الموضوع: عايز اشتري اسكورت بس سامع انها بتسخن وفيها مشاكل سخونة ارجو الافادة

اولا ادخل على اهم مواضيع القسم فيه جزء من اجابة سؤالك بخصوص قطع الغيار
الاسكورت الـ 1300 و 1600 الاتنين المفروض يتصلحوا عند متخصص فورد و ده افضل و عند عفشجي عادي
بس الـ 1300 ممكن تتصلح عند ميكانيكي عادي بس مش هايكون عارف خباياها
موضوع السخونة هيا عربية سخنة و ده تصميمها مش عيب يعني انا معايا الفيستا المروحة مش بتشتغل غير لما درجة الحرارة تبقي 105 تقريبا و بتنزل لحد 98 و تقف
و على العداد بتلاقي المؤشر قرب قوي على العلامة الحمراء
و لو فيه اي مشكلة في دورة التبريد العربية بتسخن زي اي عربية لو فيها مشكلة
موضوع السعر اصبر لما حد من المتابعين للسوق يفيدك
و عموم الشراء لو انت عاوز عربية تعد معاك فترة طويلة يبقي هيا ديه
لكن لو عاوز عربية بياعة يبقي ابعد عن الفورد خالص
و انت بتشتري لازم تاخد العربية عروسة بمعنى الكلمة علشان لو اخد العربية تعبانة هاتخليك تكرة اليوم الي ركبت فيه عربيات

بص يا باشا لو نضفت الردياتير مرة كل سنة وظبط المروحة انسي موضوع السخونية خالص انا لما عملت كدا بفضل الله المؤشر مبيعديش التلت.
ال 1600 لو عايز سحب كويس وتكيف عادي بس في المقابل لازم تتصلح عن مختص فورد زي مجو قالك.
ال1300 تصليحها عايز ميكانيكي نضيف مش شرط بتاع فورد في المقابل سحب ضعيف ومع التكيف بيبقي اسوء.
والله اعلم

المشاركة الأصلية كتبت بواسطة fawzyloza

السلام عليكم اخى العزيز بالنسبة للسخونيه انا معايا اسكورت 98 وفى الصيف اللى فات اشترتها ومكيفة وكنت وانا ماشى على 120 ومشغل التكيف الاقى عداد الحرارة على اخر حرف وكنت بقلق منها فقلل السرعة واطفى التكيف تبدا الحرارة تنزل ورحت ظبط التيكهات ونظفت الريداتير ومع كده استمرت المشكلة دية وفى الشتاء الحرارة متعديش حرف n وخايف الصيف ده تكرر نفس المشكلة بس من كلام حضرتك ان المؤشر يقرب من العلامة الحمراء ده بيقى عادى فى الفورد يعنى ميسببش مشكلة

سيدي العزيز :
الطبيعي في الفورد ان الحرارة بتوصل لغاية حرف الـ l بتاع كلمة normal ، ده مش عيب في العربية المفروض ان ده الطبيعي. لكن واضح ان حضرتك ملاحظ ان المؤشر في الطبيعي بدون تكييف بيبقى في النص ، ده لأن فيه ناس بتعدل الفورد وتركب ثرموستات فيات 90-80 هو اللي بيخلي الحرارة في النص وده معناه ان عربيتك متعدلة. ماتشغلش بالك غير لو مؤشر الحرارة دخل في المنطقة الحمراء.