آآه يا مكنتي يا عيني يا مكنتي :(((

السلام عليكم

الموضوع باختصار ،، العربية كانت ماشية زي السكينة في الحلاوة !! عادي

و فجأة ،،رعشة+صوت تققتيع ،، +صوت شخللة في الموتور عجييييييبة !!!

+ نار بتطلع من العمو بتاعت الهواء !!!!!! "أديني عقلك" !! العربية بتعمل باك فاير من الكبود :))

و صوت شخللة عجيييييب !!

أغيثوني ؟ ده معناه أيه ؟؟ المكنة بترجرج !! و حاجة بال بلاء !!

كلمت ميكانيكي معرفة و عزيز عليااااا أوي !!

لولا الوقت متأخر كان زمانه عملهالي !! قالي احتامل يكون بوجيهات ،، غيرنا البويجهات و نفس المشكلة !!

راح بصلي وقالي "يا صبابات ،، يا أمااااا .... و سكت !! " قلتله يا أما أيييييييه ؟؟ :eyecancer:

قالي سيبها على ربنا ،، بكره أفتحلك الموتور و أشوفلك فيها أيه !!! و من ساعتها العربية مركونة في مكانها !! :(((
آآآآآآآىه يا عربيتي !!

الله يرحمها :(( قولولي حد يعرف ده أيه ؟؟ أم ممكن يكون أيه ؟؟

العربية شاهين موديل 2006 ،، أنجيكشان !!! :10_1_104v[1]:

انت عملت حاجه ف سير الكاتينه قريب ؟
اكشف عليه بكرا و انت بتفك الماتور و لو لقيته متاكل شويه غير بليه الشداد و السير

و ان شاء الله تطلع حاجه بسيطه

لسه مغير سير تقسيمة !! و كشفت عليه النهارده ،، خليت الميكانيكي ده يكشفلي عليه و لاقاه كويس !!

متابع و ربنا يطمنك عليها ان شاء الله

المشكلة و ما فيها،، أن المسمار الي بيربط العمة !!! وقع جوا المكنة !! و لكم أن تتخيلوا الباقي :(((

مسماااااااار دخل للمكنة !!!!! :(((اااااااااه ياني

متابع ...
إيه الأضرار اللي عملها المسمار ... يارب تكون بسيطة إن شاء الله ...
.

الصمام ايل هوا نزل فيه !! أتدمررررر !! لأنه اتحشر بين الصمام و وش السليندر !! بس الحمد لله منزلش على السليندر ولا البساتم !!

طبعاً تعليقة الصمام ده !! خلت العمود بتاع الكامات عضض شوية بسبب التاكيهات الي علقت بدورها ،، و ضربلي معاه صمامان تانين

يعني من الآخر

غيرت 3 صمامات !!
و جوان وش سليندر
و حاجات كتير في التاكيهات !!
و بلية سير التقسيمة !! لأنه سير التقسيمة اتشد و ترخى نتيجة التوقف المفاجئ في التقسيبة بتاعت الموتور بسبب المسمار ابن الكلب ده !!!!!!!

جوان تاكيهات بالمرة !!

و العربية عمرها محترجع زي الأول !! :(

أنا نفسيتي متدمرة ،، كيسها بقا زفت !! و سحبها مش كويس ،، و أصوات عجيبة من جوا المتور ،ن تكتكه و صرصرة عجيبة !!

لا حول ولا قوة إلا بالله
والله زعلتنى
هيه ملطشه معاك كده ليه ياسمسم
قدر الله وماشاء فعل
ان شاء الله تتظبط وتبقى زى الفل
ربنا معاك

مفيش سبب يدعو لأن السحب يقل الا ان فى حاجه متضبطتش كويس .. ان شاء الله تتضبط و ترجع أحسن من الأول.

انت واهم نفسك
و لو مش واهم نفسك حتتعود على الجديد
المهمىانك تشرب سفنو تنسى الهم و تتعايش مع الواقع و متخلقش حالة اكتئاب من لا شيء

ياباشا مش اول ولا اخر موتور هيتفتح
عادى جدا والمفروض يرجع زي الاول واحسن طالما وش السلندر نفسه ما حصلش فيه حاجة وطالما غيرت كل الحاجات اللى باظت بقطع جديدة اصلية

كل الحكاية انك المفروض تخف على الموتور شوية وتمشى 1000 كيلو مثلا وترجع تقرط على وش السلندر تانى وتظبط تاكيهات وبعدها هتلاقى المكنة شدت حيلها تانى

طالما التقسيمة مظبوطة والصبابات اتغيرت كويس ومفيش تغيير حصل لوش السلندر ما تقلقش
صحيح انت غيرت عمود الكامات ولالا ؟


الحمد لله اوى انها جت على قد كدة ، اعرف واحد حصل معاه نفس موضوع المسمار ده ، عمل عمرة كاملة

عندي ملحوظة عايز اقولها ،، لكن بعد الرد على السادة الأخوة الأعضاء :)

اقتباس:

---

المشاركة الأصلية كتبت بواسطة Elawany13

لا حول ولا قوة إلا بالله
والله زعلتنى
هيه ملطشه معاك كده ليه ياسمسم
قدر الله وماشاء فعل
ان شاء الله تتظبط وتبقى زى الفل
ربنا معاك

---

الحمد لله على كل شيء !! نصيب يا أستاذ علواني

اقتباس:

---

المشاركة الأصلية كتبت بواسطة kar!m

مفيش سبب يدعو لأن السحب يقل الا ان فى حاجه متضبطتش كويس .. ان شاء الله تتضبط و ترجع أحسن من الأول.

---

ان شاء الله !! :)
هوا السحب ده عليه ملاحظة معينة حقولها أهو !!

اقتباس:

---

المشاركة الأصلية كتبت بواسطة mmffor

انت واهم نفسك
و لو مش واهم نفسك حتتعود على الجديد
المهمىانك تشرب سفنو تنسى الهم و تتعايش مع الواقع و متخلقش حالة اكتئاب من لا شيء

---

ياه سفن أب :)) بقالي كتير مشربتش حاجة ساقعة !! :aloha:

اقتباس:

---

المشاركة الأصلية كتبت بواسطة amrelsaqqa

ياباشا مش اول ولا اخر موتور هيتفتح
عادى جدا والمفروض يرجع زي الاول واحسن طالما وش السلندر نفسه ما حصلش فيه حاجة وطالما غيرت كل الحاجات اللى باظت بقطع جديدة اصلية

كل الحكاية انك المفروض تخف على الموتور شوية وتمشى 1000 كيلو مثلا وترجع تقرط على وش السلندر تانى وتظبط تاكيهات وبعدها هتلاقى المكنة شدت حيلها تانى

طالما التقسيمة مظبوطة والصبابات اتغيرت كويس ومفيش تغيير حصل لوش السلندر ما تقلقش
صحيح انت غيرت عمود الكامات ولالا ؟


الحمد لله اوى انها جت على قد كدة ، اعرف واحد حصل معاه نفس موضوع المسمار ده ، عمل عمرة كاملة

---

الحمد لله على كل شيء !! :(

بس انا مغيرتش العمود بتاع الكامات ،، الميكانيكي قالي لما فكناه لاقيناه مش يستحق يتغير ولا حاجة الحمد لله !!

الملاحظة هيا أن سحب العربية بدأ يتحسن !! و لكن هناك صوت تكتكة وحشة اوي كده ،، بتظهر لما العربية تبدأ تسخن !!

بتزيد مع زيادة الآر بي أم !!

تكتكتكتكتكتكت... و حكذا !! تكتكة رفيعة !!

مسمار فظيع
هترجع احسن من الاول باذن الله

معلش يا سمسم هترجع زي الاول و احسن ان شاء الله متقلقش و كل حاجه من ربنا خير

اقتباس:

---

المشاركة الأصلية كتبت بواسطة minicooper20

مسمار فظيع
هترجع احسن من الاول باذن الله

---

آمين يا رب !! :) متشكر !! هوا مسمار فظيع بشكل ؟؟؟ :)))

اقتباس:

---

المشاركة الأصلية كتبت بواسطة zooooma

معلش يا سمسم هترجع زي الاول و احسن ان شاء الله متقلقش و كل حاجه من ربنا خير

---

الحمد لله على كل شيء يا حازم والله :) و أن شاء الله خير

برجاء متابعة الموضوع التالي
http://www.nilemotors.net/Nile/273660-a.html#post3874132316

صوت التكتكه دا لان التاكيهات مش مظبوطه و مفتوحه زياده عن اللزوم و بردو بتقلل عزم العربيه طالما مش مظبوطه
و تاكل بنزين و تكتم المكنه و هكذا

المطلوب دلوقتي تمشي بالعربيه 1000 كيلو بالهداوه و ماتشدش عليها اوي
بعدين ترجع للميكانيكي يقرط علي وش السلندر و يظبط التاكيهات تاني و هتلاقي العربيه رجعت زي الاول و صوتها ظبط تاني

خير ان شاء الله يا سمسم
بس ايه اللي وقّع المسمار جوه؟

قدر الله وما شاء فعل

سمسم باشا تقبل تحياتى
الحمدلله وقدر الله وماشاء فعل
بالنسبة لموضوع عربيتك واللى حصل فيها كان من الأول لازم تجيب وش إستيراد
ده لو انت عاوز ترجع صوت الفبريكة تانى ، ومتعزلش منى يا صديقى لأنه عن تجربه
الوش اللى بيضرب صبابات ودلايل ، وخدوها منى كوجهة نظر عمليه وحصلت قدامى كتير، ساعات كتير مش بينفع نغير صبابات ودلايل و حوارات من دى لأنها عمرها ما هترجع زى الأول
انا قريت الموضوع بتاعك من الألف إلى الياء وكمان جميع ردود الساده الأفاضل إخواننا
أخويا حصل معاه نفس مشكلتك وأخدت عربيته وفكيتها ووديت الوش إتوضب لكن ........نفس مشكلتك حصلت لنا
أول ما تدور العربية تسمع الكراكة تكتكتكتكتكتكتكتكتكتسسس وشوية ترجع تانى تكتم الصوت وتبقى عادية
ده طبعا غير انها بقت بتاكل بنزين وزيت ومياه ومع العلم انها كلفتنى 700 جنيه
وأنا كان ممكن أشترى وش جديد ب 400 و أركبه على طول
عموما احنا بنستفيد من بعضنا و حمدا لله على سلامتك ومتخليش حد يفك مسمار أو يربطه فى العربية إلا قصاد عينك
ولو إحتجت أى خدمة قول جزر
ملحوظه:عمود تاكيهات الشاهين كمبيوتر مش بيانو يعنى الضبط بتاعه بيبقى مصنع تشيل القديم وتركب الجديد ملوش ظبط

آسف للإطالة يا صديقى وتقبلوا مرورى

ايواااااا بظظبط ،، هوا صوت التكتكتكتكتكتككتس !! ده !!بعد الدوارة بشوية ،، بمعنى ،، لما العربية بتسخن !!
+ العربية أتظبطت في أكل البنزين ،، و لكن بعد ذلك ،، رجعت تاكل تاني !!! :(

و أتكتمت !! أنا عمال أصبر نفسي لحد مخلص ال 1000 كيلو دول بتوع التطبيع !! و بعد كده ربنا يسهل لو الصوت لسه موجود ،، مستعد أغير مكنة كاملة !! بس ممشيش بعربية عمالة تكركر كده زي العربيات القديمة الي من المتاحف !! :(

يا باشا لا هتكركر ولا هاتعمل حاجه ان شاء الله
طالما اتعملت صح يبقى انسى ان يظهر فيها عيب

اقتباس:

---

المشاركة الأصلية كتبت بواسطة smsm_nabawy

ايواااااا بظظبط ،، هوا صوت التكتكتكتكتكتككتس !! ده !!بعد الدوارة بشوية ،، بمعنى ،، لما العربية بتسخن !!
+ العربية أتظبطت في أكل البنزين ،، و لكن بعد ذلك ،، رجعت تاكل تاني !!! :(

و أتكتمت !! أنا عمال أصبر نفسي لحد مخلص ال 1000 كيلو دول بتوع التطبيع !! و بعد كده ربنا يسهل لو الصوت لسه موجود ،، مستعد أغير مكنة كاملة !! بس ممشيش بعربية عمالة تكركر كده زي العربيات القديمة الي من المتاحف !! :(

---

لأ إن شاء الله مش هتوصل إنك تغير مكنة
انت أخرك تجيب وش جديد وتوديه يركبله كاوتش صباب جديد عشان المكن الإستيراد بيبقى كاوتش الصبابات بتاعه نشف من الركنه فانت لو عاوز الشغل الصح هتوديه يتنظف وتروح فاكك المكنة من تحت بالأربع بساتم وتكشف على السبيكة وبالمرة تركب طقم شنبر ( البرازيلى حلو وسعره 100 جنيه )
وبعدين تجيب الجوانات وتقفل فوق وتحت وتدور العربية من بالليل للصبح لحد ماتحرقلك صفيحة ع الواقف وبعدين تقضيها صفيحتين كمان على سرعة 40-50
وبعدين خدها مشوار طويل على 70-80 -90 وبعدين غير الزيت والفلتر
االتعاون sj تحفة وبيخلى المكنة رايقة وبيدى عزم وده عن تجربة