عاوزه اتعلم السواقه

**rora2020** · 01-06-2008 11:12 PM

اولا (مساء/صباح )الخير على الناس الجميله والمتعاونه بجد في المنتدىالجميل ده عاوزه اقولكو انى متابعه من زمان المنتدى والحمد لله اديني بقيت واحده منكو وده طبعا بعد اذنكوا
بما انكو مشاء الله عندكو معلومات كتيره اوي انا دلوقتى المفروض هاتعلم السواقه عشان ان شاء الله هاشتري عربيه ماروتى
عاوزه حد يقولي على مكان كويس اوي لتعليم السواقه عشان انا ان شاء الله ناويه اجيبها زيرو عشان كده عاوزه ماركبهاش الا وانا متمرنه جامد اوي
في ناس قالولي ان شركه النصر للسيارات الي في غمره دي فيها مركز لتعليم القياده وكمان بيطلعولك رخصه في نهايه الكورس
ياريت حد عندو معلومات بخصوص الموضوع ده وياريت لو حد راح قبل كده يقولي ايه الطلبات والمواعيد والورق وانظمه الكورسات ولكم جزيل الشكر
معلش رغايه حبتين بس عارفه انكو هاتفيدونى ان شاء الله

--------------------------
تم النقل بواسطتي
مشرف القسم

**hussein** · 01-06-2008 11:24 PM

الاول انتى ساكنه فين علشان لازم يكون مكان قريب من البيت
ثانيا فى شركة اسمها الجهاد و اللى بيدربو فيها ستات دا هيكون احسن ليكى و هيحميكى من الاستظراف بتاع المدربين الرجاله
ياريت لو حد من الاخوه يقولنا مكان الشركة او هاتيها من الدليل

**rora2020** · 01-06-2008 11:32 PM

المشاركة الأصلية كتبت بواسطة hussein

الاول انتى ساكنه فين علشان لازم يكون مكان قريب من البيت
ثانيا فى شركة اسمها الجهاد و اللى بيدربو فيها ستات دا هيكون احسن ليكى و هيحميكى من الاستظراف بتاع المدربين الرجاله
ياريت لو حد من الاخوه يقولنا مكان الشركة او هاتيها من الدليل

اولا ميرسي اوي على ردك السريع عليا
ثانيا انا ساكنه على شراع عين شمس
ثالثا فكره السواقين البنات دي حاجه تجنن خاصتا انى كنت هاخد اخويا معايا كل مره وحاجه لبخه
رابعا بقى وده الاهم ايه ظروف الرخصه في المدرسه دي
وبجد ميرسي اوي اوي

**aif** · 01-06-2008 11:39 PM

انا انصحك انك الاول تجيبي عربية مستعملة 127 او 128 تتعلمي عليها وتتدربي علي السواقة في مصر .... وبعد ما تتمكني من السواقة ... ممكن بعد 6 شهور مثلا تكوني بقيتي 100 % ...تبيعيها وتجيبي زيرو وانتي مطمئنة انك مش ح تبهدليها في التعليم
اما حكاية المدارس اللي بتطلع الرخصة ....ده وهم كبير وتلاعب بالالفاظ عشان يجذبو الزباين ... هما بيقولو " نؤهلك للرخصة " يعني بنمرنك علي الامتحان بتاع الرخصة ...لكن طبعا مالهمش دعوة بيكي في المرور ..
الرخصة لها 3 طرق فقط لا غير
1 - انك تمتحني و تنجحي في الامتحان ( اشارات وقيادة ) بشكل طبيعي
2 - بالواسطة وبيبقي الامتحان شكلي ... اطلعي قدام .. ارجعي ورا ... مبروك
3 - بالفلوس ... ودي بنفس اسلوب الواسطة لكن بدل المعرفة بتبقي بدفع فلوس لشخص م ... من 400 الي 700 جنية حسب التساهيل
لو سيادتك دخلتي المدرسة وبس مش ح تتعلمي كويس ... لازم تكوني اشتريتي عربية عشان تتدربي مع نفسك وتطبقي اللي اتعلمتيه في مدرسة السواقة
انا لسة عامل القصة دي كلها مع زوجتي من شهرين لكن كانت مع مدربة محترفة ... وعلي العربية بتاعتنا إحنا
وربنا يوفقك

**KHALEDGELO** · 03-06-2008 02:53 PM

حضرتك حيبتدوي في مدرسة النصر اللي في غمرة الدورة في 31/7/2008 انا لسه سائل من اسبوع ودي نمرهم 22353637 - 22354485
وحقولك علي كل اللي مطلوب وهمه بيعلموا عند النادي الأهلي الجديد
وعلي فكرة انا سالت في كذا مكان علي مدربات لمراتي قلولى الستات بتعلم كويس في الأماكن الفاضية بيجوا في الزحمة بيحتاسوا ومبيعرفوش يعلموا

**osos_lion** · 10-06-2008 11:56 PM

بصي يا ستي انا اتعلمت السواقه انا وواحد صاحبي في مركز الاستاذ عند كفتيريا نعمه انا اتعلمت علي ايد واحد جامد اوي اسمه تامر هو في المركز ده
اوليلو انا من طرف اسامه ووائل
وهو هيهتم
وانا ممكن اوصيه عليكي
بس كده