اقتباس:
المشاركة الأصلية كتبت بواسطة elbeh
لسة جايب عربية نيسان صنى 2009 مانوال من أسبوع عاملة 50.000 كيلو الحمد لله كويسة
المهم:- قولت أروح التوكيل أعمل عليها تشك فروحت السبع فرع الزهراء فغيرت التيل علشان كان بيصفر فطلع التيل اللى راكب فيها تركى مش التيل الاصلى
و بعدين قولتلهم يعملوا الفحص الشامل على العربية فطلع الفحص كالاتى:-
السيارة تحتاج الى (كلاكس ب 220 + كاوتش تراب مساعدين أمامية ب 69جنية * 2 + قاعدة موتور أمامية ب 244 جنية + مقصات أمامية ب 546 جنية * 2 ) و بس
أنا هقولكم أنا بحس باه فى العربية هيه بس فى تزييئ من الناحية الشمال أودام بس مش علطول و كنت عايز اسال هل معقول ان المقصات تتغير بدرى أوى كده.
و ماعلش ليا أستفسار تانى من ساعت ما غيرت التيل حاسس ان العربية تقيلى و ما بتسحبش هل ده من التيل و لا ممكن يكون من البنزين و الفتيس بتاع المانوال تقيل فى النقل ولا أه هما فى التوكيل قالولى هوه كده .
ماعلش أنا طولت عليكم بس عايز أطمئن و شـــــــكرااااا
السلام عليكم ورحمة الله وبركاته
اولا : الف مبروووك على السياره وربنا يكفيك شرها ويحفظك منها ويحفظهالك
ثانيا : موضوع المقصات
انا ليا راى بعد اذنك ومع كل الاحترام للساده الاعضاء الذين سبقونى بالرد
المقصات ملهاش عمر محدد ممكن تقول ان اغير بعد هذا العمر اى بعد 50 او 60 او حتى 30 الف دا لان طريق سواقتى غير سواقه حضرتك غير سواقه اى حد فبالتالى عمر المقصات بيختلف من واحد للتانى حسب طريقه سواقتو مثلا الى بيمشى يرذع فى العربيه مش شى اللى بيمشى هادى ضيف على كدا شوارعنا فى مصر تفكك احسن عربيه
ثالثا : حضرتك شاريها يوزد وحضرتك اكيد متعرفش الى كانت معاه طريقه السواقه بتاعتو كانت عماله إزاى
الخلاصه ان المعدل ده معقول للتغير للاسباب اللى وضحتها لحضرتك ومن الافضل ان حضرتك تغير كل حاجه فى التوكيل هتلاقيها غاليه شويتين بس افضل ليك
اما عن عدم سحب العربيه فليس للتيل علاقه بذلك لان السحب مرتبط اما بنوع البنزين ( ممكن يكون داخلو ميه) او البوجيهات او انها تحتاج ضبط كهرباء العربيه
واحتمال التزيئ دا يكون من المساعد مع حركه الطريق ودا عادى
وممكن حضرتك تطلب ف الصيانه تربيط السياره والعفشه وكمان هما فى الصيانه الشامله بيزبطو كل حاجه ( اى سوائل بالسياره / رجلاش فرمله اليد/ ضبط الانوار) ..... الخ
لو حضرتك عملت الصيانه الشامله دى حتس انك لسه شارى العربيه
والسبع ناس محترمه جدا فى موضوع الصيانه وأسال هناك ع المهندس / اسلام هيقوم معاك بالواجب زى الكتاب مبيقول
وابقى طمنى على اى حال