السلام عليكم
اخيرا النهارده استلمت عربيتى اللوجان الجديده وقلت احكيلكم على اول 40 كيلو سواقه بيها من التوكيل فالمقطم لحد البيت فى 6 اكتوبر
اولا العربيه تتعود عليها بسرعه جدا يعنى مخدتش وقت يذكر عشان رجلى تتعود عالدواسات
الوسع محكيش عليه العربيه بسم الله ماشاء الله واسعه جدا ومريحه جدا من جوه غير الشنطه الضخمه
عزل العربيه رائع جدا وصوت الموتور هادىجدا
تسارع العربيه مقنع جدا بالنسبه ليا مع انى مقرصتش عليها جامد.الكرسى بتاع السواق مريح جدا وعالى بحيث انى شايف ابعاد العربيه كويس ولو انى بحس ان راسى قربت تخبط فالسقف
المشكله الوحيده اللى مش عاجبانى تصميم الزراير فالتابلوه لانى حاسس انها فعلا قديمه جدا وخصوصا موضوع مفاتيح الشباك الخلفى اللى ورا فرملة اليد حتى مفتاح اللوك بتاعها محطوط تحت فرامل اليد ودا حاجه مش كويسه.
بالنسبه لاستهلاك ابنزين انا مستنى اول تفويله عشان احسبها واقوللكم