سؤال في تكييف الفيرنا أول ألف كيلو

**Hondawy_2008** · 02-06-2008 01:16 PM

معلش ليه سؤال لما نشغل المروحه مش لازم نكون قفلين كل الازاز زي التكييف يعني لو الازاز مفتوح عادي مش هيأثر على حاجه صح؟؟؟؟

**mada33** · 02-06-2008 01:27 PM

لأ مالوش أي تأثير لأنه مش بيحمل علي الموتور
شغل المروحة براحتك بس هي مالهاش فايدة بدون ال a\c

**nobody** · 02-06-2008 01:49 PM

يا عمي ما دام في الكتالوج مش مكتوب تحذير من تشيغيل التكييف خلاص
انا عن نفسي اول ما طلعت العربية من المعرض شغلت التكييف على طول
مش مكتوب في الكاتلوج انه غلط
بس مكتوب ان اقصى سرعة في التليين 140 و بصراحة كان آخري 120 وما تحرقش على النقلات يعني اخرك 3 ار بي ام

**smsmbakr** · 02-06-2008 02:47 PM

حاول متشغلشي التكييف علشان هيحمل على الموتور
وممكن على 1 وكفاية
او افتح الشباك وخلي الهوا الي بره يخش وخلاص
والف مبروك ياسيدي وعقبال لما تمشي 10000000 كيلو

**ahmed1981** · 02-06-2008 03:30 PM

شغل التكييف براحتك بعد خروجك من باب المعرض
أهم شيء هو الإلتزام بالمدى المسموح به لعدد لفات الموتور (rpm) أثناء التليين والموضحة بكتالوج السيارة وفي الغالب يكون أقصى حد لها حوالي 3000 Rpm خلال أول 1000 كلم

**amr_adel_204** · 02-06-2008 05:37 PM

شغل التكييف واستعمل كل حاجه في العربيه بس بشرط في التليين ماتزودتش عن 80كم
وانا الحمد لله العربيه معايا عامله 70الف وزي الفل الحمد لله وعلي فكره العفشه من احسن الحاجات اللي في العربيه والف مبروك عليك وبلاش بردو طلاعات عنيفه ومعلش طولت عليك

**Amera** · 12-06-2008 09:33 AM

انا اول مرة بشارك معاكوا وعندى سؤال بخصوص تكييف الفيرنا وانا النهاردة راحة الشغل فتحت التكييف وكان شغال عادى وبعدين شوية سقعت طفيتة وسبت المروحة شغالة وبعده بشوية فتحت التكييف بس لقيتة بيطلع دخان ابيض هل دة الفريون ولا اية وهل الموضوع دة عادى ولا فية حاجة غلط انا على فكرة عملت الف كيلو وشوية بس لسة معملتش صيانة الالف . اسفة للتطويل بس شكرا لقرأة مشكلتى وارجو حد يجاوبنى .

**mada33** · 13-06-2008 12:02 PM

انا اول مرة بشارك معاكوا وعندى سؤال بخصوص تكييف الفيرنا وانا النهاردة راحة الشغل فتحت التكييف وكان شغال عادى وبعدين شوية سقعت طفيتة وسبت المروحة شغالة وبعده بشوية فتحت التكييف بس لقيتة بيطلع دخان ابيض هل دة الفريون ولا اية وهل الموضوع دة عادى ولا فية حاجة غلط انا على فكرة عملت الف كيلو وشوية بس لسة معملتش صيانة الالف . اسفة للتطويل بس شكرا لقرأة مشكلتى وارجو حد يجاوبنى .

أنا ماعنديش فكرة عن الدخان الأبيض
ولكن صيانة ال 1000 مهمة جدا لأنهم ظبطوا فيها الموتور وخلي التكيف لما بيشتغل بتكون حالة الموتور أحسن من قبل كده .
وعلي العموم حاولي تروحي التوكيل بسرعة عشان لو عديتي ال 1000 بكتير ممكن العربية تخرج من الضمان .
لكن لو روحتي علطول دلوقتي أنتي لسة في الضمان وهما المسئولين يشوفوا أيه الموضوع
وأن شاء الله خير

**amr_adel_204** · 13-06-2008 12:15 PM

الموضوع عادي وبيحصل مره او مرتين عادي مفيش منه اي مشكله وإن شاء الله مش هايحصل تاني والدخان الابيض بيطلع لفتره بسيطه وبعدين الموضوع حصل معايا لما كانت العربيه جديده بس
لكن بعد كده محصلش

**Amera** · 15-06-2008 11:12 AM

شكرا جدا للافادة وان شاء الله حاروح لصيانة ال1000 . وشكرا للاهتمام والرد .

الموضوع: سؤال في تكييف الفيرنا أول ألف كيلو

LinkBack

أدوات الموضوع

عرض

-

-

-

-

المواضيع المتشابهه

سؤال ممكن انزل على 25 كيلو من 60 كيلو وانا على الغيار الثالث

الفيرنا بعد ال 150 الف كيلو

تكييف الفيرنا

تقييم الفيرنا بعد 12 الف كيلو :)

تقييم الفيرنا ( فيفا ) بعد أكتر من 10.000 كيلو متر

الكلمات الدلالية لهذا الموضوع

المفضلات

المفضلات

ضوابط المشاركة