ممكن اعرف رايكم في البونتو ١٩٩٤ - ١٩٩٥ !!

**elassi_571** · 20-02-2012 05:51 AM

لو سمحتم انا نويت ان شاء الله اشتري عربيه ،، ودي اول واحده ليا ان شاء الله ،،
والمبلغ اللي معايا ٣٠ الف ،، ممكن يزيدوا الف او اتنين ،،
وبعد حيره ولف ودوران استقريت نسبيا علي البونتو ،،
بس كنت عاوز اعرف رايكم فيها عموما من ناحيه التحمل وقطع الغيار (التوافر - الاسعار )
وايه نظامها في السحب ،، واستهلاك البنزين !

وكنت قريت في بعض المشاركات القديمه في االمنتدي ان الكنبه اللي ورا ضيقه ،،
وسمعت برضوا علي موضوع الكمبيوتر ecu وانه بيحتاج يتغير كل ١٠٠ الف .. الكلام دا صحيح !!

وهل العربيه ممكن تستحمل معايا ،،
يعني انا في المتوسط كدا هااستخدمها حوالي ٥٠٠ كيلو في الاسبوع ،، هاتستحمل ولا هاتخسع !!

وهل المبلغ دا يجيب حاجه حالتها كويسه !!

واسف علي الاسئله الكتير ،، بس استحملوني ،، دي اول عربيه والواحد لسه خبرته ضعيفه :)

**m000dy** · 21-02-2012 09:40 PM

انا كانت معايا العربيه دى
عربية محترمه جدا جدا جدا
كفاية انها اخدت انجح عربيه هاتشباك فى اوروبا فى فئتها ل 3 سنين متتاليه
اقل اعطال فى فيات كلها
اعتماديه بشكل كبير جدا
وواسعه وقعدتها جميله جدا جدا
اقتصاديه فى البنزين
انا كانت معايا واحده موديل 95 كامله وكانت صيانه توكيل لحد 2003 كمان ومعاها المفتاح الاحمر الاصلى وده ناااااااااااااااااادر ما تلاقيه واتحدى :)
اخدها واحد صاحب اخويا منى بالعافيه وماكنتش عاوز ابيعها
ودلوقتى بندم على بيعها لانها كانت فعلا عربيه حاله
دلوقتى صاحب اخويا عاوز يبيعها عشان يتجوز وانا والله زعلان انها هاتروح لحد غريب :(
ربينا يبارك للى اخدها واللى هاياخدها بعد كده

**elassi_571** · 22-02-2012 01:26 AM

طيب وبالنسبه لموضوع الكمبيوتر بتاعها دا ...
اللي يقولك كل ١٠٠ الف لازم يتغير ،، واللي يقول لو كهربائي لعب فيها بتضرب كمبيوتر والكلام دا !؟

* ماتوصلني بصاحب اخوك دا يمكن اخدها منه ويبقي عملت فيا خير ! :)

**misoalex** · 22-02-2012 04:29 AM

انا اول مره فى حياتى اسمع ان الكمبيوتر له عمر افتراضى بالكيلو

ده حتى باين من اسمه كمبيوتر هو الكمبيوتر بتاع البيت مكتوب عليه بعد كام كيلو بيبوظ :)

اصل ده دايره الكترونيه وعليها سوفت وير بس هو ده الكمبيوتر ecu

وبالنسبه للبونتو فلا غبار عليها بشرط تكون كويسه يعنى مش طالعه من تحد ايد واحد بخيل او واحد فرمها وهلكها