انا عايز اعرف عيوب و مميزات الانترا
عرض للطباعة
انا عايز اعرف عيوب و مميزات الانترا
فعلا ،،،يا ريت حد يجمع المميزات والعيوب اللي تم ذكرها للعربية بغض النظر عن التوكيل ويحطها في الموضوع لو ممكن
يا جماعا هناك رد كتير جدا علي الألنترا 2007,2008 و تقريبا لا يوجد أحد بيشتكي و الكل بيشكر و لكن لاداعي للتكرار لو رجعت بتاريخ سابق حتجد الكثير عن الألنترا ولكن لو في سؤال محدد أناتحت أمركم
السؤال بشكل محدد؟؟؟؟؟
ما هي عيوب الالنترا؟ واللي حضرتك بتقوله صحيح يعني كل الناس بتشكر في العربية ،،لكن أرجع وأقول مافيش عربية من غير عيوب ، أنا طبعا مش بتكلم عن التوكيل ،انا باتكلم عن العربية نفسها ويا ريت ملاكها نفسهم يفيدونا وبشكل واضح ،،بغض النظر عن الكلام اللي من عينة إن العربية أبعادها مش واضحة والكلام ده ،،أنا عايز أعرف ايه اللي ملاك العربية لاحظوه أو حد سمعه عن العربية من عيوب؟
جزاكم الله خيرا
يا سيدى الفاضل مفيش اى عربية ب 100.000 ج بيكون فيها عيوب واضحة
كدة يبقى الناس دى بتهرج
وتسمع ملاحظات كل الناس اللى ركبوها و ركبوا عشرات العربيات ..افضل مليون مرة من انك تسمع اراء مُلاكها فيها و اللى غالباً بيكونوا طلعوا من عربية اقل منها فى الفئة .
وشكراً
سيدي الفاضل أنا كنت راكب لانسر شريها علي الزيرو موديل 2002 ولكن غرقت في أعصار مسقط العام الماضي و ثم أشتريت الألنترا و الحمدلله الألنترا أحسن بكثير من اللانسر بالنسبة لي و كان أختيار موفق أما علي العيوب فحتي الآن لم يظهر أي عيب و لكن لو أنت عندك سؤال معين ممكن أجاوب عليك بكل حيادية فلست من المتعصبين لنوع معين فأنا كان عندي مازدا 626 موديل 1991 و كانت ممتازة و ركبت بعدها اللانسر ولم تعجبني أبدا وكنت مش مرتاح لها بالذات بعد المازدا و كان عندي في مصر عربية إكسيل 1996 و كانت أيضا سيئة و مع ذلك أشتريت الألنترا في مصر و مسقط و الحمدلله مرتاح فيها جدا
ايه ده هو حضرتك مش عارف إن الناس بتهرج،؟؟؟؟،،،يعني بداية من الرينو ميجان اللي كان فيه مشكلة في السوفت وير والجير بوكس ،،لحد الكورولا الجنوب أفريقي اللي ملاكها بيجمعوا نفسهم عشان يشتكوا للوكيل ويبعتوا لتويوتا اليابان ،،لحد السيفيك اللي هي في نظري أحسن عربية في فئتها السعرية اللي الناس بتشتكي من إنها واطية على الأرض والطلاء بتاعها ضعيف ،،وكل دي عربيات فوق الميت ألف بكتير ،،،يعني تمن العربية مش هو المقياس الوحيد لعدم وجود عيوب في العربية ،،وأنا متفق معاك طبعا إن ده تهريج
ثانيا مالك السيارة في رأيي هو أقدر شخص على تقيييمها لأنه بيركبها كل يوم ،،وعارف هي ايه وايه مشاكلها واستهلاكها غير اللي ركبها مرة يجربها(ده رأيي) وأنا مكنتش باتكلم عن مقارنة عشان أسأل حد ركب عربيات كتير إنما بسأل عن عيوب السيارة حتى الآن ،،
عموما واضح إن العربية كويسة فعلا بدليل إن مافيش شكاوي منها،،،ويا ريت لو حد عنده رأي في العربية يضيفه،،،جزاكم الله خيرا
العالم كلها بيشكروا بهذي العربيه ....
وانشاءالله خلال يومين هاخذ النترا 2008 .. دعائكم ليا
:)
Mabrook mokadaman kuwaity insha2allah ha7asalak after 1 week
انا لسة جايب الالنترا........
فعلا حاجة تفرح
اخطر عيب فيها انها واطية جدا جدا على الارض وهى مزعلانى جدا فى المطبات وغير ذلك فهى ممتازة
عربية كويسة مش وحشة بس لو هتعمل شغل يبقي اخرها 5 سنين و تقلبها
العربيه معايا من شهرين فقط و مشيت بيها 6000كم بس انا فى الأمارات و بصراحه اشتريت النترا 2000 مش ال1600 و للأمانه حتى الان السيارة ما شاء الله زى الفل و عشان انا شغلى مسافته بعيدة و بدون رادار ..زما شاء الله العربيه 200 كم فى الساعه عادى جدا و على 4500rpm ودة طبعا مش اخر الدواسه لكن بصراحه انا خواف شويه و بالنسبه للأداء عامة فانا أجدها مقبوله جدا هى اتوماتيك طبعا بس الكاسيت اللى فيها عادى و التوكيا قال لى هم بيستوردوها كدة..
منين نشترى الانترا كاش بدون حجز
الالنترا سيارة بلا مشاكل ولا يوجد بها اى عيب وسيارة لا تعوض وافضل ميت مرة من اللانسر والتويوتا وعقدة اليبانى دى وكفاية كدا بقى
عربية كويسة مش وحشة بس لو هتعمل شغل يبقي اخرها 5 "سنين و تقلبها"
ايه الكلام دا دى عربية ممتازة ومتوقع اقل عمر ليها 15 سنة
توكل على الله وهاتها عامله معايا 6500 كم وزى الفل ماشاء الله
يعنى الانترا مفيهاش عيوووب:shocked4::shocked4:
اذا كان الفئة الخامسة فيها عيوب :sifone:
مهو مش شرط العيوب تكون عدم ثبات و عيوب تصنيع و الحاجات دي..
موضوع العربية بتوطى مع التحميل و الحك في المطبات العالية ممكن يكون عيب
قطع الغيار غالية عيب
التوكيل زحمة عيب
التوكيل بيفضى العربية من الكماليات الكتير اللي بتنزل برة عيب
التوكيل بينزل العربية من وسائل الأمان اللي بتنزل برة عيب
يا جماعة اشكركم على الردود الجميلة ديه كده اطمنت على عربيتى المستقبلية و بصراحة كنت مجنون لما قارنت الياريس بالانترا لان الفرق شاااااسع و الحمد لله انه هدانى لالانترا لانها عربية بجد جميلة جدا و قدامى بالظبط شهر على ما اشتريها يعنى حعيد بيها ان شاء الله
شكرا لكل اعضاء تويوتا و هيونداى
موضوع انها واطية على الأرض ده فعلا
انا معايا العربية بقالها اكثر من سنة
وبصراحة العربية اكثر من ممتازة ومش مزعلانى فى حاجة
وملاحظاتى عليها
اولا: المميزات (من وجهة نظرى)
- بصراحة مريحانى على الأخر وعلى مدار عام كامل لم اشتكى منها فى حاجة بأستثناء وحده رفع الزجاج عطلت اكثر من مره
وكل يوم بيزيد اقتناعى بيها وبقول انه كان اختيار موفق والحمد لله
- التسارع بتاع العربية حلو جدا وفعلا بتحس بال 121 حصان + ان السحب بتاعها برده ممتاز جدا
- التكيف اكثر من رائع والميزة اللى فيه انك مش بتحس انه محمل على الموتور
- الثبات بتاعها معقول جدا جدا
- الباور ممتاز جدا وفيه ميزة حلوة انه فى السرعات العاليا بيتقل شويه علشان يبقى فيه تحكم اكتر فى العربية
- العزل الداخلى ممتاز جدا
- النور الصغير او الكبير لو نسيته مفتوح اول ماتفصل المفتاح وتفتح الباب تلاقى النور قفل لوحده
- الشياكه بتاعت العربية وخصوصا شكل التابلوه والأضاءه بتاعته
ثانيا : العيوب (من وجهة نظرى)
- واطيه شويه على الأرض ( الكورولا – استرا 2000) اعلى منها
- الصاج بتاعها ضعيف شويه
- ابعاد العربيه صعبة شويه وخصوصا فى الركانات
- التوكيل دائما زحمة
ثالثا : المكاليات اللى مزودها- كاسيت CD بايونير (الأضاءه بتاعته ماشيه مع نور التابلوه)
- فرش جلد
- باركنج سنسور
أعزائي محبي الانترا
الى من يرغب في الأنضمام للمجموعة لشراء سيارات بسعر الجملة ، قرائة هذا الموضوع في قسم العروض
http://www.nilemotors.net/Nile/showthread.php?t=34281
إلى بيقول عمرها خمس سنوات وتقلبها يمكن قصده في الخليج
الاجواء هنا مختلفة والسياارات عمرها الافتراضي أقل من مصر
لكن إذا كان يقصد مصر فالإلنترا تعيش أكثر بكثير طبعا
النترا 2008 مانوال فول اوبشن glx من غير جنوط و فتحة سقف بكام ؟
tayeb ya gama3a howa fe3lan keta3 `3eyar el elantra bezzaaaaat `3alya awy zay ma sme3t.....aktar mn ay hundai 3ady ya3ny !!??? wala fel range el ma32ool !!??