موضوع فى غاية الروعة والتجربة النترا 2009
انا قريت الموضوع وشعشع فى دماغى مع انى مبحبش العب فى العربية خالص.
المهم جبت المفك والالنكيه وروحت على العربية ( على فكرة مستعملتش الالنكيه خالص ) دخلت على التابلوه وفكيت المسمارين اللى فوق لغاية دلوقت الموضوع سهل بعد كدة احاول افك الوش مفيش فايدة كأنى مفكتش مسامير .
روحت اتعافيت عليه جامد فاتخلع وعمل صوت الكليبسات فرقعة انا قولت كدة خلاص العربية باظت ههههههههه. كدة لغاية دلوقت تمام بعد كدة جيت افك فيشة عداد الرحلات ولا الدموع مرديتش تتفك ابدا ودى الصراحة مردتش اتعافى عليها فاسبتها.
فى ملحوظة فى الالنترا تحت وش التابلوه فيه حتة جلد لاصقة فى الوش وفى الفيبرة اللى فوق الدريكسيون فافكيت الفيبرة دى عبارة عن مسمارين واحد يمين وواحد شمال بس لازم طبعا تلف الدريكسيون يمين او شمال عشان المسمارين دول يبانو.
كدة بقى الوش والفيبرة وبينهم الجلد حرين الحركة مع بعض فانا لفيتهم يمين من غير ما افك فيشة عداد الرحلات واشتغلت على كدة.
بعد كدة فيه 4 مسامير صليبة فكيتهم عادى وبعدين طلعت لوحة العدادات وفكيت 2 فيشة من ورا اللوحة واحدة يمين سوداء وواحد شمال بيضاء.
كدة العدادات بقت فى ايدك هتقلبهم من ورا هتلاقى فيبرة بيضاء بكليبسات هتفكها عادى وتبان البوردة الخضراء. هتلاقى تحت على اليمين مكان 3 لمبات 2 يمين والاولى شمال مش موجودة.
هتنقل اول واحدة يمين ودى بتاعة الايرباج مكان اللى فاضى ( الاولى شمال ) وتسيب طبعا اللى فى النص اللى هى بتاعة الزيت .
وتقفل كل حاجة زى ما كانت ومبروك عليك لمبة تشيك انجين.
صورت صورة ومش عارف انزلها
ومتشكر جدا لصاحب الموضوع وكل المشاركين.
http://www.nilemotors.net/Nile/C:%5C...top%5Cmmbm.jpg