ايه هايحصل يوم 31 مارس .. ماتيجو نشوف !
أكدت مجموعة غير معروفة من الهاكرز قيامهم يوم 31 مارس بإطلاق عملية باسم (التعتيم العالمى) هدفها مهاجمة وتعطيل 13 خادم DNS server علي مستوى العالم مما سوف يؤدى الى شلل تام فى شبكة الانترنت وفقدان القدرة علي تصفح المواقع زي جوجل وغيرها (يعنى هاتلاقي عندك خط النت شغال بس تيجي تفتح موقع يديك ايرور مسج) .. طيب ايه هدف الهجوم ده؟ .. أكد الهاكرز ان الهجوم ليس المقصود به الاضرار بالناس ومصالحهم وانما هو احتجاج علي قرارات غبية وغير مسئولة من الحكومة الامريكية لخدمة المصالح الشخصية لبعض المسئولين و رؤساء البنوك زي قرار S O P A (بتاع اغلاق مواقع الشيرنج اللي كان بطله موقع رابيدشير بسبب خلاف شخصى مع احد المسئولين ف الحكومة الامريكية) و زي قمع مظاهرات وول ستريت .. في النهاية يعتذر الهاكرز لمستخدمى النت عما سوف يحدث ولكنهم يؤكدون انهم لا ينسون اهانات الحكومة ولا يسامحون .. ولا توجد بيانات محددة عن مده الهجوم قد تكون بضع ساعات أو يوم وقد تصل لبضع ايام .. تعليقي الشخصى عن الحدث ان الستات عندنا هاتبعتلهم رسايل شكر عشان هايلاقوا وقت يقعدوا مع رجالتهم اللي متمسمرين قدام المنتدى