ربنا يخليك ياحج أحمد
تخيل
البنت أول ماجت تفتح الصبح.. أخدت الكرسي ودخلته المعمل
وقولتها هريح ساعة كده
لسه صاحي من النوم من ساعة.. وياريتني مانمت
ربنا مايحكم عليك بنومة الكرسي
هههههههههههههههههههه
عرض للطباعة
ربنا يخليك ياحج أحمد
تخيل
البنت أول ماجت تفتح الصبح.. أخدت الكرسي ودخلته المعمل
وقولتها هريح ساعة كده
لسه صاحي من النوم من ساعة.. وياريتني مانمت
ربنا مايحكم عليك بنومة الكرسي
هههههههههههههههههههه
شكرا ياجميل
أنا شوفت الموضوع ده قبل كده
كريم باشا
انا مش بفكر فيها من الناحية التجارية..أنا عاوز اعرف بس
علشان إحتمال أعمل حاجة بإيدي
ولو على القوالب
بتتعمل على التناية .. عادي
ايه المعلومات الجامدة دي
هههههههههههههههههههه
بنشتري شرايح الكاربون فايبر (البولي إستر) منين بقا ؟
ربنا يرزقك
يارب
نمت وصحيت الحمد لله
ايه المعلومات الجامدة دي
(هههههههههههههههههههه؟؟؟؟ ؟؟؟؟؟؟؟؟؟؟؟)
بنشتري شرايح الكاربون فايبر (البولي إستر) منين بقا ؟
من عند بتوع الجبس وفى كل مكان فى الجمهوريه
والمنبع الرئيسى قليوب ( زى ما تكون بتشترى سجاير فى كل مكان )
اقولك انت عايز اد ايه وانا اجيبهولك
إنت حطيت علامة إستفهام جمب الضحكة ؟
ماقصدش والله حاجة تزعلك
أنا بس مستغرب إني لقيت حد في المنتدى عارف الأنواع..بالنسب.. بالأسعار
وكأنه شغال فيهم بالظبط
ربنا يكرمك
أنا كنت عاوز ألعب شوية في الإكصدام بتاعي
وفكرت أجيب أد كام كيلو من البولي استر فايبر.. والبولي استر مصلب ..
وأعمل زوايد على الاكصدام خفيفة .. وأسنفرها علشان يبقا كأنها هي والإكصدام حتة واحدة
يعني هي سعرها رخيص فعلا كده؟؟
طيب بتوع الفايبر بيستهبلوا ليه بقا في الأسعار ؟؟؟
يعني بيكسبوا فيها مش أقل من 1000%
يعني الي بــ 10..يتباع بــ 100
وحسبي الله ونعم الوكيل
والموضوع كله عجينه في قالب وعليها مصلب وخلاص
=====
بقولك صحيح
لو حبيت أشوف صناعة الفايبر الي في قوالب..أشوفها فين على الطبيعة
من باب المعرفة يعني؟
وربنا يكرمك ويجازيك خير على المعلومات
انا عندى منه فى البيت :]
انا بحكم انى كنت فى كليه فنون تطبيقيه
فشتغلت بالحجات دى كتير
الكيلو انا بشتريه ب 13 جنيه
البولى استر + المصلد + الفايبر بيتخلطوا بطريقه معينه وبيتحطوا فى القالب
و صعب انك تنفذها لوحدك لازم تشوف حد بيعملها قدامك عشان لو عملت خطوه غلط هترمى الشغل فى الزباله
من مميزات الفايبر كمان انه بيتقبل الالوان يعنى بيتحط عليه مثلا باودر " اكاسيد الوان" بحيث ان الفايبر نفسه يبقى ملون
ماتحكيلنا ياميدو عن الموضوع ده
يعني النسب والخلط إزاي ؟
أنا لما كنت بركب فايبر للعربية .. كانو بيحطوا الكساحة .. ويعملوا عليها طبقات الالياف دي.. ويدهنوا عليها مادة ريحتها وحشة بفرشة
وكانت بتنشف على طووول
ولما كنت بسالهم السائل ده إيه ؟؟ كانوا بيحسسوني إنه سر حربي
ههههههههههههههههههههههه
الماده اللى ريحتها وحشه دى هى الresin " البولى استر المخلوط بالماده المصلده " اللى هى البروكسيد مضافا عليه ماده كمان اسمها كوبالت لونها ازرق ودول بيتباعو معاه ""
نسبه الخلط المفروض تتحدد بميزان حساس او سرنجه زجاجيه مثلا
بس هى تقريبا على كل كوبايه " 250 ملى" بولى استر هتحط 5 ملى مصلد وتخلطهم مع بعض
البولى استر بعد ما تخلط عليه المصلد بيبقى قدامك 5 دقايق عشان تحطه فى القالب وتخلطه بالفايبر جلاس لان بعد كدا بيبتدى يتصلد
اهم حاجه ان ميبقاش فيه اى فقاقيع هوائيه داخل الماده لان دا بيضعفه خصوصا وانك وانت بتخلطه بالفايبر بيبقى جواه هوا كتير لازم تفضيه بانك تضغط عليه بالفرشه كتير البولى استر من مميزاته كمان انك ممكن تحط طبقه وتنشف بعدين تحط طبقه كمان
ممكن يتخرم بشنيور ويتقطع بالصاروخ وبيقبل معظم انواع الدهانات بجوده عاليه جدا
مقاوم للمياه بشكل كبير
اهم حاجه تلبس جوانتى كويس وبالطو وكمامه وانت شغال عشان بيعمل بلاوى
"الفيبر بيعور جامد الايد"
يخرب بيت غباء المصريين
النهاردة نزلت الزراعة أشوف البوهية .. والفايبر
كل ماأسأل عند محل.. يقول ماعنديش..روح لفلان
أروح لفلان
يقولي ماعنديش .. روح لفلان
أروح لفلان
يقولي ماعنديش روح لعلان
أروح لعلان يقولي ماعنديش
روح لترتان
أروح لترتان .. يقولي روح لبطيخة
أروح ألف على بطيخة .. واحد يقولي بطيخة ده أخر الشارع
ألف الشارع.. مالقيهوش
أسأل
يقولولي لا لا لا . بطيخة ده الناحية التانية
أروح الناحية التانية.. مالقيهوش
أسأل .. يقولولي لا لا لا بطيخة ده ... تعديله السكة الحديد وتسأل هناك
أعدي السكة الحديد وأسال هناك.. يقولولي إيه إلي جابك هنا
بطيخة ده تعديله السكة الحديد تاني.. وتاخد أول يمين
أخيرا
ألاقي بطيخة .. أسأله.. يقولي ماعنديش
حاجة تقررررررررررررف
المهم
زي مالرجالة قالت إن فيه منه عند بتوع الجبس
واحد من زباين الصيدلية هنا بيشتغل في الجبس..أول مايعدي عليا هسأله
بس اللفة دي طلعت منها بحاجة
بفوووم حراري... البتاع ده هايل
كان فيه موضوع شريف bmya كان عامله
كان حاطط الفوم ده جوه العتب بتاع عربيته.. بيسد فراغات الهوا جواها .. وبيقلل صوت الكاوتش على الأسفلت
ازاي اتحكم في صلابة الفيبر
بحيث انه يبقى ناشف "زي تابلوهات العربيات"
او
طري شويه و ممكن يتحمل الصدمات زي رفارف العربيات
هل بنسبة المصلد و لا ازاي؟