عرض للطباعة
جات فى دماغى فكره عشان الموضوع ده
1- عمل ويب سايت الناس تسجل فيه نمر العربيات المسروقة و طرق الاتصال بيها
2- كل بنزينه تخصص عامل يسجل العربيات الى بتخش البنزينة على الويب سايت
3- نعمل فاليديشن اذا كانت العربيه مسروقة و لا لا
و مفيش عربيه هتمشى من غير بنزين
بس خلاص
والله فكرة ممتازة جدا
بس المشكلة ان عمال البنزينة دول هيلتزموا ولا لا
وغير كدة ان ممكن اللي سارق العربية يكون عارف الموضوع ده يروح يجيب 20 لتر مثلا في جيركن .. وهكذا كل مرة
:hlopaet_prv::hlopaet_prv:اقتباس:
المشاركة الأصلية كتبت بواسطة eng f3lix
تعليمات من الداخلية بان البنزين فى خلال الاسبوع ده يتباع بالعربيات او رخاصها
و لو عربيه مونت مرتين فى وقت قريب هتبان و البنزيه تتطلب الرخص للتاكد من الملكية عشان ميمونش عربيه و يحط فى التانيه
و ممكن تبقى حمله و يشارك فيها الطلبه و غيرهم
ماهى احلام
فكرة حلوة
تسلم دماغك
بس الأحلي كلمة Validation
والله المستعان
،
،
فكره ممتازه وانا بحي حضرتك عليها
- بس لازم الدوله تطبقها عن طريقها هي تعمل داتا بيز بالعربيات المسروقه و ماركاتها و الوانها و ملاكها
دي تبقي phase one (و نضيف كمان اللوح المسرقه ليها).
- لو العربيه او اللوح المعدنيه مش متسجله انها مسروقه يتعمل تشيك تاني علي داتا بيز بكل الارقام و ده يبقي phase two علشان متتضربش لوحات بارقام مش موجوده اصلا.
- وبكده يبقي عملت دبل تشيك واتاكدت بس احنا كده بنتكلم theoretical point of view لكن الكلام الواقعي بقي *هل في طريقه علشان التاكد ده يبقي سريع و مياخدش اكتر من دقيقتين مثلا؟
*هل في وسائل الكترونيه علشان محدش ياخد نمره العربيه غلط (اعتقد دي موجوده زي الرادار اللي شبه المسدس اللي بيسجل السرعه و رقم اللوحات وده موجود من زمان بس احنا عايزينو بدل ما يسجل المخالفه يبقي مرتبط بالداتا بيز اللي قولنا عليها)؟ اعتقد في ناس هنا في النتدي خبراء في الحاجات دي
*هل الامن يقدر يوفر افراد في كل بنزينه (مش اقل من 3 واحد يعمل تشيك و انتنين ينفذو الضبط في حاله ان العربيه مسروقه) ؟
*و اخر سؤال هل نقدر نتحمل تكلفه النظام ده كلو؟
100 / 100 يا أبو ياسين
الناس نفسها هتسجل و مع كام بوست على الفيس هتلاقى الموضوع انتشر
ممكن أ.كريم منير يعمل الموضوع تحت نايل موتورز بالتنظيم مع البنزينات الكبيره
موضوع البحث و الوقت متقلقش منه سيرفير معقول هيضبط المواضيع اما فكره انه يتربط مع الرادار تبقى عايزه موضوع تانى
و الامن يدخل ده موضوع ثالث
و ممكن البنزينه تاخد مبلغ فى مقابل انها تلاقى عربيه 500 ج
هو فى طيب عربيات مسروقة الحرامى بيسيب نمرها عليها يا جماعة.؟؟!!
انتو نسين حاجه مهم جدا ان معظم الي بيشتغلو في محطات البنزين مش محترمين اساسا
دول بيغشو البنزين هيرجعو العربيات لاصحابها
لا هيقبضو من الحرامى و اهى لقمه عيش برضة
ليه سوء النية
اقتراح جميل جميل جميل بس في مشكلة صغنونه اوي
ان اول حاجه بتتعمل لما العربيه بتتسرق ان نمرها تتغير او تتشال ع الاقل !!
العربيات المسروقه بتتقطع وتتشرح وتتباع قطع غيار استعمال ....ولو هيمشى بيها اكيد مش هيمشى بيها وعليها نمرها ..
دا غير العربيات اللي بتتفكك و تتباع قطع و العربيات اللي بتتهرب على غزة
ههههههههههههههههههههههههه ه
هو في عربيات ماشيه بنمر أصلا ...
هو في عسكري مرور ف الشارع ؟؟؟!!!!!!!!!!!! :36_1_50[1]:
صلي ع النبي ف قلبك ياراجل ياطيب ...
على فكرة برمجة الكلام ده اسهل ما يمكن
عندى حل لموضوع عامل البنزينة..... احنا اصلا مش هنستخدمه كل الحكاية اننا نحط جهاز الرصد ده فا حاجة ثابتة بحيث يغطى البنزينة كلها وفى نفس الوقت يرصد كل عربية ووضع نمرها على الداتا بيز
فكرة اكثر من ممتازة جزاكم الله خيراً
تسلم دماغك
بس التطبيق عايز جهد كبير ...
نص العربيات المسروقه معروف مكانها
وفيه منها موجود وفيه منها سافر وفيه منها تقطع وفيه اتشال النمر من الشاسيه واتحط نمر عربيه عامله حادثه
كل ده مش حتعرف تجيبه طبعا
والحكومه نايمه فى العسل
انا مبرمج وعارف ان شغله سهل جدا
ولو فعلا بجهاز يبق هتخلي الجهاز ياخد الارقام ويعمل بحث في قاعدة البيانات لو طلعت انها مسروقه يدي اشارة تنبيه في اقرب قسم ويظهر فيها لون العربيه ومصافتها ومن الطبيعي القسم هيقد يعمل كردون يقبض علي العربيه
وممكن كمان يعمل عملية تصوير للموجود داخل العربيه ويعرض الصور لان قاعدة البيانات الي هتستخدم في موضوع دا يا سيكوال يا اوراكل دي بتيح عملية تسجيل فيديو او صور
فكرة عظيمة
ياجدعان كلامكوا ده بييائس الواحد
ولو حد عنده فكرة بعد كدة مش هيقولها اصلا
وخلوا بالكوا الحرامى ده بيكون اغبى واحد فى الدنيا ساعة مابيسرق حاجة فتوقعوا منه كل حاجة ساعتها
الموضوع طبعا اكثر من رائع وبسرعة انتشاره على الفيس دة لواحده هيخلى الحرامى يفكر 1000 قبل ما يمشى فى الشوارع كدة يتباهى بالعربيه اللى سرقها بكل فخر فى دولة موافقه على ان يبقى فيها انفلات امنى بمزاجها للاسف ....وبعدين احنا فى بلد بتمشى ورا الاشاعات يعنى لو طلعنا اصلا اشاعة ان الموضوع بدا يتنفد(ودى طبعا اشاعة طيبه الهدف منها ارعاب حراميه العربيات) ....زى ما شجعناهم قبل كدة ينزلو يسرقوا عربيتنا (منه لله الاعلام الفاشل بجد انا زهقت من الكلمة دى تحس انهم بيقولو للحراميه يلا انزلو بسرعة اسرقوا العربيات علشان الشرطة مدياكو افر ويمكن يكون لفترة محدودة.....حسبى الله ونعم الوكيل
كلام حضرتك جميل اوى بس فى مشكلة ناس كتير متعرفهاش ان فى بنزين موجود مش فى محطات البنزين اساسا
انا عربيه والدى اتسرقت من فيصل الرئيسى ولما بدات ادور فى المنطقة دخلت فى منطقة متفرعة من فيصل تحت الدائرى او على مطلع للدائرى على ما اعتقد لقيت ناس عاملين بنزينات فى الشارع عباره عن جراكن مليانة بنزين وبيبعوا فيها بنزين وبيمونوا لعربيات باغلى من السعر الرسمى للبنزين زى بنزين 80 انا شوفت الكلام دا بعينى فسهل اوى الحرامى يروح يمون من الحتت دى
يسلام سلام يعنى اللى هاجم سيارة على الطريق وسرقها حيصعب عليه يمونه من اى بنزينة يعنى لو واحد وقف جار الراجل بتاع البنزينة وحط لآلى فى جنبة والتانى يمون فول تانك وببلاش دولا عام ولاد كلب عاوزين الشنق فى ميدان عام....
فيجب على القضاء ان توفر دوائر قضائية مستعجله لمحاكمة هؤلاء البلطجية على ان يكون الحكم بالاعدام شنقا فى ميدان عام ليكون عبرة لمن خلفهم انما نقبض عليهم ونحطهم فى قسم واخواته يهاجمو القسم ويخرجوهم هه خيبة والله....
فكره حلوه بس تنفع فى بلد غير مصر