Nokia vs samsung mobile

**SAMEH_FOUAD** · 20-02-2012 10:29 AM

اية رأيكوا موبايل نوكيا ولا سامسونج فى حدود مثلا 2000 جنية

انا عايز مثلا اللى يقول رأية يكون جرب الاتنين لو مثلا هنقول

نوكيا : C7- c6-01 - c6 - n8

سامسونج : فئة الجالاكسى وخصوصا الجالاكسى sky rocket

طبعا الاستاذ shnory لازم يدينا نفحة من خبراتة فى هذا الموضوع

**Hegazio** · 20-02-2012 10:38 AM

لو قمت بتثبيت السعر ستجد افضلية في كل شيء تقريبا للسامسونج
بروسيسور و اداء النوكيا بنفس السعر يقل لأقل من النصف
الشاشة السوبر اموليد بتاعة سامسونج لا تعوض
الأندرويد سيستم و السوق بتاعه وصل لمرحلة نضج كبير بدءا من 2.3.5

كان زمان سعر اعادة بيع السامسونج احسن .. دلوقتي لا فرق خصوصا في السمارت فون

عشت مع النوكيا من 99-2009 .. و ندمان علي عشر سنين راحو معاها بصراحة .. بس يمكن وقتها كانت منافس قوي عن الباقي

**SAMEH_FOUAD** · 20-02-2012 11:13 AM

انا فعلا محتار جدا فى النقطة , وفعلا لقيت ال cpu - ram - screen size - android - super amoled screen كل دة فى صالح السامسونج بس اللى محتار لية انا واحد من اول لما نوكيا قالت ياموبايلات كنت بشتريها لحد دلوقتى واتعودت عليها جدا وفعلا نوكيا كانت ماسكة زمام الامور لحد سنتين بالظبط دلوقتى بدأ السامسونج يسحب البساط كلة بس فى نفس الوقت

قلقان من سعر اعادة البيع - قطع الغيار لا قدر الله لو حاجة حصلت للهاتف - البطارية عمرها اقصر من النوكيا - الشبكة لان بحس ان موبايلات نوكيا كلها ماشاء الله فيها band كتير ومهتمية جدا بمستوى اداء الشبكة + الكاميرا ال 8 ميجا بيكسل + dual flash zenon + ال secondary cam بقوة 1.3 ميجا كل دة اقوى فى النوكيا

وبالنسبة لل i phone 4 انا مش بحبة مش عارف لية

**Hegazio** · 20-02-2012 11:23 AM

I-Phone
مين قال شبكة السامسونج او الكاميرا وحشة؟ اطلاقا !!
يمكن في النسخ القديمة من الأندرويد كانت البطارية مش بتدوم .. بس من أول 2.3.5 .. عادي جدا
صدقني .. جالاكسي و مش حتندم..لسه فالحوار ده من كام اسبوع مع ابن خالتي "كأني كنت بخرجه من دينه و ملته" و جاب galaxy Ace علي قد ال 2000 و دلوقتي بيبكي علي سنين نوكيا اللي ضاعت هدر

**Hegazio** · 20-02-2012 11:40 AM

المشاركة الأصلية كتبت بواسطة kodak_gti

هات n8 او e7 بالسوفت وير الجديد سيمبيان بيللى وهو نسخة من الاندرويد بتاع الجالاكسى اس2

تعرف ...
أهم حاجة فموبايلي هو انه يعرف يدخل عالنت علي سيستم الشركة بسهولة و ينزل و يفتح الاكسيل شيت بتاع البيع " احيانا بيوصل لخمسين ميجا!!"
اتراهنت مع واحد معانا ان النوكيا7 و 8 "بروسيسور 700 سينجل كور تقريبا" حيبقي ابطأ من الجالاكسي اس 2 بتاعي "1.2 ديوال كور" اربع مرات .. فتح الجالاكسي الاكسيل سيت "50 ميجا" فحوالي 5 ثواني و النوكيا بعد حوالي 40 ثانية ... هنج و شيلنا البطارية!!!!!!!

**SHNORY** · 20-02-2012 11:54 AM

زمان كانت نوكيا ليها الاولويه في قوه التحمل بتاعه التليفون وسعر اعاده البيع وتوافر قطع الغيار بسبب الانتشار
حاليا ومع الموديلات اللي بقت بتزيد بشكل غير طبيعي بقي الموضوع ممل
الاول كان بيطلع موبايل امكانياته مختلفه عن اي حاجه شوفتها
فتلاقي انتشاره بقي سريع والناس بتجري وراه علشان تشتريه
ودا كان ايام ال6600 والجيل اللي بعده اللي بكاميرا واللي بكامرتين
حاليا انا شايف انهم مش بيضيفوا اي جديد
الا في صعوبه حل الاعطال وغلاء قطع الغيار
وياما تليفونات مرميه في الادراج عند مراكز الصيانه علي عيوب ملهاش حل
ومنها عيوب سوفت وير مش بتتحل بالطرق التقليديه وبتتحل بتوفيق من ربنا وبس
بيبقي عند غيري نفس المعدات والسوفت وير ويموت عندهم ويصحي عندي والحمد لله
او يصحي عند غيري من محترفي السوفت وير
مش بمجد في نفسي بس دي حقيقه والحمد لله
سامسونج عيوبه محدوده نوعا ما طول عمره
السوفت وير بتاعه اقل ثباتا من نوكيا بس برضه عيوب محدوده
ومش في كل الموديلات بتكون موديلات محدوده برضه مشهوره بعيب معين
فمن رايي ان نوكيا مبقيتش تضيف اي جديد ممكن يبهر المستخدم الا بالسعر المغالي فيه
او امكانيات محدش بيستعملها ولا ليها اي لازمه الا عند عدد محدود من المستهلكين
فلو حتجيب سامسونج هات موديل منتشر بين الناس
عشان لاقدر الله لو احتاجت اي قطعه غيار نتيجه صدمه للجهاز تلاقيها
نوكيا بقت مقرفه لدرجه ان علشان تغير بطاريه جهاز لازم تفك شويه مسامير فيه هههههههههه
طبعا الكلام بعيدا عن الصدمات والكلام ده
لان ده تليفون مش عربيه حندور علي اختبار التصادم بتاعها
اي حاجه بتتخبط بتبوظ ايا كانت هي ايه

مثال :
نوكيا c7
علشان ينزله سوفت وير لازم تفك التليفون كامل وتطلع البورده تحطها جوه الكابل
مش الكابل جوه التليفون كالمعتاد
ومعرض ان الشاسيه يتبهدل وانت بتفكه
والشاشه لازم تطلع بمشرط جراحي او موس ناسيت علشان سلاح القطر تخين علي الفوارق بتاعتها وملزوقه بلزق غريب من صنع الشياطين
ودا عيب واحد بس من الي بنشوفه
دا راي شخصي ليا واكيد مش كل الناس شايفه الموضوع من وجهه نظري انا

**SHNORY** · 20-02-2012 12:07 PM

المشاركة الأصلية كتبت بواسطة KoDaK_Gti

هات n8 او e7 بالسوفت وير الجديد سيمبيان بيللى وهو نسخة من الاندرويد بتاع الجالاكسى اس2

نوكيا ضحكت علينا او يمعني تاني اعرفت توصل للمستهلك اللي مبيعرفش يقري ويكتب
في عز ما كان السامسونج والموتورولا والايركسون قوايمهم عامله زي اللوغاريتمات
كانت نوكيا قوايمها صور
اللي مش عارف المكتوب ايه يشوف شكل الصوره ويدوس عليها
وده عملها انتشار جامد بين الناس
دا حتي المتعلمين مكانوش بيعرفوا يغيروا اللغه في الموتورولا ههههههههه
لحد ما صفحت عن الناس ونزلوا ال v3 &L6 بقوايم معتدله