حدث امام سيتي ستارز -مدينه نصر

**K!ShO** · 20-02-2012 02:05 AM

بسم الله الرحمن الرحيم

يارب يكون الجميع بخير

يوم الجمعه اللي فاتت كنت رايح مشوار مع واحد صاحبي في سيتي ستارز
المهم
روحنا بالعربيه وانا متعود اركن في البارك اللي قدام باب الدخول الخلفي
يومها قولت اركن في جراج المول
لقيته زحمه وانا مستعجل
وكل الحكايه هدخل اجيب كتاب من فيرجين وهخرج
لفيت وقولت اركن زي ما بركن كل مره
ملقتش مكان غير قدام شويه
وملقتش سايس
ركنت وكان معايا لاب توب بتاع صاحبي وشنطه تخصني
وهو كان معاه شنطه تخصه
الشنط اللي هي جلد وكروس
قولتله هناخد اللاب
قالي لو عايز تاخده شيله انت
قولتله خلاص هسيب الشنطه بتاعتي هنا عشان اشيل اللاب
سبتها هي والهارد البورتابل
حطيتهم في الكنبه
دخلنا وخلصنا ورجعنا .. لقينا ازاز الباب يمين ورا مكسور بالكامل
والشنطه والهارد مش موجودين
الحمد لله الشنطه كان فيها حوالي 3000 جنيه و 2 فلاشه
غير شويه الاوراق مش مهمه قوي و صور
وطبعاا الهارد 1 تيرا
الحمد لله وقدر الله وماشاء فعل
اخيرا انا حبيت احكي اللي حصل بالتفصيل
عشان يمكن حد يستفيد من اي خطء انا عملته
ربنا يحفظنا ويحفظكم يارب

**el_nahal2004** · 20-02-2012 02:22 AM

اولا ربنا يعوض عليك وده ممكن يكون فدا اى حاجة وحشة كانت ممكن تحصل
ثانيا حضرتك غلطان 100 فى 100 مينفعش حضرتك تكون حاطط شنطة بالشكل ده و فيها فلوس فى الكنبة من الخلف انت بتقول للحرامى اسرقنى
وبالذات فى الظروف الى احنا فيها دى
الشنطة دى تبقى مع حضرتك او فى اضيق الظروق تتحط فى الخلف فى شنطة العربية
عشان متبقاش محل نظر للناس الى ماشية
وقدر الله ماشاء فعل

**koki4life** · 20-02-2012 02:43 AM

المشاركة الأصلية كتبت بواسطة el_nahal2004

اولا ربنا يعوض عليك وده ممكن يكون فدا اى حاجة وحشة كانت ممكن تحصل
ثانيا حضرتك غلطان 100 فى 100 مينفعش حضرتك تكون حاطط شنطة بالشكل ده و فيها فلوس فى الكنبة من الخلف انت بتقول للحرامى اسرقنى
وبالذات فى الظروف الى احنا فيها دى
الشنطة دى تبقى مع حضرتك او فى اضيق الظروق تتحط فى الخلف فى شنطة العربية
عشان متبقاش محل نظر للناس الى ماشية
وقدر الله ماشاء فعل

كلام سليم جدا ......
وبعدين المبلغ مش كبير وكان سهل جدا يحطه في جيبه ( مش هياخد مساحة يعني ) .....
وياريت ياخد باله المرات القادمة .........

المشاركة الأصلية كتبت بواسطة k!sho

اكيد انا غلطت
لكن المفروض الشنطه مبسبهاش في اي حته
المره دي سبتها عشان اللاب
سبحان الله
لو مكونتش سبتها كان اللاب هو اللي اتاخد وبرضو كنت هجيب لاب بالفلوس
الحمد لله

الحمد لله علي كل شئ وشكرا علي كتابتك للموضوع وتنبيه الأعضاء وربنا يعوضك خير .......