من المنيل للتجمع الخامس ؟

**Mandible** · 19-02-2012 04:23 PM

لو سمحتو عايز طريقة اروح بيها من المنيل للتجمع الخامس

**mohamed_selim** · 19-02-2012 06:15 PM

مواصلات ولا عربيه؟

**Dr_Mido** · 19-02-2012 06:20 PM

ل بالعربيه من كوبرى الجامعه خد ال سعود لحد كوبرى عباس ولف من تحته واطلع اكنك رايح المنيب وخد البحر الاعظم لاخرة واطلع طلعه الدائرى من هناك

لو مواصلات اركب للجيزة ومنها للمنيب ومن هناك فى عربيات بتروح فى كل حته من تحت الدائرى برضه

**Mandible** · 19-02-2012 10:05 PM

المشاركة الأصلية كتبت بواسطة mohamed_selim

مواصلات ولا عربيه؟

عربية ان شاء الله

المشاركة الأصلية كتبت بواسطة dr_mido

ل بالعربيه من كوبرى الجامعه خد ال سعود لحد كوبرى عباس ولف من تحته واطلع اكنك رايح المنيب وخد البحر الاعظم لاخرة واطلع طلعه الدائرى من هناك

لو مواصلات اركب للجيزة ومنها للمنيب ومن هناك فى عربيات بتروح فى كل حته من تحت الدائرى برضه

الف شكر حضرتك بس مفيش طلعة للدائري من ناحية اخر المنيل ناحية مصر القديمة ؟ اصل كده هتبقى اسهل

**mohamed_selim** · 20-02-2012 10:12 AM

فى بس مش سهله ... وصفة البحر الاعظم اسهل بكتير .... يا اما تكمل فى المنيل على صلاح سالم لحد شارع الطيران و تخش يمين و طوالى (هتعدى يوترن و ترجع للشارع) لحد ما تلاقى ابورامى على يمينك و الشبراوى على شمالك تاخد يوترن و ترجع من جنب الشبراوى يمين و طوالى كتييييير هتوصل لاول التسعين

**Lancer_EX** · 20-02-2012 10:50 AM

حضرتك مصر القديمه أسهلك امشى على الكورنيش لحد ما توصل عند بنزينه التعاون ايلى على اول كورنيش المعادى (امام نايل كريستال) وادخل من جنبها (خليها على يمينك) وكمل على طول (اوعى تطلع كوبرى الزهراء) امشى طوالى حتلاقى الطريق بيلف معاك يمين ثم اول شمال وكمل على طول

وحتلاقى الطريق بيلف شمال ومطلع الدائرى فى وشك على طول