الموضوع: إيجارات الغردقه والبحر الاحمر

المشاركة الأصلية كتبت بواسطة misoalex

الغردقه اللى اعرفه انه اولا على حسب المكان اللى حتاخد فيه

الموضوع مينفعش كده وخلاص
لازم تبقى عارف انت حتفتح فى انهى بلد وانهى مكان والنشاط ايه عشان تختار الشارع او المكان المناسب بالمساحه المناسبه
بازار غير سايبر كمبيوتر وغير محل فول وفلافل

عندك فى الغردقه حاليا بعد الثوره فيه محلات ايجارتها نزلت ل 700 جنيه وكانت ب 1000 واكتر قبل الثوره

بس اى محل على شارع عمومى مش حيقل عن 2000 جنيه وانت طالع

انت عاوز تفتح ايه
مع انى عاوز اقولك بلاش لان الناس اللى هناك حاليا بتكح تراب وده غير الناس اللى طفشت وغير السياحه اللى اتضربت غير الانفلات الامنى
يعنى بايظه من جميع الاتجاهات

الله يطمنك هههههه بس الدنيا مش سودا اوى كده اكيد الناس مش بتشحت هناك وشغالين برضه
بس الشغل بقا قليل بس وده فرصه للى عايز يشترى محل او ياجر فى الوقت ده

هو النشاط ادوات رياضيه وغطس وسباحه

المشاركة الأصلية كتبت بواسطة misoalex

لا يا باش انا بكلمك عن واقع واسأل اى حد هناك

واخر احداث السطو المسلح اللى حصلت فى الغردقه الايام الاخيره اثرت على الجو العام بعد ما ابتدى يتظبط شويه

وعموما انت اصلا قبل ما تاخد محل فى اى مكان لازم تروح تدرس المكان وتشوف ايه الجو والنشاط بتاعك حينفع هناك ولالا
ولو رحت الغردقه حاليا حتعرف ان كلامى صح

انت مسمعتش عن مظاهرات اصحاب البازارات اللى كانو عاملينها عشان مش عارفين يدفعو الايجارات ؟؟؟؟؟

ولو حتشترى محل فعلا الوقت حاليا مناسب لان الاسعار نزلت وحتبقى كسبان

لكن لو حتأجر منصحكش لان حتى لو اخدت المحل رخيص حاليا صاحب المحل مش عبيط لانهم بيعملو عقود السنه بسنه وحتيجى السنه اللى بعديها تلاقيه معلى الايجار عليك ويا تدفع يا تمشى وغيرك موجود

انا بكلمك عن خبره فى الكلام ده عشان متلبسش فى الحيط وتخسر رأس مالك
انزل الاول شوف الجو العام ايه بنفسك ولو شايف انه تمام ويناسبك يبقى اتكل على الله
القرار بتاعك انت

ربنا يكرمك يباشا

هو فعلا عارضه للبيع والايجار

ففكرك اشتريه انا معايا فلوسه للشراء تمليك لو عجبنى مكانه ومساحته اخلص فيه افضل ؟

ولا هكون رميت فلوسى فى الارض ؟ اناقولت الايجار يعنى اسلم الحلول مش اكتر