احــــذروا أســـــاور الطــــاقة

**mohammedabdallh** · 21-02-2012 02:13 PM

احــــذروا أســـــاور الطــــاقة .. بها اشــــــعاع قـــــاتل
حذر مصدر مسئول بالطاقة الذرية من خطورة استخدام المواطنين لـ "الاساور" و"السلاسل" المستوردة من الخارج بزعم أنها تنظم طاقة الجسم وتعالج الروماتيزم مشيراً إلي أن عينات الاساور والسلاسل التي فحصتها وتعاملت معها الهيئة بالكشف الاشعاعي تبين احتواؤها علي مواد مشعة ونسبة اشعاع قاتل بها.
قال في تصريحات خاصة لـ "المساء" أن الهيئة أوصت كافة الجهات المختصة بعدم استيراد هذه الاساور أو السلاسل.

الخبر منقول والله اعلى واعلم

تحذير هام جدا لكل من يستخدم لـ الاساور والسلاسل المستوردة

**mody3on** · 21-02-2012 02:30 PM

لا تشرب الدواء .. الدواء به سم قاتل
بص انا مش مقتنع بالكلام ده .. انا شايف انها ملهاش لازمة .. مش مفيدة وفي نفس الوقت مش مضرة .. واي حاجة بتطلع جديدة لازم نطلع عليها اختراعات انها قاتلة

**grand hand** · 21-02-2012 02:37 PM

اشعاع قاتل!! استر يارب

**hosammoner** · 21-02-2012 02:38 PM

حاجات ولا ليها اى لازمة كلها اشتغالات وخلاص

**sherif_m72** · 21-02-2012 06:31 PM

انا من اللى انضحك عليهم فى الاساور والسلاسل وهيه اساسا ملهاش اى نتائج ومحستش باى تغيير ولا نشاط غير فى اول يومين وده كان تاثير وهمى
وشكرا على زيادة احساسى بالندم (ههههه)

**Mshawky** · 21-02-2012 06:41 PM

الاساور او السلاسل مفيهاش غير ايونات فقط ولا فى اشعاعات ولا حاجه كله كلام وخلاص

بالنسبه للمنتجات ديه فيه منها فعلا الفعال وفي منه الاشتغالات وكله واضح فى السوق اادام الناس

لكن كل اوربا وامريكا بتستخدم المنتجات ديه بشراهه تجنبا لاستخدام اى مواد كيمائيه لزياده ادا الجسم

**SYD** · 22-02-2012 12:09 AM

يا جماعة انتوا بتصدقوا !!!!!!!!

انا كل ما اقابل واحد الاقيه لابسها ويقولي كالتالي بالنص
" انا مكنتش في الأول مصدق زيك، بس لما اخويا خلاني البسها وعملت التمرين لقيتها فعلا بتجيب نتيجة"
التمرين بقي ازاي؟؟
تقف علي طرف صباعك الكبير بتاع رجلك اليمين وتفرض رجلك الشمال لورا لحد لما تلمس قفاك
التمرين التاني
تمسك رغيفين عيش وترجع ايدك لورا لحد لما يلمسوا بعض وطاااااخ تنفض الردة
التمرين التالت
تفضل تجري 3 ايام بدون توقف علي الصحراوي ومش هتحس بتعب ولا حتي هتنهج

كلها اشتغالااااااااااااااااااا اااات للشباب يعيني

ويقولك بس جرب
طب بص
اعمل الحركة دي (ويقوم عملك حركة بهلوانية) من غير لما تلبسها، وجرب تعمل نفس الحركة (البهلوانية) بعد ماتلبسها

انا متهيألي لو حد واقف في بلكونة مثلا وشافنا بنعمل كدة هيقول علينا اتنين مجانين

ربنا يهدي الحال

سواء فيها اشعاعات او فيها حتي مخللات الحمد لله ماجبتهاش ومش هجيبها

شكرا علي نقل الموضوع

والله المستعان
،
،

**Amr Axel** · 22-02-2012 12:19 AM

انا عمري ما اقتنعت بيها اساسا من ساعة ما طلعت من غير حاجة و دلوقتي كملت اشاعات بلاوي
و كله فرحان و لابسها كل ما اسأل حد يبني ايه لازمتها يقولي تنظيم الدورة الدموية و شوية هجس اقوله انزل امشي نص ساعة جسمك كله هيتظبط ان شاء الله
و اللي يقولك شغالة و جايبة معايا نتيجة يبقي مجرد تأثير بالايحاء و للأسف الناس متعرفش قوة العقل ممكن يخليك تحس انك في قمة نشاطك او قمة تعبك
انما تقنعني بالهجس ده مياكلش معايا
شكرا لنقلك الموضوع

**Mshawky** · 23-02-2012 10:57 AM

اطلعوا على البحث ده الاول ياجماعه قبل الحكم بدون دليل لان فعلا الناس كلها بره شغاله بالمنتجات ديه جدا وجايبه نتيجه فعاله

واحنا كل كلامنا افتراضات بدون علم او بحث نقدر نحكم من خلاله

scalar=frequency+Energy.pdf

http://www.mediafire.com/?kdbp5zl4k0w4zo8