لو سمحتوا واحد صاحبي علي وشك شراء 406 2004 ممكن اعرف عيوب الموديل ده وهل فعلا زيت التفيس بيتغير كل 20000 ك وب 1000 جنيه وايه الفرق بين الماتور الابيض والاسود والموديل ده ماتوره ايه واسف علي الاطاله وياريت تسعير العربيه
عرض للطباعة
لو سمحتوا واحد صاحبي علي وشك شراء 406 2004 ممكن اعرف عيوب الموديل ده وهل فعلا زيت التفيس بيتغير كل 20000 ك وب 1000 جنيه وايه الفرق بين الماتور الابيض والاسود والموديل ده ماتوره ايه واسف علي الاطاله وياريت تسعير العربيه
أنا بصراحة معرفش الفرق بين الموتور الأبيض والأسود بس في الغالب الأسود بيكون أعلي في السعه اللترية زي البي أم والهورس باور.
بالنسبة لموديل 2004 كان في مشاكل في تصميم بلوف الفتيس واتحلت بنزلو بلفين جداد رقمهم 2574.16
لكن مفيش حاجة أسمها الزيت بينزل علي 20000
وبالنسبة لتسعر السوق دا بيقف علي حسب حالتها, فابريكة ولا لأ وهل كانت بتعمل صيانتها بانتظام ولا لأ وفي التوكيل ولا بره.
وممكن تاخد لفة في كونتاكت كارز تشوف أسعار المستعمل للموديل دا.
بالتوفيق.
السلام عليكم
أحب أنقل لحضرتك ردي على زميل في المنتدى سأل سؤال مشابه عن شراء بيجــــو 406، طبعا هي عربية ممتازة جدا ومحترمة وكفاءة بكل المقاييس، وليس كل ما يقال عنها أو عن أي سلعة أو منتج يكون سليم. باختصار أنصح حضرتك بشراء بيجو 406 من خلال استخدامي لأربع سيارات 406 موديلات مختلفة وواحدة 405 ولكن بشروط:
- شراء بيجو 406 موديلات 2004-2005-2006
- السيارة تكون فابريقة بالكامل (من الخارج والداخل) ومتاح العثور عليها
- الكيلومتر يكون في حدود المعقول (معدل 20 ألف كم كل سنة استخدام تقريبا)
- الكشف الكامل (موتور، فيتيس، شاسيه، كهرباء) عند مركز متخصص بيجو مش الوكيل ولا ميكانيكي عادي!!
بالنسبة للموتور الأسود فهو الموتور القديم، يعني قبل 2003، والموتور الأبيض أو البعض يسميه الفضي فهو موجود في موديل 2004 فعلا وما بعده، حكاية البلوف دي ناس كتير بتتكلم عنها بدون مرجعية علمية أو تجربة فعلية يعني مجرد من الكلام الذي يثار عنها فقط، ولكن لمعلوماتك أي عربية أوروبي حديثة ممكن تغير بلوف الفيتيس لو مشيت على الزيت كثير وأصبح ملئ بالشوائب والجزيئات المعدنية الدقيقة (الرايش) علما بأنه يوجد مغناطيس صغير داخل حلة الفيتيس لجذب تلك الجزيئات ولكن مع مرور الوقت أو الاجهادات على الفيتيس تتحرك في الزيت وبالتالي يحدث سدد جزئي للصمامات (البلوف)..... ما الحل؟؟؟؟ الحل: تغيير زيت الفيتيس كل 50-60 ألف كم، واستخدام زيت أصلي وليس النوع أبو 40ج.م المتواجد لدى المحطات. يتم شراء زيت إسمه الدارج عند محلات بيجو وفولكس وسكودا (زيت أبيض) أو (زيت كهرباء) وسعره يبدأ من 125ج.م ماركة فيبي وحتى 300ج.م حسب الماركة والمنشأ. وليست بيجو متهمة بتصنيع فيتيس سئ ولكن الصيانة الدورية التي نهملها هي السبب وهذا الأمر حدث لي مع سكودا أوكتافيا A5 وكان ثمن صمام body valve هو 11 ألف جنيه مصررررررري !!!!
المهم تشتري حالة جيدة جدا مع الكشف كمبيوتر وشاسيه جيدااااا. وبالنسبة للسعر فلن يتعدى الثمانينات في حالة وجود سيارة جيدة جدا. ولتعلم إن عملية إعادة البيع أقل من الياباني والكوري مثلا بس فارق شاسع في الاستخدام والقيادة والتحمل والقوة طبعا.
بيجو406 بصفة عامة تتميز بثبات عالي جدا في السرعات والدورانات، صاج متين، كفاءة محرك عالية، معدل تسارع مهول لو الفيتيس سليم، صالون شيك، كماليات جيدة، قطع الغيار ليست غالية كما يظن الكثير والدليل موجود.
وبتوفيق الله سيتم عثورك على سيارة محترمة وجيدة.
الف شكر ياباشا علي المعلومات الجميله
زيت الفتيس بيتغير كل 60 ألف و تحطله ده , اللي يسترخص في زيت الفتيس لا يلوم الا نفسه
http://i664.photobucket.com/albums/v...utogearbox.jpg
بالنسبة للزيت هو فعلا بيتغير كل 20000 وده كلام شركة بيجو نفسها والمهندس محمد صلاح اشهر مهندس شغال في البيجو في مصر وتمنه 400 جنيه وماتحطش اي نوع غير اللي الاستاذ الزميل حاطه في الصورة وان شاء الله بكده الفتيس يمشي معاك زي الفل
اما بالنسبة للفرق بين الموتور الابيض والاسود هو مفيش فروق كبيرة غير ان الموتور الاسود 135 حصان والابيض 145 حصان لكن الاسود موتور محترم برضه القصة كلها في الفتيس الابيض هو ال نزل معاه الفتيس المعدل
الموتور الابيض بدأ من اول 2003 يعني 2004 دي موتور ابيض
بالاضافة الى المميزات الرائعة ال السادة الزملاء قالوها هي ماشاء الله عربية قوية وصاجها متين وثبات عالي وكماليات كتيرة بعضها مش موجود في عربيات كتيرة زيرو محرك رائع وقوي
كل 60 مش كل 20
http://i664.photobucket.com/albums/v...aintenance.png
فعلاً هوا كل 60 الف مش 20, اللي قالك 20 دي كان سرحان او مش عارف هوا بيقول أيه..
أستاذ Unendlich تعرف علبة الزيت دي موجودة عند مين, عشان كل اللي موجود في السوق اللي هيا 1 لتر بس.
وأنا شاكك فيها بصراحة وبدور علي دي اللي هيا بتبقي 2 لتر تقريباً ومش لاقيها.
وتعملها كام تقريباً لو تعرف مكانها ؟
أولا بيجو 406 موديل 2004 سيارة ممتازة جدا وخاصة لو فابريكة برة وجوة
ثانيا مفيش حاجة إسمها زيت الفتيس يتغير كل 20000 كيلو
يا ريت لو ممكن حد يفيدنا بالاماكن اللى ممكن اكشف فيها على 406 العربيه بجد عجبانى اوى بس مش عارف اكشف عليها فين
عليك وعلى أحمد عمارة في مصر القديمة أمام مرور عين الصيرة وبجوار ملاهي مش عارف إسمها إيه... المهم مركز فني محترم
اشكر حضرتك على الرد
يا ريت لو حضرتك تعرف حد فى محيط مصر الجديده او مدينه نصر
اصلى انا من مصر الجديده و العربيه ايضا موجوده بجوارى
وانا بصراحه عايز اللى يكشف عليها هوه اللى يشغل فيها على طول
بس لو حضرتك عارف الراجل ده يبقى حروله ولو فى نصيب ابقى اصلحها عنده هوه مش بعيد
طب ينفع اقوله انى جاى من طرف حضرتك
والف شكر مره ثانيه
يا سيدى
لا تقلق من الذهاب لآل عمارة ، ده مركز محترم جدا. كل اللى عليك انك تودي له العربية وتقول له طلباتك وهم هناك هيعملوا اللازم وبالتوفيق ان شاء الله
ممكن سيادتك تروح لورشة بيجو متخصصة بعد سوق السيارات وانت طالع على القاهرة الجديدة على اليمين (الحي العاشر)، إسأل عليها وعلى المهندس أحمد، متعاملتش معاهم بس سمعت عنهم سمع خير وناس شكرت فيهم كتير وبيقولو تلاقي عندهم كل أنواع البيجو
يا باشا ال نزل في الكتالوج حاجة و الواقع حاجة تانية بيجو نزلت 406 وكان فيها عيب والمهندس صلاح لما سافر فرنسا وعملوا تعديلات على الفتيس اتفقوا ان الزيت يتغير كل 20 الف بعتلوه تعليمات وللتوكيل ان الزيت يتغير كل 20 الف وده على لسان المهندس صلاح نفسه والله اعلم ولو اي حد سال التوكيل هيقوله نفس الكلام ده وللتاكيد ده رقم المهندس صلاح 01222178463 ممكن حضرتك تساله او تسال التوكيل انا بفضل الله مقصدتش اعدل على حضرتك او على اي حد بس دي امانة لان فعلا اثبتوا ان اكتر من كده بيؤثر على عمر الفتيس واداءه ومش مصلحتي اني اعيب في عربية انا راكبها وبحبها يارب يكون بيتغير كل 100 الف
شكرا لذوق حضرتك
الحمد لله انا مش بفتي وبركب بيجو من 25 سنة ومعايا 406 من 6 سنين وبتعامل مع التوكيل ومع المهندس محمد صلاح و20 الف من المهندس محمد صلاح وده رقمه لاي حد يحب يتاكد من المعلومة دي 01222178463 ونفس الكلام التوكيل بيقوله اانا بس حبيت ابلغ امانة مش اعدل على حد
ياعم وليد الله يرضي عليك هوا انا وجهت لك كلام.!
أنت أخدت الكلام علي صدرك كدا ليه,
أنا كل اللي قلتهولك زي مانت مقتبس الكلام مني
يعني كلامي علي اللي قالك المعلومة ومش عليك خالص,اقتباس:
المشاركة الأصلية كتبت بواسطة LeitoSR
لأني سئلت في توكيل أبو رواش أما كنت بغير زيت الموتور أخر مرة وقالو لي دا LifeTime يعني مش بيتغير من بشمهندس أسمه البرنس تقريباً مش متذكر. فأيه رأيك في الكلام دا بقي...
أصدقه ولا أصدقك ولا أصدق الكاتلوج
وطبعاً لو صدقته وسمعت كلامه هقول بالشفا للفتيس بتاعي,
والكلام دا ميرضيش أي حد, سواء حد بيفهم ولا الكاتالوج اللي العربية جاية بيه من بلادها بيقول كدا.
سبق ورديت عليك فوق في الجزئية دي, وقالولي كلام غير اللي انتا بتقوله, ومن التوكيل نفسه مش من رقم تليفون عشان ميبقاش الموضوع مبهم..
وموضوع ان الكتالوج حاجة والواقع حاجة دي العربية مهياش كائن رخوي,
وهيتأثر بشده من جو فرنسا لجو مصلا الحبيبة. دي أجزاء ميكانيكة والزيت بيعمل تسهيل حركة الأجزاء دي, ومش بقدرة قادر عشان ظروف مصر هتحتاج تغير زيت عمره الافتراضي 60 ألف ل 20 ألف.!!
الحاجات الوحيدة اللي بتتأثر من جو بلد للتانية: فلتر الهوا لو البلد كلها عفرة وأتربه زي بلدنا, وفلتر البنزين لو بتحط من بنزينات تعبانه, وتربيط العفشة ودي كلها حاجات أستهلاكية وبيطول عمرها أو بيقل من بلد لأخر..
لكن عمر لا الموتور ولا زيته ولا الفتيس بيفرق الفرق اللي انت بتتكلم فيه دا.
معلش هما مين اللي عملو تعديلات ؟؟
البشمهندس صلاح راح فرنسا وعمل تعديلات علي الفتيس مع شركة بيجو .؟!!
ومين دول اللي أتفقو أنو يتغير كل 20 الف ؟؟ وضح لي الأشخاص. ومين اللي بعتو تعليمات للتوكيل ؟
عشان تبقي عارف بس لو حد من مصر سافر لبيجو فرنسا بيكون عشان ياخد كورس مش أكتر, لا بيعدل ولا بيتفق. ومفيش أي حاجة رسمية في التوكيل ذات نفسه ولا في الكتالوجات سواء جديدة ولا قديمة بتقول الزيت يتغير كل 20 الف.
لما تروح التوكيل المرة الجاية اللي هوا غمرة او ابو رواش, تبقي تجرب تسأل أي حد كدا من الأدارة جوا أو حد غير البشمهندس صلاح اللي عاملك قلق دا وتشوف أيه اللي هيتقالك..
وخدها نصيحة مني, متصدقش أي كلام يتقالك من أي حد إلا أما تسأل أتنين وتلاتة عشان تتأكد من صحة الكلام.
وطالما بتقول الله أعلم ومعلومة مشكوك فيها وكمان كلنا بنقولك أنها مش صح, مالوش لازمة الجدال فيها أكتر من كدا وتحاول تثبت لنا ان كلامك صح وكلامنا كله غلط.
عايز تغير زيتك كل 20 ألف. غيره براحتك
بس أبقي أسئل أي مهندس سيارات أو مركز خدمة زي أحمد عمارة أو مودرن سيرفس وممكن تجيب أرقامهم بسهولة من علي النت وشوف هيقولك أيه..
أسئلهم مرة المفروض زيت الفتيس يتغير كل قد أيه؟ وتاني مرة أسئلهم هوا انا ممكن أغيره كل 20 الف كيلو.؟
هيتقالك أنت لقطة..
يا استاذ leitosr شكرا لذوقك مرة تانية
انا ماخدتش كلام على صدري ولا المهندس صلاح عاملي قلق والحمد لله انا لا بقول كلام مبهم ولا مشكوك فيه انا لما اتكلمت قلت ده كلام المهندس صلاح واي حد بيشتغل في البيجو سواء في التوكيل او بره التوكيل يعرف كويس مين المهندس صلاح - بالمناسبة هو مش قريبي ولا بدافع عنه بس دي كلمة حق - انا لما قولت الله اعلم لان طبعا الله اعلم من اي حد حتى ال اخترع بيجو نفسه مقصدتش ان الكلام مشكوك فيه ممكن يكون غلط بس يبقى مسئولية المهندس صلاح
ولما احط نمرة المهندس صلاح يبقى مش كلام مبهم انا بقصد اسهل على حضراتكم لو حد عايز يتصل ويساله وطبعا المهندس صلاح مش مبهم وغني عن التعريف
ولما قلت الكتالوج حاجة والواقع حاجة مش معناها ان العربية كائن رخوي طبعا لكن معروووف جدا ومحدش يقدر ينكر ولا شركة بيجو نفسها انها لما نزلت العربية مكانتش عارفة ان فيها عيب لكن هي فعلا ظهر فيها العيب وقالوا ان الزيت هيتغير كل 20 يعني الموضوع مالوش اي علاقة بمصر ولا فرنسا ولا انا قلت الكلام ده خالص
وبخصوص ان المهندس صلاح راح فرنسا وعمل تعديلات ايوة ده كلام سمعته مش من المهندس صلاح بس سمعته من اكتر من واحد من وجيه اباظة ومنهم عشان الكلام ميبقاش مبهم الاستاذ طارق حارث وده في الحسابات سافر فى اول مانزلت ال 406 وعمل تعديل على السنسور او البلف بتاع الزيت وكان البلف الابيض ونزل بعد كده البلف الاسود وعلى كلام المهندس صلاح قالهم الزيت هيتغير كل 20 الف ده افضل حل عشان المشكلة ما تحصلش بعدها بفترة هما بعتوا وقالوافعلا الزيت يتغير كل 20
ثم ايه المشكلة لما واحد من مصر يسافر ويعدل هو المصريين شوية :)
وبعدين انا مش بجادل ولا عايز اغلط حد زي ما وضحت قبل كده حضرتك بتقول معلومة وانا برضه بقول معلومة سمعتها من متخصص ووضحت برضه اني بقول للامانة بس وكل واحد حر في عربيته فياريت حضرتك ماتحجرش على كلام حد وتقول مالوش لازمة الجدال اعتقد كل واحد حر يقول ال هو عايزه
استاذ LeitoSR حبيت اوضح بس انا ليه فهمت كلامك عليا لان لما بقرا رد حد من الاعضاء بعتبره رد على صاحب الموضوع مش على حد من ال ردوا طالما ماذكرش اسم عضو معين او اخد من كلامه اقتباس انا فهمت انك بتوجه كلامك لصاحب الموضوع وطالما مكنتش تقصدني حصل خير بس برضه ال قالي ماكنش سرحان ولا مش عارف هو بيقول ايه وانا سبق ووضحت هو مين
اما بالنسبة لكل كلامي ال حضرتك رديت عليه -بخصوص الكتالوج والمهندس صلاح- وطلعتني بقول كلام مشكوك فيه والمهندس صلاح عاملي قلق ده ماكنش موجه لحضرتك انا كل كلامي ال وجهته لحضرتك كان بخصوص الجملة بتاعة ( اللي قالك 20 دي كان سرحان او مش عارف هوا بيقول أيه..")
أستاذي الفاضل, أنا شخصيا مش أي حد يقولي أصلي كنت شغال في التوكيل (كلمة الميكانيكية الشهيرة) أو سافرت فرنسا ولا ألمانيا ... هصدقه على طول كده
يعني سافر فين في فرنسا (ما هي فرنسا دي مش محطة سراي القبة) و راح انهي مصنع بيجو و من اللي قاله الكلام ده و فين ما يثبت الكلام ده ؟
و بعدين يعني هما قالوا للمهندس صلاح و خبوا على العالم كله ولا اعتمدوا على المهندس صلاح انه يوعي االناس كلها ؟
أي تعديل الشركة عايزة تعمله على العربية بيبقى فيه official recall و صحيح توكيلات مصر بتطبق مبدأ اعمل نفسك ميت لكن ال recalls دي بتبقى موجودة على النت ممكن أي حد يشوفها.
تمام يا باشا فعلا ده بيحصل واي حد بيقول انا ف التوكيل وبيفتي
لكن المهندس مهندس ميكانيكا فعلا وكان زميل الدكتور احمد بوادي الله يرحمه ال كان رئيس قسم ميكانيكا سيارات في جامعة عين شمس وفعلا فضل في وجية اباظة 30 سنة وكان ماسك رئيس الصيانة وكل ماكنت بروح التوكيل كان اي عامل او مهندس تيجي سيرته قدامه مكانش بيبطل شكر فيه حتى معظم بتوع قطع الغيار في التوكيل او بره لما بروح اشترى حاجة يقولولي هتعملها عند مين اقولهم المهندس صلاح يفضلوا يشكروا فيه
انا بس بوضح انه راجل محل ثقة ومش هيهيس
وبرضه ارجع واقول انا ما قولتش غير ان ده كلام المهندس صلاح لو الكلام غلط يبقى هو ال بيهيس بقى فعلا وانا كل ال عملته اني حبيت انقل معلومة سمعتها من واحد متخصص وثقة
المهم الراجل اشترى الـ 406 ولا لأ
لو 20000كم بس كان كل العربيات اللي في مصر وفي غيرها اتكهنت خلاص، وكانت بيجو فرنسا قفلت
الراجل وصاحبه
يا رجالة يا رجالة
انا بجد قلت قبل كده يا رب يكون بيتغير كل 100000 انا اول واحد اتمنى كده انا راكب 406 انا قلت اكتر من مرة انا بوصل كلام المهندس صلاح ال عاملي قلق :) حضراتكم بعد كده كل واحد يغير في الوقت ال يريحه
وعلى فكرة صلاح مالوش اي مصلحة ف تغيير الزيت لانه مش بياخد عليه غير بقشيش للصنايعية والزيت الزبون ال بيشتريه من بره
وبعدين يا باشا هتتكهن ليه ؟ هو محدش قال ان العربية هتهلك لو ما غيرتش على 20 هو كل الحكاية ان اعطال الفتيس بتقل لما بتغير كل 20 وعمر الفتيس باذن الله بيكون اطول
ومش كل العربيات ولا حاجة المهندس صلاح ماشاء الله عنده يوميا حوالي 5 او 6 عربيات 406 وتقريبا زباينه كلهم بيغيروا على 20 يعني في نسبة حلوة اهو ان شاء الله في مصر مش هتتكهن:F_eyeb1[1]: