خلاص مش هتعامل تاني بادب مع حد في البلد دي !

**AhMeD EzZ** · 20-02-2012 10:08 PM

طب الحمد لله اني مطلعتش غلطان لما جبتة تحتي

**mahmoudysf** · 20-02-2012 10:14 PM

روق وحاول تنسى

**mailo** · 20-02-2012 11:12 PM

المشاركة الأصلية كتبت بواسطة ahmed ezz

النهاردة الصبح نازل من بيتنا الساعة 8.30 الصبح ماشي في شارع شبرا في امان الله علي سرعة متوسطة لان الطريق فاضي اصلا يعني ماشي حوالي 40/45 انا ماشي في الحارة في النص و قدامي اتوبيس نقل عام و ورايا علي الشمال تاكسي فيرنا ،

مرة واحدة الاتوبيس ضرب فرامل جاااااامد عشان يركب حد مع انها و لا محطة و لا نيلة و في نص الشارع و مفيش فرق كبير بيني و بينه استحالة اقف و كنت هلبس فيه بوشي و دي كانت هتبقي شكرا عندي
اضريت احدف شمال عشان اتفاداه غصب عني و التاكسي كان ورايا بشوية يادون لما رميت مع الفرامل خبطت فيه خبطة خفيفة كدة
المهم وقفت و انا عارف اني غلطان و نازل بكلمة بكل ذوق و ادب و اقلة تحت امرك و اطمن عليه
بصيت عندة لقيت الخساير عندة تطبيقة بسيطة في الرفرف و مفيش حاجة في البويا لقيتة نازل و هاتك يا شتيمة برضة قلتلة ياعم انا غلطان و نازل بكلمك بكل ذوق و بقلك تحت امرك قالي هات 200 جنيه
انا بلمت قدامة قلتلة نعم ! 200 مين يقولي ما انت عوجت الجنط ! جنط مين يا اين $@# دة انا خبطك في اكصدام و جنطك سليم اهو طبعاً ! طبعاً الناس اتلمت و الفتي اشتغل و انت ماشي بسرعة و خبطة من الجنب و من هنا لهنا اتفقت هديلة 70 جنيه طبعاً كل دة زعيق و شتيمة منه و انا ساكت و اقول برضة علي باب الله و انا عكننتة علي الصبح
ببص في محفظتي ساعتها لقيت مفيش فيها غير 50 و شوية فكة فبقلة يا اسطي اطلع ورايا يا اسطي او معايا علي البنك بعد 50 متر بالظبط اكملك الفلوس و دة من هنا مرة واحدة راح نازل زعيق و بيقولي يا ابن ال...... و بشتمني بالام و يقولي لما معكوش فلوس بتسوقوا عربيات ليه و يا ابن كذا و انا اخطفك و ارميك في الشنطة ....

انت لو مكاني رد فعلك هيكون ايه ؟

أنا من أول الحتة دي وابتديت اشتم وأنا اللي أعد أقرأ
وإدَيه بتاكلني بصراحة

هو انت ليه سبته يشتمك أصلا
إنت لو غلطان تستحمل غلطك ياباشا مش تتشتم
وتطبيقة الرفرف دي إنت تصلحها عند السمكري ب 50 و 100
هو بيدفع 20

**Mzeid** · 20-02-2012 11:21 PM

أسيبه و أمشي

**HeMa_LanCeR** · 20-02-2012 11:31 PM

انا مش عارف اصلا انت عملت معاه كده ازاي
انا لو كان قالي عايز 200 جنية هقولة %&#^*#^*#%&)*#
واخبط دماغك في $%#&#$ حيطة

**zangry** · 20-02-2012 11:36 PM

المشاركة الأصلية كتبت بواسطة ahmed ezz

طب الحمد لله اني مطلعتش غلطان لما جبتة تحتي

لا مغلطش خالص وهو يستاهل عشان بعد كده يحترم نفسه .. وارميله فلوسه عشان برده حضرتك غلطان عشان تبقى خلصت ذمتك ادام ربنا

**blazer** · 20-02-2012 11:49 PM

الحمد لله انها عدت على خير
من اللى بشوفه فى الشارع
فى الحالات دى
لو الموضوع متلمش بلادب
همشى واسيبه يولع
اما لو الطريق زحمه وغصب عنى هقف مش هحاول اوصل الموضوع لخناقه
لان السواقين بيجاملوا بعض اووى فى الحجات دى
وحسبى الله ونعم الوكيل

**lad** · 20-02-2012 11:57 PM

المشاركة الأصلية كتبت بواسطة egytamer

انا لو لاقدر الله مكانك وشتمني هضربو بالجزمة لاني حاولت معاة بالحسني وبرضو قل ادبو يبقي يستاهل ومش هديلو ولا جنية

كلام سليم

**dr.hazem** · 21-02-2012 12:06 AM

انا عن نفسي....

يعني بحكم شغلتي اللي فيها اظطرار لتحمل ظروف الناس

ساعات في المستشفى بنتشتم بالاب والام وبيتسبلنا الدين
وكل استجابتنا اننا مبنعبرش الشخص ده
الحاجه الوحيده اللي مبسكتش عنها هي مدة الايد

فبالنسبالي لو كنت انا الغلطان فهستحمل وهديله حقه وامشي
مش لاني خايف ولا لاني عاطفي ولا ولا ولا
انما الراجل له حق وحقه ياخده وشوية الانفعال اللي هوا فيه لا تقدر بثمن ومتضمنش هو مأجر التاكسي وبيكد عليه ولا هو بيعمل ايه

فمراعاة لظروف الموقف ممكن استحمل منه
انما لو كان نازل يمد ايده يبقى لو رقبته طارت ميزعلش!!!

تحياتي

**yoko** · 21-02-2012 12:15 AM

المشاركة الأصلية كتبت بواسطة hm414

انا عن نفسي....

يعني بحكم شغلتي اللي فيها اظطرار لتحمل ظروف الناس

ساعات في المستشفى بنتشتم بالاب والام وبيتسبلنا الدين
وكل استجابتنا اننا مبنعبرش الشخص ده
الحاجه الوحيده اللي مبسكتش عنها هي مدة الايد

فبالنسبالي لو كنت انا الغلطان فهستحمل وهديله حقه وامشي
مش لاني خايف ولا لاني عاطفي ولا ولا ولا
انما الراجل له حق وحقه ياخده وشوية الانفعال اللي هوا فيه لا تقدر بثمن ومتضمنش هو مأجر التاكسي وبيكد عليه ولا هو بيعمل ايه

فمراعاة لظروف الموقف ممكن استحمل منه
انما لو كان نازل يمد ايده يبقى لو رقبته طارت ميزعلش!!!

تحياتي

طيب شوف الموضوع ده
http://www.nilemotors.net/Nile/272690-a.html
والعربيه فيها مشكله في الفرامل يعني مش هزار

الموضوع: خلاص مش هتعامل تاني بادب مع حد في البلد دي !

LinkBack

أدوات الموضوع

عرض

-

-

-

-

-

-

-

المواضيع المتشابهه

البلد خلاص والناس خلاص اتجننت ومحدش بقى لية كبيروكلةماشى بدراعةكارثةحصلت قدامى امبارح

هي البلد حالها بيتصلح ولا انا كنت في كوكب تاني !!!!!!!!!

هو صف تاني و خلاص؟

الواحد خلاص جالة نقطة من البلد دة

الكلمات الدلالية لهذا الموضوع

المفضلات

المفضلات

ضوابط المشاركة