السلام عليكم جميعا ورحمة الله وبركاته
انا كنت فتحت توبيك قبل كده عن سيارة في حدود 150 الف ريال والزملاء الافاضل بصراحة ابدعوا في بيان مميزات وعيوب كل ما طرحته وقتها من موديلات متعددة
فقلت افتح توبيك منفصل عن الخيارات الجديدة لكي يكون عنوان التوبيك معبرا عن مضمونه الجديد ,,
منتظر توجيهاتكم الكريمة بكل اهتمام وامتنان ,,
تحيتي ,,
Werbung BMW X1 2010 (cool) / BMW commercial X1 cool - YouTube
Mercedes-Benz 2012 C-Class Sedan Promo HD Trailer - YouTube
الاتنين تحفة طبعا .. بس دى حاجة ودى حاجة تانية .. حضرتك شوف ميال لأيه واتكل على الله
شوف يا زعيم
البي ام x1 هي هي الميني الكونتري كلوبمان
بنفس المميزات و العيوب
اما المرسيدس فدي كاتيجوري تاني
فخامه و راحه و برستيج
و انا اللي فهمته ان حضرتك مهندس او بتروح مواقع فمحتاج حاجه 4x4 و طبعا المرسيدس مش هتنفع و عموما هي مش عربيه بتاعت بهدله
فلو ممكن تقولنا انت محتاج ايه بالظبط من العربيه عشان نقدر نفيدك اكتر
انا بروح الموقع مره او مرتين في الشهر مش بشكل دائم وعاوز عربيه احبها وانبسط كل يوم وانا بركبها وتكون الاختيار الامثل في حدود المبلغ اللي محدده وهو 150 الف ريال تقريبا
فلما حضرتك قولت علي امبارح ان عيب الكونتري مان انها ضيقة من ورا فده خلاني افكر في بدايل اخرى ولقيت البديلين اللي فوق دول مناسبين وفي الرنج السعري اللي اقدر عليه
ام هل تقترح بدائل اخرى مثل فورد ايدج مثلا او اكسبلورر ؟؟
معلش تعبتكم وحيرتكم معايا فين ايام ال 128 والواحد لسه طالب في الكلية :)
تمام كده يا باشا
طالما بتروح مواقع يبقي الاحسن حاجه 4x4 او كروس اوفر
و حتي لو سيدان يبقي هيفضل يكون حاجه من العاديه مش مرسيدس و لا بي ام عشان دول مش بتوع بهدله خالص حتي لو مره او مرتين في الشهر
بالنسبه بقي لاختياراتك فزي ما قلتلك ال X1 ضيقه برضه زي الميني و بصراحه الاتنين سعرهم مبالغ فيه
و المرسيدس مش بتاعت بهدله مواقع
طبعا انا اكمني مش في السعوديه فمش قادر احدد او اعرف ال 150 الف ريال دول يمثلوا ايه بس حولتهم للدينار الكويتي و عملوا حوالي 12 الف دينار و كده اقدر اقولك العربيات اللي في الرينج ده و ممكن تبقي مناسبه ليك و انت بقي تتاكد من السعر في السعوديه
الفورد اديج خيار كويس و عربيه لا باس بيها بس لو عليا هروح للاصل و اللي هو نيسان مورانو و اعتقد انها في نفس الرينج و هي احسن من الاديج و يعبها بس شكلها من قدام مش عاطفي خالص و طبعا لو قدرت تزود و تخش علي الانفنتي ال FX يبقي تماااااام
الجراند شيروكي برضوا كان خيار انطرح و برضه لا باس بيه فخامه و قوه و off roading هايل و يكفي انها و المرسيدس ال ML الجديده مشتركين في حاجات كتير
خيار اخر و لو اني اعتقد انها اعلي من الرينج بتاعك بشويه حلوين هي اللكزس ال RX و دي بقي لا غبار عليها حصوصا في السعوديه و مش هتخسر حاجه عند اعاده البيع و هتتخطف اصلا
و في برضه الميتسوبيشي الاوتلاندر بس ال V6 عربيه هايله كاداء و امكانيات بس يعيبها ان طبلوها مشترك مع اللانسر و مش مدي فخامه للعربيه
في السيدان عنك بقي كذه حاجه و منهم النيسان مكسيما و الهيونداي ازيرا الجديده و التويوتا اوريون عربيات كويسه و مبتقولش لا مهما عملت فيهم و منتشرين
ده كده اللي جه في بالي حاليا و لو في حاجه جدت هبقي اقولك علي طول مع ان كان نفسي تركب حاجه الماني بس للاسف الالماني اسعاره معديه و اللي موجود في الرينج مش هينفعك قوي
بما انك في السعودية ما تجيب اللي ماشي عندك
لاند كروزر او شيفورليه تاهو او فورد اكسبيدشن او اكسبلورر ؟
رأيي المرسيدس
جزاكم الله عني خير الجزاء
واعتقد بكده الموضوع قتل بحثا زي ما بيقولوا واللي حيوفقنا فيه صلاة الاستخارة
وحوافيكم باللي اشتريته ان شاء الله تعالى
وعاوز اقول ان الخبرات المتراكمة هنا في رجال نايل موتورز غير متواجده في اي منتدى عربي آخر ولا نزكيكم
اسال المولى لكم جميعا كل الخير ,,
بالتوفيق يا زعيم
و ربنا يقدملك اللي فيه الخير
ربنا يوفقك للخير
+111111اقتباس:
المشاركة الأصلية كتبت بواسطة horas3000
صباح الخير حورس بك والافاضل الكرام
لقيت اختيار مناسب زي ما نصحني الفاضل حورس انها تكون سيارة تتحمل ظروف الموقع وتجمع بين الاناقة الاوربية والعملية
ايه رأي حضراتكم في 3008 بيجو
Peugeot 3008 Crossover - YouTube
:tumb::tumb::tumb:اقتباس:
المشاركة الأصلية كتبت بواسطة horas3000
اختيار لا باس بيه خالص يا زعيماقتباس:
المشاركة الأصلية كتبت بواسطة م. تيمور
و كمان ممكن تنزلها مصر لو حبيت
و شوف الموضوع ده هيعجبك ان شاء الله
و فيه الخلاصه
http://www.nilemotors.net/Nile/150806-3008.html