فيرنا ثم لانوس
عرض للطباعة
فيرنا ثم لانوس
بص يا باشا انصحك انك تتانى وتاخد راحتك فى البحث انت مش هتدفع 100 جنيه ولا هتشترى موبايل دول فلوس وكتير كمان ثانيا انت هتشترى مستعمل مش زيرو فخلى بالك متخدش بلاوى الاخريين فعلشان كده تانى وقبل الموديل الحديث اهم حاجه الحاله وكل ما الحاله تبقى احسن هتريحك وهتصونك انت جايب عربيه علشان تخلصلك مشاويرك مش تخلص عليك
الحاله ثم الحاله ثم الحاله انا كان قدامى لانوس 2001 عامله 50 الف كيلو وكانت لقطه وصاحبها كان طالب 45 بس انا استغليتها وراحت منى بس لما حسبتها لقيت اللانوس نفس الشكل حتى 2011 فتعتبر لقطه دور واهم حاجه الحاله وعدم رش بره وجوه ده يضمنلك انك تشوف العربيه على طبيعتها ومش ملعوب فيها اما الماتور عامل كام كيلو العدادات بيتلعب فيها الا اذا كانت مصدر ثقه والعداد ده فى مرتبه تانيه ماتور الانوس استيراد مش غالى المهم البودى بتاع السياره وربنا يوفقك للى فيه الخير ونصيحه اخيره حاول تجيب عربيه بيتى وصلى استخاره
لو وصلت لدرجه لانوس فى الدايو ومش نوبيرا يبقى هات الفيرنا 1600 احسن
اداء ال 1500 بتاع الدايو بجد سئ جدا وانا بقول عن تجربه ..والتكيف هيموت العربيه لو شغلته
الاتنين ف باقى الحاجات زى بعض تقريبا
والدايو اوسع حته صغيره ف الكنبه الخلفيه
بص ياباشا العربيات مش عداد العريبات كيلوهات هو اه رقم 100 الف كيلو يعتبر رقم بس مش كتير يعني بالاستخدام العادي والسواقه الطبيعي ال 100 الف دول ولا حاجه بس الفكره بتبقى محتاجه عفشه سيور صيانه كاوتش بس
ف انت عموما تدور على حاله نضيفه
للاسف الشديد اكتر عربيات هتلاقي منها كل الحالات بسرعه فيرنا ولانوس وبعديهم نوبيرا بس سهل جدا تلاقي فيرنا ولانوس حاله جيده بالسعر ده انا صديق ليا اشترى لانوس 2003 ب 46 الف جنيه فبريكه برا وجوا بسم الله ماشاء الله عربيه مش هقولك غير انها زيرو وماشيه كام 140 الف كيلو بس خد عندك صاحبها معتني بيها جدا مفيهاش خربوش كل صيانتها معموله من a to z خد المفتاح ودور ومشي حتى زيت المتور كان لسه متغير شوف انت بقى عربيه زي دي لو جبت زييها هترتاح
بس عموما انا مش بحب الانوس لان كل حاجه فيها بتبوز بسرعه خليك في الفيرنا او النوبيرا
نوبيرا 2000 او 2001 ب 45 هتبقى ممتازه جدا جدا جدا مش محتاجه جنيه بس صعب تلاقيها هتدور شويه
خصوصا اساسا السوق اليومين دول مفيهوش عربيات كتير
ممكن بقى تغير تفكيرك تجيب تويوتا ايكو مودل 2000 مش هتزيد عن 42 الف ك حد اقصى عربيه انضف من الفيرنا والانوس بس مش منتشره بس ياباني فتيس ومتور وتكييف امتياز وكمان قطع غيارها الميكانيكيه مشتركه مع الكورولا بس قطع غيارها الخارجيه مش كتيره وغاليه عيبها الوحيد انها صعبه في البيع بصراحه مالهاش سوق خالص
وممكن برضو تجيب مونديو 99 بالسعر ده وهتبقى ممتازه بس بصراحه قطع غيارها غاليه ومش متوفره في كل مكان بالاضافه ان صيانتها عموما مش رخيصه
وممكن تجيب بولو 2001 بحاله الفبريكه بس برضو متور مش اد كده خااااالص بس عفشه وثبات ممتازه جدا
اولا جزاكم الله خيرا على الافادة بجد...وثانيا انا شاعر بنوع من المفاجأة ان الناس بترشح الفيرنا اكتر من الانوس هل ده عشان انها احدث ولا ايه؟
وبعدين بالنسبة للسيارات الغير متوافر قطع غيارها بسهولة او غالية...انا مضطر استبعدها مع انها ممكن تكون افضل فعلا...
جزاكم الله خيرا ياجماعة في موضوع العداد على وجه الخصوص..لكن كنت عايز اسأل على الجولييت..محدش اتكلم عليها..وخصوصا اني اميل للسيارة الصغيرة نوعا ما وتكون مريحة في الصالون قدر الامكان
فايه رايكم في الدايو جولييت بصفة عامة
فيرنا وهتبقى موديل حديث 2006 او 2007
lanos لحد 2005 مثلا
ولو هاف ممكن موديل أحدث
لانسر كرستالة
فيكترا b
بس دول قدام شوية 99 مثلا
النوبيرا 2005 تحفة بتعمل 50
أو نوبيرا 1
والاسعار دي للحالة النضيفة