة ماعدا يوم او يومين فى الاسبوع

وعندى فكرة كويسة عن سواقلة البايكس
فهل كدا فى مشكلة بالنسبة للتوازن مع العلم انى بعرف اناور بين العربيات ومعلم جدا فى التوازن والميل فى الحودانات الجامدة لانى عندى عجلة سبق
وهل يختلف التوازن على البيك من العجلة؟؟ ومين اصعب؟؟؟

فى سوال تانى

انا عرفت ان التموير فى الغيار بين الاول والتانى ( بيبقى نص تكه)

طب هوا اول وتانى بس ولا ممكن لو انا مثلا على الخامس وعايز امور ممكن يكون بين الخامس والرابع عادى ولا هوا بين الاول والتانى بس؟؟

واذا كدا هل لما انزل الغيار تكه حيجيب الاول على طول ولا حيجيب الرابع؟؟

ياريت حد يجاوبلى على السوال ده علشان انا مش لاقيله اجابه ويئست

**karembob** · 19-02-2012 05:00 PM

انا موضوع الموتسوكلات دا وخدنها وراثا وانا كان ولدي الله يرحمله عندو موتوسكل جاوا بس كان حكاية مكنش يحب حد يركب علي الموتوسكل مننا فا انا كنت بهرب من المدرسة واجر الموتوسكل الفطوطة عشان كدة فاشل حاول تتعلم لوحدك او حد يعلمك هي سهله جدا جدا

**ahmednabeeh** · 19-02-2012 05:12 PM

يا جميل .. كل الى بيقلك بلاش تجيب بايك كبير تتعلم عليه دا مش علشان مش عاوزين يخليوك تركب بايك كبير ..لا هما مش اكتر البايك التقيل بيكون سريع وتقيل وخطر والغلطه فيه لا قدر الله مش بجون بالماتش كله.. انا اتعلمت صينى وركبت صينى بعدد شعر راسى وركبت ام زد وتون وبيكاااات كتير يوم مجيت اسوق اليبانى حسيت باختلاف بس مش كبير .. بس كان بقالى فتره كبيره جدا بسوق .... دلواتى انت لو حابب تجيب .. يكون صينى حتى لو مستعمل تتعلم عليه واقل وقت يفضل البايك معاك سنه كدا يكون انت حطيت رجلك على اول الطريق وساعتها انت لما تيجى تركب الريس اليابانى هتقدر تقيم نفسك وتقول لا لسه شويه او اقدر اركبه .... ربنا يحميك ويسترها معاك :*

**Hesham94** · 19-02-2012 05:36 PM

المشاركة الأصلية كتبت بواسطة karembob

انا موضوع الموتسوكلات دا وخدنها وراثا وانا كان ولدي الله يرحمله عندو موتوسكل جاوا بس كان حكاية مكنش يحب حد يركب علي الموتوسكل مننا فا انا كنت بهرب من المدرسة واجر الموتوسكل الفطوطة عشان كدة فاشل حاول تتعلم لوحدك او حد يعلمك هي سهله جدا جدا

هههههههههههههههههه

كان نفسى اكون زيك على الاقل بقيت بتعرف تسوق واستفدت حاجة

**joacky** · 21-02-2012 01:51 AM

والله العظيم السواقة مش محتاجة غير تفتيح مخ فقط أنا ولا حد علمنى ولا أجرت صينى ولا أى حاجة الموتوسيكل جة تانى يوم كونت سايقة وى فى خلال 4 أيام كونت خلاص بقيت محترف بعد شهر كان ابويا أساساً جايبو لنفسوا رجعت المنزل ملقيتهوش هههههههههههه والله أتفرج على الفيديوهات اللى على اليوتيوب وى أجرلك 2 ساعة صينى و بعد كدة مرحباً بك فى عالمك الجديد ههههههههه

**yascro** · 21-02-2012 11:51 AM

المشاركة الأصلية كتبت بواسطة hesham94

انا معايه عجلة تعتبر جزء من حياتى بقالها معاية 8 سنين بستخدمها يوميا بدون مبالغة ماعدا يوم او يومين فى الاسبوع

وعندى فكرة كويسة عن سواقلة البايكس
فهل كدا فى مشكلة بالنسبة للتوازن مع العلم انى بعرف اناور بين العربيات ومعلم جدا فى التوازن والميل فى الحودانات الجامدة لانى عندى عجلة سبق
وهل يختلف التوازن على البيك من العجلة؟؟ ومين اصعب؟؟؟

فى سوال تانى

انا عرفت ان التموير فى الغيار بين الاول والتانى ( بيبقى نص تكه)

طب هوا اول وتانى بس ولا ممكن لو انا مثلا على الخامس وعايز امور ممكن يكون بين الخامس والرابع عادى ولا هوا بين الاول والتانى بس؟؟

واذا كدا هل لما انزل الغيار تكه حيجيب الاول على طول ولا حيجيب الرابع؟؟

ياريت حد يجاوبلى على السوال ده علشان انا مش لاقيله اجابه ويئست

موضوع العجله ده هيفيدك كتير ف التعامل مع البايكس
و التموير ف البايك بين الاول والتانى بس
ولو كنت على الخامس ونزلت غيار هترجع للرابع وهكذا