الموضوع: أستفسار بخصوص بطارية الــ بومـــة

الأفضل إنك تستخدم زي القديمة 55 أمبير والكتاوت اللي حضرتك مركبة ما بتخليش حمل على دراع النور أو الفيوز عشان الفيوز بتضربش كل شوية أو تأثر على حاجة تانية في كهربة العربية.

أنا غيرت بردو لبطارية جافة وجبت 55 أمبير والحمد لله ما فيش أي مشاكل.

المشاركة الأصلية كتبت بواسطة matrix_amr11

السلام عليكم ورحمة الله ,,

بعد التحية للأعضاء الكرام .. البطارية عندي باظت ومحتاج أشتري بطارية جديدة

الســؤال :: معروف ان بطارية الـ لانســر الــ بومـة 55 أمبير " أو هكذا أعتقد " المهم انا مركب هالوجين للفوانيس الامامي وماركب كيت أوت " كتاوت " للعالى والواطي , فكنت بفكر أعلي الامبير بتاع البطارية شوية واجيب " بطارية جافة 70 أمبير " علشان يدي كهربا مستريح للنور وفى نفس الوقت يعوض الفرق بين شحن الدينامو واستهلاك النور مع الكاسيت طبعا , وده طبعا للحفاظ على البطارية :)

مش عارف ده صح ولا غلط ,, فياريت اللي عنده معلومة ما يبخلش علينا بيها لأن اعتقد كتير أوي هيستفيدوا بالموضوع ده


ملاحظات :: * الفرق بين البطارية الــ 55 أمبير والــ 70 أمبير حوالى 30 او 40 جنيه

* البطارية القديمة اللى باظت كانت 55 أمبير والاضاءة ثابتة مش بترعش ولا حاجة


أخيــرا = أرجو نوع محترم لبطارية جافة لأني لاحظت ان الناس مختلفين اووووووووووووي فى موضوع النوع ده أكتر من أختلافهم على موضوع الدستور الاول ولا الرئاسة :)


العربية لانسر موديل 2008 - بومة - 1300 - اوتوماتيك

وطبعا الكاسيت شغال على طول ومعاه سماعتين 500 وات


ولكــم جزيـــل الشكـــر ,,

مغير عندي من سنة و نصف الى Ac delco امريكي تجميع سعودي شغالة الحمد لله تمام و فيها عين تدلك على حالة البطارية

شكرا للاعضاء المحترمين

فيه نوع اسمه هانكوك .. حد يعرف عنه حاجة

المشاركة الأصلية كتبت بواسطة nice_bird

اه انا بسمع انو محترم وبينزل اصلي في بعض العريبات الكوري

طب ياترى تعرف سعرها ؟

مش عاوز اقولك فرق الاسعار شكله ايه

بصراحة السبهلله اللي التجار عايشين فيها دى حاجة تحزن