عرض للطباعة
أنا معايا Lancer 2003 Glx عامل بيها حادثة و محتاجة بابين يمين و رفرف يمين و سمكرة رفرف ورا يمين و قايم أدام يمين متعضعض شويتين ، ة العجلة اليمين اتكسؤت و محتاجة جنط و كبالن و تقريبا أكس و ربنا يستر مع المساعدين ، ده غير المرايا اليمين بربريز أدام . بس أهم حاجة إن الحمد لله العربية مشيستش و السدر سليم .
أنا بصراحة عاوز آخد رأيكم في تكلفتها ، و هل موضوع إني أشتري قطع الغيار من بورسعيد جامد ولا فاشل . و لو حد ممكن يشوف الفيديو ، بس أبعتهولو على الماسنجر علشان مبعرفش أحمله .
و آسف صدعتكم
روح ورشة سمير على فى الحرفيين لأن 100% الشاسيه عندك اتعوك و لازم يستعدل بأجهزة
اول حاجه تعملها تاخد رقم الشاسيه و تروح التوكيل و تسأل على القطع اللي انت محتاجها و تعرف اسعارها. بعد كده تنزل على الحرفيين او بورسعيد و تشوف اسعار نفس القطع بكام.. و انت الحكم
لا إلة إلا الله - ربنا يكون فى عونك والحمد لله على وزى ما الأخ shoudy2005 قالك سمير دة محترف وسمعت عنة كتير
ألف ألف شكر على إهتمامكم و لو حد ممكن يديني رقم ورشة سمير أو عنوانها بالظبط علشان معرفهاش . شكرا
رقم سمير على 0123401259 و مجرد دخولك فى الورش هناك و سألت فى 100 واحد هيدلك
سمير على فى الحرفيين يا باشا زي ما نصحوك
من احسن الناس فى السمكرة واستاذ .
وقطع الغيار من القاهرة احسن بورسعيد ممكن يبلفوك هناك ..
مش اى حد يعرف يتعامل مع البورسعيدية
بص يا باشا
فعلا زي ما احمد قالك لازم تقارن
ولما تعرف اسعار التوكيل ابعتلي ع الخاص
وانا هسألك هنا في بورسعيد ... واوفر عليك المشوار وإن شاء الله خير
والمهم انك بخير
تحياتي
ألف شكرا و عموما خلاص يا باشا أنا حجيب الأسعار و أتابعك
تحت أمرك يا باشا
واحنا في الخدمه :)