السلام عليكم ورحمة الله وبركاته
ياريت لو حد يفيدنى عن رينج أسعار بيجو 405 الفرنساوى سعة 1400-1600 وكان اخر موديل نزل منها فرنساوى كان سنة كام
عرض للطباعة
السلام عليكم ورحمة الله وبركاته
ياريت لو حد يفيدنى عن رينج أسعار بيجو 405 الفرنساوى سعة 1400-1600 وكان اخر موديل نزل منها فرنساوى كان سنة كام
السلام عليكم ورحمة الله وبركاته
حسب معلوماتى ال405 الفرنسى لم تدخل السوق المصرية مباشرة. يمكن موديل سنة 1989 فقط ومن بعد ذلك كل الموديلات تجميع مصرى حتى سنة 2004 تقريبا (ليس عندى تواريخ محددة وإنما معلومات من الذاكرة) ثم أتت الموديلات الإيرانى. كل ماهو فى السوق حاليا إذا كان فرنسيا أتى عن طريق الخليج (يسمى أحيانا بالخليجى) او مباشرة من أوروبا أو ليبيا. السعر يتوقف على سنة الموديل وحالة السيارة وعدد الكيلومترات, وهو يتراوح من 33 ألف إلى 45 ألف
السلام عليكم ورحمة الله وبركاته
أظن إنى على صواب لأنى اشتريت ال405 موديل 1991 من الخليج ولما نزلتها مصر سنة 1993 كانوا بيصنفوها فى التوكيل فى مصر على إنها فرنساوى وليها قطع غيار لما باحتاجها بتكون مختلفة عن البيجو المصرى وباشتريها استيراد لأنها مش متصنعة ف مصر. يعنى فيها مثلا فوانيس جانبية مش موجودة فى الموديل المصرى. الكارتيرة لما احتاجت غيرها كانت اللى موجودة فى مصر ماتنفعش مكانها
السلام عليكم ورحمة الله وبركاته
أنا باتكلم عن بعض القطع البسيطة وليس القطع الأساسية لأن البيجو المصرى مجرد تقفيل وليس تصنيع. البيجو الفرنسى عليها إقبال لأن التقفيل المصرى ليس على نفس المستوى يعنى عندما حدث حادث لسيارتى واحتجت لتغيير أحد الأبواب وركبت الباب المصرى (أعنى الصاج فقط) كان هناك فرق ملحوظ وقس على ذلك أجزاء أخرى فى السيارة عندما أجد لها مثيلا مصريا لا يمكن أن يكون على نفس المستوى الفرنسى للأسف.
عزيزي الأخ مصطفى
إذا وجدت بيجو فرنساوي 405 موديل قديم و لكن حالة ممتازة
تعتبر أفضل من المصري وإن كان موديل فوق ال2000
و هل قطع الغيار تركب على بعض ؟؟ لأني و جدتك كاتب موضوع محترم عن قطع الغيار الخاصة ال405
و ثانياً موضوع إن بعد سنة 2000 نزلوا فيها موتور انجيكشن هل دا يفرق فعلا
أم تظل الفرنساوي ولو قديمة أفضل بردوا
أرجو منك رد مفصل لأن فيه ناس كتيير بتقول إن ال405 زمانها فات و راحت عليها
السلام عليكم ورحمة الله وبركاته
أعتقد إنه مصطفى آخر الذى كتب موضوع قطع الغيار, وعموما فأنا أفضل طبعا أن تشترى المصرى الإنجيكشن لأنها أحدث والإنجيكشن يفرق كتير والفرق بين الفرنسى والمصرى فى التقفيل فقط, وفى الآخر اللى حايحكم هو حالة السيارة عند شرائها يعنى خليك حريص ولا تتسرع