عرض للطباعة
خوانى الأعزاء:
عربيتى أوبل فيكترا 1994 - cc2000 حصلتلى حادثة من الخلف والعربية اتبهدلت من ورا لأنى عربيتى كان فيها بارومة ساعدت على زيادة الضرر وتلف الجزء الخلفى تقريبا.
أريد مساعدتكم فى شراء نصف خلفى أبيض يكون سعره معقول لأنى سألت فى الحرفيين لقيت الأسعار فى حدود 4000-4500 جنيه. مافيش مكان تانى ممكن أشترى منه بسعر أرخص من كده؟
بفكر أروح بورسعيد بس مش عارف الدنيا أمان ولا لأ؟ وهل هايكون السعر ارخص بكتير؟
لو محتاج حد يروح ويلف معاك في بورسعيد انا تحت امرك
في مستور كبير معظم التجار بيجيبو من عندو انا مش عارف اسمو بس ممكن اوصفلك المكان هو في البراجيل بعد مصنع الرنجه بشويه فلي الشمال ممكن تروح هناك وتسال عاليه هو معروف هناك بالاوبل
اسأل ع السعر في بورسعيد وضيف تكلفه النقل لو لقيتها مجزيه وفرق السعر كبير بينها وبين الحرفيين يبقي تتعب نفسك وعلي بورسعيد احسن
بس ماعتقدش تلاقي مكان في مصر كلها ارخص من بورسعيد في قطع غيار اي عربيه تتخيلها
حتي ال Audi اللي بنخاف نشتريها حاجتها موجوده كتيير هناك وسعرها بالنسبه لأي مكان تاني تعتبر رخيصه
الف سلامه الأول
و كلام الزملا صح
لازم توزن التكلفه
هتجازى الفرق و لا لأ
انا ممكن اسالك عندنا فى الاسماعيليه واتصل بى النهارده بعد الساعه 6 مساء هكون عند الراجل ورقمى 01113663963
أنا فعلا بحاول أسال الأول علشان أعرف فيه فرق فى السعر ولا لأ.
أنا شاكر فعلا لكل المشاركات. أكيد مساعدتكم ليا سيجازيكم الله عنها خير.
أنا هاتصل الساعة 6 مساءا وده رقم تليفونى ايضاز
0122-3457832
أنا شاكر جدا ليك يا هيثم وأرجوا أنى ماكنش بتعبك معايا. أذا لقيت الأسعار أرخص هناك ممكن نرتب ونروح سوا.
حمد الله ع السلامه
بورسعيد ارخص من الحرفيين
رينج الفصال مع التاجر البورسعيدي كبير
ممكن رنج الفيصال ينزل للنص؟
تعبك راحه و فخدمه اي حد من العصابهاقتباس:
المشاركة الأصلية كتبت بواسطة moha_k
اعتقد الفرق مش هيبقى كبير ممكن 500 700 و شوف تمن النقل و التعتيق و اللف فلو فى نص قدامك و حالته حلوة خلص فيه و متسبش منو حاجه حتى العفشه الخلفيه بتبقى معاك اوعى يقنعك ان النص من غير العفشه النص كامل كامل كامل
اذا كان الفرق من 500-700 جنيه فقط يبقى ماتستحقش السفر والتعب والنقل والفصال. أنا اعتقدت هايكون الفرق على الأقل 1500 جنيه.
علي فكرة انا من سوهاج
دا تاجر كبير اسمة محمد سوسو هتلاقي الي انت عاوزوة واسعاره حلوة خالص بجد انا جربتة ودا رقمة
0225788773
العنوان الاول
10 حارة الشرفا من شارع الخطيري وكالة البلح
العنوان التاني
الهرم/ش محمود عارف من الشيشيني المريوطية فيصل
انا على فكرة سمعت عنه وان عنده كل حاجة.
شكرا ليك يا محمد على التليفون والعنوان