عصاية الفتيس

**MostafaHassan** · 20-02-2012 04:58 PM

السلام عليكم و رحمة الله و بركاته
كنت كتبت موضوع امبارح عن ان العربية مش عايزة تدور المهم انى جيبتلها ميكانيكى النهاردة هيدورها بمعرفته لانى انا شاكك فى البوجيهات المهم هياخدها يغيرلى تيش الدبرياج و يربطلى العفشة بس فعايز اعرف الليلة دى كلها فى حدود كام لان الشغل ده اول مرة اعمله فيها النهاردة فعايز اعرف هيكون فى حدود كام عشان ميضحكش عليا
ثانيا و الاهم و اللى انا كاتب الموضوع عشانه انا عربيتى سكودا فليشيا 97 عصاية الفتيس بتاعتها شكلها زبالة اوى اوى اوى و الكاتوش بتاعها متقطع و متبهدل و الالجلد اللى فى اخرها من تحت شكله اعفن هل ده تتغير او حتى على الاقل المقبض المعفن ده و لا تتغير هتكون سهلة لانى هغيرها بنفسى
فى انتظار ارائكم و شكررررا

**sakr_skoda** · 20-02-2012 07:32 PM

موضوع تيش المارش اتعمل معايا قبل كدة كنت راجع من الشغل بطلت عند البيت بالظبط وراسها والف جزمة مهى دايرة عربية اصيلة بجد زقنها ودورنا روحنا للكهربائى عمل الازم وظبط المسائل كلها واخد 20 جنية فقط ....*
اما من ناحية عصاية الفتيس انتا ممكن تغيرها كلها كدة على بعضها ولاكن عملية الجلد وتزويقها دا مع فرش العربية....*

**tota_ys** · 22-02-2012 01:28 AM

كان عندى نفس الشكل البايخ دا نزلت اشترتهم من شارع التوفقيه فى وسط البلد بحولى 25 جنيه
الجلدة اللى عليها علمات النقل اللى فوق كانتت مشققه عندى
كنت عايز اسالك ايه اخبار الحرارة فى العربية عندك
علشان انا بعت العربيه بسبب العيب دا

**MostafaHassan** · 22-02-2012 01:52 PM

العربية عندى فيها حاجة غريبة الحرارة بتاعتها بتعلى بس ايه بحالات ممكن تقعد فترة كبيرة كويسة و لا الحرارة بتعلى و لا اي حاجة و تيجى مرة الاقى الحرارة بتاعتها عليت مرة واحدة من غير اى سبب بس المشكلة دى مش دايما بتحصل بشكل عشوائى لكن فى نفس الوقت بدون اسباب و لحد النهاردة مش عارف ايه السبب

**sakr_skoda** · 22-02-2012 05:37 PM

المشاركة الأصلية كتبت بواسطة mostafahassan

العربية عندى فيها حاجة غريبة الحرارة بتاعتها بتعلى بس ايه بحالات ممكن تقعد فترة كبيرة كويسة و لا الحرارة بتعلى و لا اي حاجة و تيجى مرة الاقى الحرارة بتاعتها عليت مرة واحدة من غير اى سبب بس المشكلة دى مش دايما بتحصل بشكل عشوائى لكن فى نفس الوقت بدون اسباب و لحد النهاردة مش عارف ايه السبب

.

حساس الحرارة اللى راكب قبل الكوعة (((اللهو الخفى)) اه والله هو دا اللهو الخفى تعرفو خلانى كنت حارمى العربية وكلفنى حوالى 2000 جنية وكان دايما فوف فوق عمرة ماجاء لتحت لتحت ابدا وفى النهاية الميكانيكى بجد شاطر بعد ما زودت وش السلندر وركبت جونات وعملت عملية جراحية كاملة رجعت له تانى يامعلم الحرارة زى ما هى لفوق لفوق شوف كدا حت ايدو على الموتور وقال ياعمل لو الحرارة دى صح كانت العربية لازم تولع بجد اه بجد وحت ايدك الموتور بارد اهو رحت على طول اشتريت حساس حرارة ب 45 جنية الراجل قالى لو ركب مش حيرجع قلتلة ياعم جت على 45 جنية وبصراحة من ساعة ما ركبتة والحرارة ايه لتحت لتحت....

اه نسيت اقولكم انا طبعا فى الدرمغة دى غيرت الريداتير باخر المونيوم ب 175 جنية دا فعال جدا فى حل مشكلة الحرارة ....

عاوز اقولكم حاجة ياريت بعد عملية العمرة والفك والتركيب اشترى (بلوك سيل)من اى بنزينة تعاون او توتال ب 35 جنية دا فعال جدا فى سد اى فرغات او تنافيس ممكن تبهدل الدنيا....

كل اللى قلته دا مر عليا فى الحلوة اللى فى التوقيع....* والحمد الله العربية عال العال ....*