فعلا الموديل الجديد محبط جدا يعنى شال حاجات من الهاى لاين ال2011 مش موجودة فى 2011 و كل التضحيات دى مقابل الزيادة ال100 سى سى و ال 8 حصان!!!!!!! اللى هم مش هيضيفو فرق اصلا ده غير انى كنت شايف العربية فقيرة الكماليات بالنظر لسعرها و بالنظر للكورى اللى تمنه اقل منها اصلا
ولا زينون ولا بلوتوث ولا حساسات رجوع للخلف وفتيس 4 سرعات اتوماتيكى من غير حتى خاصية النقل اليدوى
الواحد حاسس انها عربية 2002 مش 2012
أنا شايف ان مفيش أي عربية تنافس العربية دي في الفئة الهاي لاين.... مكنش فيها غير السيفيك الشكل القديم و مش موجودة في أي حته عشان التوكيل عايز يسوق العربية الجديدة ( الفااااااااشلة )
عربية جميلة جدا جدا ... ساوند سيستم زي اللي بينزل في ال EVO ساوند سيستك Rock Ford يتكون من 9 سماعات و SUB في الشنطة 10 بوصة
Push to start Engine
فاميه مترخص
usb
فتحة سقف
أبانوس في التابلوه
سبويلر
و غيره ...
اما بالنسبة للزينون و الكلام ده فا ممكن يتركب و الفانوس اللي فيه زينون لو باظ أو حصلة حاجة .... هتزعل جامد . (سعره 13000 جنيه علي حسب كلام دايموند موتورز )
و بالنسبة للباركينج سينسور هيبقي متوفر قريب جدا في دايموند موتورز و هيبقي متاح للناس عشان تركبه في العربية و تقريبا هيبقي في كاميرا زي اللي بينزل برا .
أنا شايف عيبها الوحيد الفتيس ...
و كمان متقرنهاش ب عربية زي الألنترا لأني مش قادر أفهم أزاي ممكن واحد يشتري عربية زي الألنترا هاي لاين ب160 ألف جنيه ... مش قادر أستوعب الناس اللي بتعمل كدة...
و العربيات اللي في نفس الفئة السعرية و اللي بتنافس الشارك الهاي لاين
تويوتا كورولا - مازدا 3 - شيفورلية كروز - الألنترا
و لو عليت شوية يبقي هوندا سيفيك فاضية أو سكودا أوكتافيا أول فئة
الألنترا = لو أنت مقتنع بيها ... يبقي برضوا تغور من غبور
مازدا 3 = عربية كويس جدا بس غبور برضوا
الكورولا = أخر عربية كورولا مقتنع بيها هي اللي قبل اللي كانت بتصنع في جنوب افريقيا
سيفيك = الشكل القديم كان منافس لكن للأسف الشكل الجديد عمرها ما هتبيع بالطريقة دي
كروز = منصور.. تغور من وشوا برضوا
أوبل كويسة جدا بس برضوا منصوووور
و برضوا في فيات كويسة جدا بس تغور من أوماترا... توكيل .... بلاش اغلط أحسن
بالنسبة لعربية شبابية و بالسعر ده أنا مش شايف حاجة زي الشارك .
الشارك رائعة بجد
سؤال للعضو سبايدر هو حضرتك اشتريت فعلا لانسر شارك 1.6 2012 ومعلش لو حضرتك اشتريتها ممكن حضرتك تعمل تقييم عنها واسف لو هاتعب حضرتك
ان شاء الله هستلمها السبت و هعمل تقرير ان شاء الله
100 100 ياريساقتباس:
المشاركة الأصلية كتبت بواسطة spidermohmd1
بس نقطه صغيره الفيميه كان بينزل فى مواصفات الوكيل القديم, انا لما شفت موديل 2011 و ال2012 الهاى لاين مبينزلش فيهم فيميه
ياريت يا باشا تقرير مصور اكتر حاجة ياريت تاخد بالك منها صور التابلوه و الفتيس عشام هيفرقو معايا اوى
انا واحد من الناس لو فعلا شالو الفيمية منها عمري ما هفكر فيها جديدة و هروح اجيبها كسر زيرو
من الحاجات اللى شدتنى جدا فى العربية وانا بجبها الفاميه المثبوت على الرخصة خسااااااااااره والله التوكيل الجديد مينزلوش :s
طب انا معايا الهاى لاين الخليجى ومفيهاش فاميه ينفع اركبه ولما اروح اجدد اقوله انى نسيت اثبته على الرخصه ؟؟اقتباس:
المشاركة الأصلية كتبت بواسطة ma7oo
بمعنى تانى حيقدر يفرق بينه وبين فاميه الفابريكه ؟؟