الموضوع: زينون سخن على طول ..زينون مش محتاج تسخنة !!!

المشاركة الأصلية كتبت بواسطة bmya

بص يا باشا انا هقولك على اللي حصل مع واحد صحبي
انا ليه واحد صحبي معاه سيراتو 2008 الشكل القديم وكان عاوز يركب زينون كنت انا وقتها مركب زيون صيني طبعا عالي بس في السيريون اللمبه h4 عالي زينون وواطي اصفر طبعا شافو معجبوش وقعد يتريق على انه بيسخن وبياخد وقت على مايشتغل
المهم بعدها بفتره لقيته داخل عليه بعربيته وشغل النور واذا به زينون قلت طبعا صيني قالي لاءه وقالي كمان مش بيسخن !!!! قلتله يعني ايه قالي اول مشغله بيشتغل على طول
المهم هو جابهم باللمبات بتاعتهم استيراد بيقولي طالعين من نص باسات استيراد وطبعا راح لواحد في اكتوبر ظبطله اللمبه حيث تركب عنده عشان هو عنده اللمبات الاصليه h4 وبتاعت الباسات اللي جايه مع جهاز الزينون كانت مختلفه المهم الراجل كسر له اللمبات الاصليه بتاعت السيراتو واخد القعده بتاعتها ونقل عليها اللمبه الزينون بتاعت الباسات مش عارف اازاي صراحه
المهم ان فعلا الزينون عند مش بيسخن يعني اول متشغله بيشتغل على طول !!! بس المشكله بقه انه شغال عالي بس لان اللمبه بتاعت الباسات بتكون one pol يعني بشتغل حاجه وحده بس مفييهاش تقليب زي ال h4
الجهازين معاه لحد الان الكلام ده من يجي سنتين او اكتر ونورهم اللي هو مش الازرق ولا الابيض لاءه نورهم اللي هو الزينون الحلو اللي مش بيعمي زي الصيني !! المهم في لمبه عنده اتحرقت للاسف :( نزل جاب لمبه ب 200 والراجل اشتغله وقاله دي الاصلي بتاعت الباسات ركبها وجيه يشغل لقاها بتسخن !!!!!!!!!!!
يعني اللمبه الجديده بتسخن واللمبه القديمه مش بتسخن !!!!!!!!!!!!!1 ليه بقه مش عارف
هل معنى كده ان اللمبات هي السبب في حوار التسخين ده ولا ايه مش عارف !!!!
اتمنى اكون افدتك بحاجه :))

يعنى كدة الحوار فى اللمبة ولا اية !!! انت لخبطنى أكتر هههههههههههه

المشاركة الأصلية كتبت بواسطة dr_darsh

يسلموا ايديك هو ده الكلام
فعلا العربيات الجديده اللى فيها زينون عالى وواطى أو Bi-xenon زى الباسات والشارك والمرسيدس الE-class العدسه هى اللى متحركه لكن اللمبه نور واحد وبالتالى لما حضرتك بتقلب عالى مش محتاجه تسخن
فى عربيات تانيه زى الجيتا والبى ام الخامسه والمرسيدس ال E-class موديلات من 2003-2009 والباجيرو الجديده والبورش والأوبل فيكترا والأوكتافيا دى عدسه واحده ثابته وبالتالى الزينون بيكون واطى بس والعالى هالوجين
بس فيه حااااااااااااجه مهمه جدا اكيد فى فرق فى التكنولوجيا مش ينفع تجيب حاجه صينى لحاجه بتنزل ى عربيه ب 1/4مليون جنيه وانت طالع لأن حتى النور الواطى بتاع العربيات مش بيحتاج يسخن زى الصينى وده لازم وبالعقل هو ده الصح حضرتك الزينون الصينى بكام ...؟؟ بيبتدى من 250ج لحد 600ج حد اقصى ولكن الزينون الأصلى سعره كام جديد فيليبس ب 1350 ج بلاش انا سالت على بتاع الباجيرو فى التوكيل قاللى ب 6000ج والمرسيدس ال E كان ب 14000ج معقول ده هيكون بكفاءه الصينى ............. استحاله
ده كفايه منظره ونوره على العربيه وكفايه انه مش مبهر زى الصينى حتى لو من غير عدسات شوفوا مثلا بتاع الكورولا او الباجيرو القديم او العيون مو 1998-2002 او الشبح القديمه كل دول من غير عدسات بس نورهم هادى وجميل ومش مؤذى ..... دول بقى الواحد يجيبهم منين انا فكرت فى موضوع الإستيراد بس لقيت الموضوع كبير وعاوز تعديل فى اللمبات او الفوانيس ولقيت صحاب المحلات بيستعبطوا انا رحت اجيب طقم من بى ام قاللى ب 2000ج ....؟؟؟؟

ياباشا انا فاهم كل دة والله

انا عندى الفانوس لمبتين

الواطى على عدسة وفيها زينون والعالى لمبة هالوجين عادية

انا بقول ان المرسيدس و البى ام نفس الحوار ذيى بالضبط بس العالى زينون على عدسة
و على طول سخن يعنى لو قلب فى اى وقت حينور بكل قوتة

حتى العدسات ال bi-xenon بتحتاج انها تسخن لو مش مشغل الواطى ...

الفكرة ان الاجهزة الجديدة فىها تقريبا خاصية انة على طول مشحون فأول مابتنور بينور وقتى كدة من غير ما يسخن ذى ما BYMA فوق قال على صاحبة ابو سيراتو


فدة اللى بسألة ... اذاى عندهم الزينون على طول مشحون

صحيح انا عندى لمبتين D2S 4300k لم يستخدموا لو حد عايزهم

...

muhammed nabil

اذيك ياباشا :)))

ذى مابقولك المرسيدس الجديد و الخامسة الجديدة once انك دورت العربية بيشحن وقتى ومهما نورت وطفيت وجيت رعشت ولو بعد فترة هو جايب كل قوتة