حاسس ان العربيات المستعمله غاليه شويه على كونتاكت كارز ايه رأيكو فى الموضوع ده ؟؟
وهل فى تجار فى الموقع ؟؟؟ والواحد ممكن يفاصل فى كام ؟؟
عرض للطباعة
حاسس ان العربيات المستعمله غاليه شويه على كونتاكت كارز ايه رأيكو فى الموضوع ده ؟؟
وهل فى تجار فى الموقع ؟؟؟ والواحد ممكن يفاصل فى كام ؟؟
دايما أسعار contactycars مبالغ فيها و متسالش ليه بس فى النص هتلاقى عربيات حاطين سعر مظبوط
و فيه تجار و معارض و ناس عادية (أسأل العربية بتوكيل و لا من المالك)
بالنسبة لموضوع الفصال انت لازم تعمل survey كويس للعربية اللى هتدور عليها علشان تعرف الرنج الطبيعى كام و بعد أما تعرف سعرها الطبيعى هتعرف تفاصل فى كام
و يستحسن تسأل ملاكها هنا فى المنتدى على الأسعرو هما هيفيدوك
و ربنا معاك
لا مش كله وانت بتشوف الكلام اللى مكتوب مناسب للتمن ولا لا وشوف حاله العربيه لما تعاينها وبناء عليه قرر هتفاصل فى اد ايه
بالمناسبه انا مشترى عربيتى من كونتاكت كار وكانت زى الفل
مش شرط دائماً تبقى غاليه. يعنى حسب اللى عامل الاعلان هل هو المالك و لا تاجر و مستعجل و لا لأ و احيانا بيبقى المالك بس مقدر العربيه اكتر من تمنها لانه مش عارف ان فيها مشاكل مثلا او عامل حسابه على الفصال فحاطط سعر اعلى من الفعلى و غالبا بتلاقى الناس اللى حاطه السعر مضبوط كاتبين ان السعر نهائى و بعدين فى الاخر بعد المعاينه دايما بيبقى فى سعر البيع النهائى بعد الاتفاق و التراضى بين الطرفين و نادرا ما بتلاقى حد بيبيع فى الاخر بالسعر اللى كان حاطه فى الاول لانه لما بيشوف الفلوس بيقول خللينا نخلص من القصه دى بقى و ياخد الفلوس و الموضوع يمشى
الف شكر يا رجاله على الردود
ازاى بقى
ده انا شوفت عربيات كتيره معروضة بأسعار بخسه
فيه عربيات كتيره مكتوب ان السعر المطلوب
1 جنيه
يابلااااااااااااش
ههههههههههههه
التجار على كونتاكت بقوا أكتر من الملاك
يا شباب
كوناكت زيه زي السوق مثلا
في ناس بتقدر اعلي و في ناس بتقدر مظبوط
و اللي بيعرض ساعات بيزود لانه في باله انه عادي ده موقع و انا مش خسران يمكن يجيلي بيعه
و هو مش عارف انه كده بيخلي الناس تطفش انها تسال عنها
يعني مجتمع زي اي مجتمع