-
محتاس و عايز مساعدتكو
من فتره كنت عامل توبيك اقارن بين فورد فوكاس 2008 و اوكتافيا 2007 ورسيت علي الفورد - علما بإن الاتنين كانو قدامي - المهم كلمت الراجل وقابلته وشوفت العربيه وكانت فوق الممتازه وظبطت معاه واتفقنا وكل حاجه وخلاص كنت هديله عربون كده لقيته للأسف رجع في قراره وقرر ميبعش اصلا والبيعه ماتمتش للأسف .. بعد ما خلاص انا هيأت نفسي علي الفورد وكنت ختي بفكر اجيبلها اكسسوارات ايه وكده لكن للأسف اللي حصل بقي
المهم انا دلوقتي محتاس وبدور علي عربيه الماني في حدود 90 الف موديل جديد مش لاقي .. قدامي عربيه قريبي الاوكتافيا ال2007 حالتها يعني متوسطه و لما كنت بدور علي كونتاكت لقيت جيتا 2008 اعلي فئه تقريبا بس الراجل موبايله مغلق من 3 ايام مش عارف اوصله ... ف محتاج مشورتكم انزل سوق الجمعه ولا اعمل ايه علما بأني ماليش في سوق المستعمل اصلا اول مره نشتري مستعمل وخايف من النصب وبسمع اقاويل علي السوق وكده . .. تاني حاجه لو رحت هلاقي الاسعار هناك مبالغ فيها زي كونتاكت كارز ؟ هلاقي عربيات بيتي ولا كله تجار ؟ الاهم بقي هلاقي فورد فوكس ب السعر ده ولا مش هلاقي ؟
-
السلام عليكم
كنت رديت على حضرتك لو تفتكر قبل كده ونصحت بالأوكتافيا بس مش بتاعت قريبك لأن منها موجود بحالة أفضل. طبعا كل شئ حتى البيع والشراء رزق وبقدر الله وخير بإذن الله وتركب حاجة كويسة، ولازلت أنصح حضرتك بشراء سكودا أوكتافيا برضه. وبلاش سوق وبلاش تجار إلا لو معرفة أو عن حد ثقة، في كل الحالات تشتري عربية بيتي أحسن من المالك وتروح وتشوف صاحبها والبيت والمستخدمين ليها وبكدة تعرف طبيعة الاستخدام. وبالطبع الكشف (شاسيه وكمبيوتر) على أي عربية. وبالتوفيق
-
متشكر ليك ... بس المشكله اني مستحيل الاقي اوكتافيا 2007 ب 90 الف ف عشان كده لو هجيب اوكتافيا يبقي اكيد بتاعه قريبي اقرب حاجه ليا ومش هتفرق معغايا اصلح الطارة عادي مش هستخدمها اصلا ... وبالنسبه ل موضوع السوق هو خطر للدرجه دي؟
-
السوق ممكن تلاقي عربية بيتي 20% بس و الباقي كله تجار
منصحكش بالسوق بص في المواقع علي النت زي [url=http://www.car100100.com]
Content Relevant URLs by
vBSEO 3.6.0 PL2