الموضوع: عايزه عربيه سعرها مابين ١٥٠ الي ١٧٧ الف

المشاركة الأصلية كتبت بواسطة sonasteel

بسم الله الرحمن الرحيم
انا هاتكلم لي نيسان علشان متابعها

في قدامك 4 اختيارات في الرينج ده
1- نيسان قشقاي ..... ياباني تقفيل انجليزي

وديه تقريبا في رينج الفلوس اللي قلتي عليها
مانيوال ب165 ..... واتو ب175 الف
موتور قوي و فتييس cvt xtronic الجديد من نيسان اللي بينزل في المورانو
كراسيها مريحة جدا وتابلوهت شيك و قعدتها مع سقف البانوراما شيك جدا جدا
جنطها 17 و لما سوقتها في الملفات محسيتش انها خفيفة
وديه لينكات ريفيوهات ليها ودرايف تيست بس للمانيوال ..... درايف تيست الاوتو قريب ان شاء الله

http://www.nilemotors.net/nile/219747-a.html

http://www.nilemotors.net/nile/19766...post3873238928

http://www.nilemotors.net/nile/232895-a.html

--------------------------------------------------

2- نيسان جوك (تحفة نيسان) رأي الشخصي ..... ياباني تقفيل انجليزي




هي حجمها اقل من القشقاي سيكا .... وسعرها هاينزل تحفه تحفة ومفاجاة هايعلن عنها في الفورميلا اللي جاي
وهاتنزل بنفس الاوبشن اللي بتنزل بيه في اوروبا (كروز كنترول - مالتي فانكشن - i drive.... الخ) ماعدا الesp
انا مقعدتش فيها .... بس قدام تقفيل انجليزي تبقي عاملة زي القشقاي و مريحة وجنوطها 16
ونفس ماتور القشقاي وفتيس cvt xtronic
,وديه صورة للتابلوه


وديه لينكات بالصور والمواصفات للجوك

http://www.nilemotors.net/nile/228419-a.html

http://www.nilemotors.net/nile/270408-a.html

------------------------------------------------------
3- نيسان بلوبيرد ..... سيدان ..... ياباني تقفيل صيني
وديه فئة اعلي من التيدا و سيدان وسعرها تقريبا 155 الف .
ماتور قوي ماشاء الله فتيس اوتوماتيك عادي
تابلوه شيك جدا وقعدتها فخمة جدا جدا واعتقد علشان سيدان هايبقي ثباتها معقول





وده لينك بالصور والمواصفات
http://www.nilemotors.net/nile/62785-a.html

-----------------------------------------------------

4- تيدا هاتش باك اعلي فئة بفتحة سقف ...... 132500 جنيه تقريبا
تيدا معروفة وماتورها قوي وفتيسها اوتوماتيك ممتاز ....سحب رااائع ماشاء الله
تابلوه جميل وقعدتها جميلة وواسعه جدا ماشاء الله





ويه لينكات فيها ريفيوهات ليها و صور ومواصفات
http://www.nilemotors.net/nile/259332-a.html

http://www.nilemotors.net/nile/188705-2011.html

http://www.nilemotors.net/nile/27385-a.html

-----------------------------------------------
واخيرا الفهرس ده هتلاقي مواضيع كتير تخص كل عربية فيهم بكمالياتها

http://www.nilemotors.net/nile/163656-a.html

ومتنسيش الاستخارة وربنا ييسرلك كل خير يارب العالمين :)))

ميرسي ليك أوي و حلوه الجوك دي هدرسها و بعدين فعلا انا اجلت شويه لغايه المعرض عشان اشوف العربيات الجديده