هو التحكم في ظبط مرايات اللوجان بالكهرباء و لا يدوي ؟؟؟
شكراً
عرض للطباعة
هو التحكم في ظبط مرايات اللوجان بالكهرباء و لا يدوي ؟؟؟
شكراً
الفل اوبشن كهرباء
الهاف و البيزك يدوي
ا/ جبريل انت راجل محترم و أنا حبيتك فى الله .. الف مبروك على العربية ( معلش متأخرة شوية ) .. أنا من كتر كلامك الحلو عن العربية بقيت هاتجنن و أجيبها ، ربنا يسهل و اقدر اشتريها .. أنا بأستأذنك عايز تعمل تقرير لصيانة ١٠٠٠٠ ك و تقول على إحساسك من ناحية
١- الفتيس : من حيث التسارع و نقل ( خصوصا موضوع النتشة فى جديد ؟)
٢- الموتور : صوته بعد تغيير الزيت و نوعية الزيت
٣- السخونة من ناحية الدواسات و تأثير العزل بتاع التوكيل ( مستريح فيه بنسبة كام فى ال ١٠٠٪)
٤- التكييف و قوته خصوصا فى زحمة الإشارات ( مآثر على الطلعة) و فى الجرى على طريق السفر
أنا أسئلتى كتير بس طمعان فى كرم أخلاقك .. ربنا يرزقك خيرها و يبعد عنك شرها .. قولوا امين (:
يا باشا ربنا يكرمك و يبارك فيك =)
و انا كنت ناوي على كدة بس سامحوني لأني مسحول في الشغل بقالي كذا شهر بس هانت ان شاء الله و ناوي ان شاء الله اعملكم تقرير مفصل ان شاء الله بعد صيانة ال15000 لأني دلوقتي 13500 و مش هاخد وقت في عمايلهم
و ان شاء الله ربنا يكرمك و تشتريها عن قريب ان شاء الله
السلام عليكم
الاستاذ/ جبريل .... بارك الله فيك
اخبار الاوتو معاك ايه حتى الان من حيث :
1- الفتيس الاوتو هل فيه مشكله .... وموضوع النتشه ؟؟؟
2-تسارع السيارة .. واقصى سرعه بها .. والثبات ؟؟
3- سحب البنزين عامل ايه ؟؟ وانطباعك عن السيارة ..........
وشكرا لك
ربنا يباركلك يا باشا =)
الفتيس الحمد لله زي الفل و النتشة انا مش حاططتها في دماغي فمبقتش بحس بيها
تسارع العربية مرضي جدا و انا جبت بيها اقصى حاجة و بعده خفت بصراحة كانت 165 و ده علشان اشوف بس اخرها ايه و اعتد كانت ممكن تجيب اكثر من كدة
سحب البنزين في السواقة العادية بدون حرق الا في المعقول جوة البلد و طرق سريعة بس اغلبه طرق سريعة لسة التفويلة اللي فاتت حاطط 32 لتر و العداد كان عامل 375 كيلو
الانطباع عن العربية بعد ال15000 اكنك راكب عربية جديدة في استهلاك البنزين و صوت الموتور الخ...
استاذ جبريل...سؤال فني جدا
في احد الزملاء افتي لي ان فى العربية بتاعتي الاوتو 2013 عند تشغيل الزجاج الحراري يتم تسخين المرايا اليمين و الشمال .... عنك فكرة عن كدة و لا دي ممكن تكون افتكاسة جديدة ... و قالي ان الاوبشن ده نازل فى المانول 2011
كمان نازل فى الاوتو 2012 خاصية ان لو فتحت الباب من الريموت و لم تفتح باب العربية لبعض الوقت يتم اغلاق السنتر اوتوماتيك ( يفترض انك فتحت العربية بالريموت بالخطاْ ) مع العلم ان جربت كدة فى عربيتي و لم تغلق لوحدها..
رجاء الافادة لو عندك معلومة او احد الزملاء لو عنده المعلومة.
بس انا عندي العربية مش بتقفل لوحدها حتي لو سبتها دقيقة بحالها... انا عارف الخاصية دي علشان شوفتها فى اللانسر...
طب هو ممكن يكون في ضبط معين يتعمل او طريقة ضغط على زرار الريموت تفعل الخاصية دي..لان كان عندي في ريموت الانذار في عربيتي القديمة كان في حاجة زي كدة
و شكرا علي سرعة ردك