الرعشةالمستفزة

**A_AMR** · 19-02-2012 03:22 PM

السلام عليكم ورحمة الله وبركاته / أنا عايز أشكر الجميع على جو الصداقة الجميل ده ودى أول مشاركة ليا معاكو..عندى مشكلة فى عربيتى لدرجة ان الكمبيوتر وأعتى الميكانيكية والصنايعية لم يجدو لها حل عربيتى دايو لانوس مشكلتها الرعشة فى السلانسيه والتهدئة والنقل ألاقى مؤشر rpm ينزل لتحت ويطلع كأنها هتبطل والجديد بقى انى لما أهدى دلوقتى تبطل بجد أنا أتخنقت منها أوى ونفسى أحس انى راكب عربية الموضوع ده بقالو سنة ويمكن أكتر مع العلم انى محافظ عليها وبغير لها طقم سريفسها أول باول حد عنده حل.......!!!!

**dr.hazem** · 19-02-2012 05:44 PM

هوا انا مش بحب افتي وطبعا هننتظر رأي الخبراء ولكن حاسس انه حاجه من الحساسات عايزة تتنظف او تتغير لو لزم الامر

تحياتي

**ZOoOoMA** · 19-02-2012 06:38 PM

بس انا برضو زي الاخ hm مش عايز افتي بس انا كان عندي نفس المشكله تقريبا في عربيتي 128 و كان حلها اني وطيت كهربيه العربيه شويه و كنت لما ادوس فرامل تبطل و عملت طقم اصلاح و بقت زي الفل ف مش عارف بصراحه في حالتك تنفع حاجه شبه كده ولا لا بس يا رب تلاقيلها حل

**SYD** · 19-02-2012 07:15 PM

يا اخ زوومة ماهي المشكلة انه بيقولك انه استفتي اعتي الميكانيكة معقولة مفيش ولا واحد فيهم جه في دماغه موضوع الأسبراتير

ولو العربية ليها كمبيوتر كشف اعطال هيقول علي طوول علي اي حساس بايظ

هي حاجة مش بتظهر علي الكمبيوتر وفعلا ممكن يكون الأسبراتير او لو عندك حساس الHall sensor زي عربيتي يبقي ممكن يكون منه ومش بيظهر علي الكمبيوتر الحساس دة علي فكرة لأنه تبع الأسبراتير

وممكن يكون حساس الأيدل

انا رأيي تستشير الأستاذ محمد ممدوح اخصائي اللانوس

والله المستعان
،
،