هل هناك عدد معين من الكيلومترات التى يقطعها محرك الميجان ليتم عمل عمرة له مرة أخرى فى ظل الاستخدام المعتدل والغير معتدل والاستخدام شديد الإهمال ؟ وما تكلفة عمرة موتور الميجان تقريبا داخل التوكيل وهل ممكن عملها خارج التوكيل بتكاليف أقل ؟
عرض للطباعة
هل هناك عدد معين من الكيلومترات التى يقطعها محرك الميجان ليتم عمل عمرة له مرة أخرى فى ظل الاستخدام المعتدل والغير معتدل والاستخدام شديد الإهمال ؟ وما تكلفة عمرة موتور الميجان تقريبا داخل التوكيل وهل ممكن عملها خارج التوكيل بتكاليف أقل ؟
غالبا ممكن تحتاج عمره بعد حوالي 500 الف كيلو من الاستخدام العادي
نص عمرة ماشي ( وش سلندر و جوانات ... ) لكن عمره .. ماينفعش
يعنى بعد 500 الف كيلو من الاستخدام العادى تعمل نص عمرة بس دا يبقى العربية دى جاااااااااااااااااااااااا اااامدة أكتر من اللى فى بالى وليه ما ينفعش تعمل عمرة كاملة ؟
اصل العمرة الكاملة بتخرط تاكل حتة من الموتور .. بصراحة لو شفته مش حتلاقي حتة تتخرط .. الفلف علي وش الموتور
مش حتعرف تفهمني لو ماشفتش موتور مفكوك
عربيتي بعتها عاملة 205 الف كيلو ع فكرة
أنا شفت محركات كتير مفكوكة وعندى فكرة يعنى وشفت السلندر والشنابر والبوجيهات والصمامات valves وعلى حد علمى ان لما تعمل عمرة لعربية قديمة بيتخرطلها سلندر او بستم على قدها انما بقى الميجان أو غيرها من العربيات الحديثة نوعا ما مش عارف ايه نظامها بالظبط اصل انا قريت قبل كدا مش فاكر هنا فى الموقع ولا فين ان عمرتها غالية جدا وممكن تتكلف حوالى ربع تمن العربية ؟
في واحد اعرفه معاه كليو 1200 وكانت محتاجه عمره بس عدادها كان 330 الف كم
بس جاب موتور استيراد عامل 60 الف كم وريح نفسه وشغال معاه زي الفل عمل بيه 20 الف كم وتمام معاه
مش عارف بقى الميجان ايه اخبارها
السلام عليكم،،،
نصيحة لا تعمر موتور لميجان أو كليو لية؟
علشان قطع الغيار الداخلية للموتور الأصلية غالية جداً وممكن تزيد عن سعر الشورت بلوك من الأحسن تلف علي المحلات هنا في الحرفيين وبعد كدة تنزل علي بورسعيد ولو أحسن يكون فيه معرفة هناك يركبلك شورت بلوك أستيراد بورق الأفراج الجمركي وبضمان أسبوعين وتريح دماغك