مشكلة مجنناني و مش عارف أحلها
السلام عليكم و رحمة الله
انا معايا بروتون جين تو 2006
انا لسه جايبها مستعملة
العربية و هي باردة بتدور زي الفل
لما امشي بيها و تسخن
لو بطلتها تطلع عيني لغاية لما تدور
أدورها تدور و تقوم مبطلة تدور و تقوم مبطلة
و أفضل كده معاها لغاية لما تحن عليا بعد عذاب السنين كله و تدور
لدرجة دلوقتي بقيت لو هانزل اعمل مشوار في السريع اسيبها دايرة و اقفلها بالمفتاح الاحتياطي
و كأني بأقول لأي حرامي معدي اتفضل اكسر القزاز و حلال عليك العربية دايرة اهو
واحد قالي الموبينة فيها مشكلة
وديتها لكهربائي قالي انت معندكش موبينة اساسا العربية كومبيوتر و حساسات و حاجات كده مش فاهمها
يا ريت لو حد عنده فكرة عن المشكلة دي يقولي اعمل ايه لاني مش عارف اروح للتوكيل بسبب تعارض مواعيده مع مواعيد شغلي بشكل كامل
